ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ມອບ-ຮັບນັກຮຽນກໍໍໍໍໍໍ່ສ້າງມະຫາວິທະຍາໄລການທະຫານລົງຝຶກຫັດຢູ່ກອງພົນທີ1
ເວລາອອກຂ່າວ: 2024-04-02 14:29:38 | ຜູ້ຂຽນ : admin2 | ຈຳນວນຄົນເຂົ້າຊົມ: 249 | ຄວາມນິຍົມ:



ໃນວັນທີ29 ມີນາ 2024 ນີ້, ກອງພົນທີ1 ໄດ້ຮັບນັກຮຽນກໍ່ສ້າງມະຫາວິທະຍາໄລການທະຫານປີທີ4 ຊຸດທີ19 ລົງຝຶກຫັດຢູ່ກອງພົນທີ1 ໂດຍເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ບົວໄລ ສີລັກສາ ຫົວໜ້າການທະຫານ ວິທະຍາຄານນາຍທະຫານບົກກົມມະດຳ, ສະຫາຍ ພັນເອກ ໄຊຍະສອນ ແກ້ວໂຍທີ ຮອງຫົວໜ້າຫ້ອງເສນາ, ມີບັນດາ ອົງການ 05 ຫ້ອງ, ຄະນະວິຊາຄູ, ຜູ້ຕາງໜ້າບັນດາກົມກອງ ແລະ ນັກຮຽນທີ່ລົງຝຶກຫັດເຂົ້າຮ່ວມ. ສະຫາຍ ພັນໂທ ບຸນມາ ກັດຕິຍະວົງ ຫົວໜ້າພະແນກ ແຜນການ ວິທະຍາຄານ ນາຍທະຫານບົກ ກົມມະດຳ ໄດ້ຂຶ້ນຜ່ານຂໍ້ຕົກລົງແຕ່ງຕັ້ງນັກຮຽນກໍ່ສ້າງມະຫາວິທະຍາໄລການທະຫານປີທີ4 ຊຸດທີ19 ຈຳນວນ10 ເຫຼົ່າຮົບ ລົງຝຶກຫັດຢູ່ກອງພົນທະຫານຮາບທີ1 ປະຈຳສົກຮຽນ 2023-2024. ອີງຕາມໂຄງການຫຼັກສູດການສອນ-ການຮຽນຂອງນັກຮຽນກໍ່ສ້າງມະຫາວິທະຍາໄລການທະຫານລະບົບ 04 ປີ ຂອງວິທະຍາຄານນາຍທະຫານບົກກົມມະດຳ ໄດ້ສິ້ນສຸດສອບເສັງຍິງລູກປືນແທ້ ກຽມພ້ອມລົງຝຶກຫັດຢູ່ກົມກອງຮາກຖານ ເພື່ອຢັ້ງຢືນຄວາມຮູ້ຄວາມສາມາດ ໃນການປະຕິບັດໜ້າທີ່ວຽກງານຢູ່ກົມກອງ; ອີງຕາມ ແຜນການລົງຝຶກຫັດ ຂອງນັກຮຽນກໍ່ສ້າງມະຫາວິທະຍາໄລ ການທະຫານປີທີ 04 ຊຸດທີ 19 ຈຳນວນ 10 ເຫຼົ່າຮົບທີ່ກົມໃຫຍ່ເສນາທິການໄດ້ອະນຸມັດສະບັບເລກທີ 281/ກສນ, ລົງວັນທີ 6/01/2024. ອໍານວຍການວິທະຍາຄານນາຍທະຫານບົກກົມມະດຳຕົກລົງ: ລົງຝຶກຫັດຢູ່ກອງພັນທະຫານຮາບ 13 ມີ 20 ສະຫາຍ, ກອງພັນທະຫານຮາບ 15/ຈໍ102 ມີ: 17 ສະຫາຍ, ກອງພັນທະຫານຮາບ 17/ຈໍ102 ມີ 18 ສະຫາຍ, ກອງພັນທະຫານຮາບ 701/ຈໍ102 ມີ 18 ສະຫາຍ, ກອງຮ້ອຍປ້ອງກັນທີ່ຕັ້ງ 224 ມີ 6 ສະຫາຍ, ກອງພັນ ສື່ສານ 221 ມີ 10 ສະຫາຍ, ກອງຮ້ອຍສືບຂ່າວ 226 ມີ 10 ສະຫາຍ, ກອງພັນຊ່າງແສງ 561 ມີ 10 ສະຫາຍ, ກອງພັນປ້ອງກັນອາກາດ 162 ມີ 15 ສະຫາຍ, ກອງພັນປືນໃຫຍ່ໜ້າດິນ 631 ມີ 7 ສະຫາຍ, ກອງພັນ ລົດຕັ່ງຍານເກາະ 616 ມີ 10 ສະຫາຍ, ກອງຮ້ອຍເຄມີສາດ 151 ມີ 5 ສະຫາຍ. ໃນພິທີດັ່ງກ່າວ, ສະຫາຍ ພົນຈັດຕະວາ ບົວໄລ ສີລັກສາ ຄະນະປະທານໄດ້ໂອ້ລົມ ພ້ອມທັງເໜັ້ນໜັກໃຫ້ນັກຮຽໜຝຶກງານເອົາໃຈໃສ່ຍົກສູງຄວາມຮັບຜິດຊອບຕໍ່ໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ສຸ່ມສະຕິປັນຍາເຫື່ອແຮງ ແລະ ໝູນໃຊ້ບົດຮຽນທີ່ໄດ້ຮຽນນຳຄູ-ອາຈານໃຫ້ແທດເໝາະກັບສະພາບຕົວຈິງຂອງແຕ່ລະກົມກອງຢ່າງມີຫົວຄິດປະດິດສ້າງ, ຊອກຮູ້ຮ່ຳຮຽນນຳການຈັດຕັ້ງ, ໝູ່ຄູ່ເພື່ອນມິດສະຫາຍ ເພື່ອຍົກສູງຄວາມຮູ້ຄວາມສາມາດ ໃນການນຳພາ-ບັນຊາໃຫ້ສູງຂຶ້ນ, ພ້ອມທັງປະຕິບັດກົດລະບຽບຂອງກອງທັບ 7ລະບອບ 18ວຽກໃຫ້ເຂັ້ມງວດ, ຮັກສາແໜ້ນຄວາມສາມັກຄີພາຍໃນໃຫ້ແໜ້ນແຟ້ນ, ເຄົາລົບນັບຖືຊ່ວຍເຫຼືອເຊິ່ງກັນ ແລະ ກັນ, ເອົາໃຈໃສ່ຊຸກຍູ້ການເພີ່ມພູນຜະລິດຜົນ ປູກຝັງ-ລ້ຽງສັດຕາມທ່າແຮງຂອງກົມກອງ, ເອົາໃຈໃສ່ພົວພັນສະໜິດແໜ້ນກັບອຳນາດການປົກຄອງທ້ອງຖິ່ນ ແລະ ປະຊາຊົນບັນດາເຜົ່າ ຂອບເຂດກົມກອງຕັ້ງທັບ ແລະ ຊ່ວຍເຫຼືອປະຊາຊົນໃນທຸກດ້ານ. ຂຽນໂດຍ: ຄຳພຸດ ພານຸວົງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ