ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຄະນະພັກຮາກຖານຫ້ອງການບໍລິຫານກົມໃຫຍ່ເສນາທິການກອງທັບດຳເນີນກອງປະຊຸມໃຫຍ່ສະມາຊິກພັກຄັ້ງທີIII
ເວລາອອກຂ່າວ: 2024-04-02 14:25:27 | ຜູ້ຂຽນ : admin2 | ຈຳນວນຄົນເຂົ້າຊົມ: 231 | ຄວາມນິຍົມ:



ໃນວັນທີ2 ເມສາ 2024 ນີ້, ຄະນະພັກຮາກຖານຫ້ອງການບໍລິຫານ ກົມໃຫຍ່ເສນາທິການກອງທັບ ໄດ້ດໍາເນີນກອງປະຊຸມໃຫຍ່ສະມາຊິກພັກ ຄັ້ງທີIII ຂຶ້ນ ໂດຍການເປັນປະທານຂອງ ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເສນາທິການກອງທັບ, ມີຄະນະພັກ-ຄະນະບັນຊາ, ແຂກທີ່ຖືກເຊີນພ້ອມດ້ວຍພະນັກງານສະມາຊິກພັກເຂົ້າຮ່ວມ. ສະຫາຍ ພັນເອກ ສີສະຫງຽມ ອຸດົມ ເລຂາຄະນະພັກຮາກຖານ ຫົວໜ້າຫ້ອງການບໍລິຫານ ໄດ້ຂຶ້ນຜ່ານບົດລາຍງານການເມືອງທັງສອງພາກໃນໄລຍະຜ່ານມາຄະນະພັກຮາກຖານຫ້ອງການບໍລິຫານ ໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດໃຫ້ແກ່ພະນັກງານສະມາຊິກພັກ ເຊິ່ງເນື້ອໃນທີ່ນໍາມາສຶກສາອົບຮົມແມ່ນນິຕິກຳ, ກົດໝາຍ,ມະຕິກອງປະຊຸມໃຫຍ່ຂອງຄະນະພັກຂັ້ນເທິງ ແລະ ຂັ້ນຂອງຕົນດ້ວຍການນໍາໄປຈັດຕັ້ງຮໍ່າຮຽນມູນເຊື້ອຕ່າງໆຂອງພັກ, ຂອງຊາດ, ຂອງກອງທັບ, ເຮັດໃຫ້ສະມາຊິກພັກແຕ່ລະສະຫາຍໄດ້ມີແນວຄິດອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ, ມີທັດສະນະແນວຄິດທີ່ຖືກຕ້ອງຕາມທິດນຳຂອງພັກ, ມີສະຕິຕື່ນຕົວປະຕິບັດກົດໝາຍ ແລະ ລະບຽບວິໄນຂອງກອງທັບຢ່າງເຂັ້ມງວດ ແລະ ເຮັດສໍາເລັດໜ້າທີ່ວິຊາສະເພາະຕາມການມອບໝາຍຂອງຂັ້ນເທິງໄດ້ເປັນຢ່າງດີ, ຄຽງຄູ່ກັນນັ້ນໄດ້ນໍາພາສ້າງຂະບວນການຕ່າງໆເພື່ອຂໍ່ານັບຮັບຕ້ອນວັນສໍາຄັນຂອງພັກ, ຂອງຊາດ, ຂອງກອງທັບເຊັ່ນ: ຂະບວນການປະຕິບັດວິຊາສະເພາະ, ຂະບວນການປັບປຸງດ້ານລະບຽບແບບແຜນ, ຂະບວນການປະຕິບັດ 7ລະບອບ 18ວຽກຂອງກອງທັບ, ຂະບວນການເຝິກອົບຮົມ-ຫັດແອບປະຈຳປີ, ຂະບວນການເພີ່ມພູນຜະລິດຜົນສ້າງລາຍຮັບ, ຂະບວນການແຂ່ງຂັນກິລາມວນຊົນ ແລະ ຂະບວນການອື່ນໆທີ່ປິ່ນອອ້ມທັງປັບປຸງກໍ່ສ້າງພັກຕາມ 5ຫຼັກການ 3 ທິດນໍາສາມາດເສີມຂະຫຍາຍບົດບາດນໍາໜ້າເປັນເຈົ້າການຂອງຄະນະພັກຮາກຖານ ຕໍ່ທຸກຂົງເຂດວຽກງານ ແລະ ໄດ້ຮັບການຢັ້ງຢືນຮັບຮອງເປັນກອງປອດໃສ ເຂັ້ມແຂງໜັກແໜ້ນ 4ສະໄໝສະໄໝຕິດຕໍ່ກັນ ແລະ ສາມາດຂະຫຍາຍມະຫາຊົນກ້າວໜ້າເຂົ້າເປັນສະມາຊິກພັກໄດ້ 11ສະຫາຍ, ສົ່ງໄປຮຽນຕໍ່ພາຍໃນປະເທດ 3ສະຫາຍ, ໄປທັດສະນະສຶກສາຕ່າງປະເທດ 3ສະຫາຍ, ຈັດຊຸດບຳລຸງວິຊາສະເພາະກັບທີ່ໄດ້ 1 ຊຸດຕໍ່ປີ ແລະ ໄປທັດສະນະສຶກສາ 1 ຄັ້ງຕໍ່ປີ. ໃນພິທີ ໄດ້ປ່ອນປ່ອນຄັດເລືອກເອົາຄະນະພັກຮາກຖານຊຸດໃໝ່ໄດ້ 7ສະຫາຍ ໃນນີ້,ສະຫາຍ ພັນເອກ ສີສະຫງຽມ ອຸດົມ ເປັນເລຂາຄະນະພັກຮາກຖານ, ສະຫາຍ ພັນໂທ ບົວລອຍ ພຸດທະເສນ ເປັນຮອງເລຂາ ແລະ ສະຫາຍ ພັນໂທ ໄມມອນ ໄຊປະດິດ ເປັນປະທານກວດກາພັກ. ໂດຍ:ສົມຄິດ ພູມມີຈິດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ