ກອງທັບປະຊາຊົນລາວ
 
ວັນຈັນ, ວັນທີ 27 ພຶດສະພາ 2024

  

ກອງພັນ​ໃຫຍ່ 302 ກອງ​ພົນ​ທີ 3 ປະກາດ​ການ​ເລື່ອນໃຫ້​ຊັ້ນ​ນາຍ​ທະຫານ
ເວລາອອກຂ່າວ: 2024-04-24 08:58:15 | ຜູ້ຂຽນ : admin1 | ຈຳນວນຄົນເຂົ້າຊົມ: 443 | ຄວາມນິຍົມ:



ໃນ​ວັນ​ທີ 23 ເມສາ 2024 ນີ້, ກອງພັນ​ໃຫຍ່ 302 ກອງ​ພົນ​ທີ 3 ໄດ້ປະກາດ​ການ​ເລື່ອນ​ຊັ້ນ​ໃຫ້​ນາຍ​ທະຫານ, ໂດຍ​ການ​ເປັນ​ປະທານ​ ຂອງ​ສະຫາຍ ພັນ​ໂທ ຄຳ​ອ້ວນ ວຽງ​ສະຫວັນ ຫົວໜ້າ​ການເມືອງ ກອງພັນ​ໃຫຍ່ 302, ມີ​ຄະນະ​ພັກ-ຄະນະ​ບັນຊາ ພະແນກການ, ກົມ​ກອງ ແລະ ນາຍ​ທະຫານ​ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່ ເຂົ້າ​ຮ່ວມ. ສະຫາຍ ຮ້ອຍ​ເອກ ພຸດພອນ​ມະນີ ຫົວໜ້າ​ຂະແໜງ​ພະນັກງານ​ ກອງພັນ​ໃຫຍ່ 302 ໄດ້​ຜ່ານ​ຂໍ້ຕົກລົງ ​ຂອງ​ກະຊວງ​ປ້ອງ​ກັນ​ປະເທດ ວ່າ​ດ້ວຍ​ການ​ເລື່ອນ​ຊັ້ນ​ໃຫ້​ນາຍ​ທະຫານ ຢູ່ ກອງພັນ​ໃຫຍ່ 302, ອີງ​ຕາມ​ ກົດໝາຍ​ນາຍ​ທະຫານ​ກອງທັບ​ປະຊາຊົນ​ລາວ ວ່າ​ດ້ວຍ ການ​ເລື່ອນ​ຊັ້ນ​ນາຍ​ທະຫານ​ຢູ່​ໃນ​ຖັນ​ແຖວ​ກອງ ທັບ​ໃນ​ນີ້, ກະຊວງ​ປ້ອງ​ກັນ​ປະເທດ​ຕົກລົງ​ເລື່ອນ​ຊັ້ນ​ໃຫ້​ນາຍ​ທະຫານ ​ຢູ່​ ກອງພັນໃຫຍ່ 302 ຄື: ເລື່ອນ​ຊັ້ນ ຮ້ອຍ​ເອກ ຂຶ້ນຊັ້ນ ພັນຕີ 3 ສະຫາຍ, ຮ້ອຍ​ໂທ ຂຶ້ນ ຮ້ອຍ​ເອກ 7 ສະຫາຍ, ​ຮ້ອຍ​ຕີ ຂຶ້ນ ຮ້ອຍ​ໂທ 9 ສະຫາຍ, ເລື່ອນ​ທຽບ​ຊັ້ນ ຮ້ອຍ​ໂທ ຂຶ້ນ ຮ້ອຍ​ເອກ 1 ສະຫາຍ, ປະດັບທຽບ​ຊັ້ນ​ຮ້ອຍ​ໂທ​ ໃຫ້​ນັກຮຽນ​ທີ​່ຮຽນ​ຈົບ​ຊັ້ນ​ປະລິນຍາ​ຕີ 1 ສະຫາຍ ແລະ ຊັ້ນ​ສູງ 1 ສະຫາຍ. ໂອກາດ​ດຽວ​ກັນ​ນີ້, ຍັງ​ໄດ້​ຜ່ານ​ຂໍ້​ຕົກລົງ​ ຂອງ​ກອງ​ພົນ​ທີ 3 ວ່າ​ດ້ວຍ​ ການ​ສັ່ງ​ຖອດ​ພະນັກງານ​ວິຊາ​ສະເພາະ​ຂັ້ນ​ນາຍ​ສິບຈຳນວນ​ໜຶ່ງ​ ຢູ່​ ກອງພັນ​ໃຫຍ່ 302 ໄປ​ຮັບ​ໜ້າທີ່​ໃໝ່ ຢູ່ ກອງ​ພົນ​ທີ 3. ໂດຍ: ພອນ​ແກ້ວ ວິໄລ​ສັກ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ