ວັນພະຫັດ, ວັນທີ 03 ຕຸລາ 2024
ໜ່ວຍພັກຫ້ອງຍຸດທະສາດການທະຫານ ກົມວສ-ປສ ການທະຫານ ສຳເລັດການເປີດກອງປະຊຸມໃຫຍ່ສະມາຊິກພັກຄັ້ງທີ III ຂອງຕົນ
ເວລາອອກຂ່າວ: 2024-04-01 15:13:01 | ຜູ້ຂຽນ : admin2 | ຈຳນວນຄົນເຂົ້າຊົມ: 895 | ຄວາມນິຍົມ: 
ວັນທີ29 ມີນາ 2024 ນີ້, ໜ່ວຍພັກຫ້ອງຍຸດທະສາດການທະຫານ ກົມວິທະຍາສາດ-ປະຫວັດສາດ ການທະຫານໄດ້ສຳເລັດ ການເປີດກອງປະຊຸມໃຫຍ່ສະມາຊິກພັກຄັ້ງທີIII ເພື່ອປ່ອນບັດຄັດເລືອກເອົາຄະນະພັກຊຸດໃໝ່ ໂດຍເປັນກຽດເຂົ້າຮ່ວມຂອງ ສະຫາຍ ພັນເອກ ທົງໄຊ ພິລາລັກ ເລຂາໜ່ວຍພັກ ຫົວໜ້າຫ້ອງຍຸດທະສາດການທະຫານ ແລະ ເປັນກຽດເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ວຽງໄຊ ສົມວິຈິດ ເລຂາຄະນະພັກຮາກຖານ ຫົວໜ້າກົມວິທະຍາສາດ-ປະຫວັດສາດ ການທະຫານ, ມີຕົວແທນຈາກບັນດາຫ້ອງພະແນກເອກະລາດ, ອົງການຈັດຕັ້ງມະຫາຊົນ ຕະຫຼອດຮອດສະມາຊິກພັກສົມບູນ ພາຍໃນຫ້ອງເຂົ້າຮ່ວມ.
ໃນພິທີ, ສະຫາຍ ພັນເອກ ທົງໄຊ ພິລາລັກ ເລຂາໜ່ວຍພັກຫ້ອງຍຸດທະສາດການທະຫານ ໄດ້ຂຶ້ນຜ່ານບົດລາຍງານທັງສອງພາກ ໂດຍຍົກໃຫ້ເຫັນດ້ານດີທີ່ເປັນຜົນງານ ແລະ ຂໍ້ບົກພ່ອງທີ່ຕ້ອງປັບປຸງແກ້ໄຂໃນຕໍ່ໜ້າ, ໃນນັ້ນໜ່ວຍພັກຫ້ອງຍຸດທະສາດການທະຫານ ປະກອບມີຄະນະພັກ 3 ສະຫາຍ, ມີສະມາຊິກພັກທັງໝົດ 22 ສະຫາຍ, ຍິງ 05 ສະຫາຍ. ໃນຕະຫຼອດໄລຍະ 5 ປີທີ່ຜ່ານມາຄະນະພັກໄດ້ເອົາໃຈໃສ່ສຶກສາອົບຮົມແນວຄິດເປັນຫຼັກ ເຊື່ອມຊຶມຂໍ້ກຳນົດກົດລະບຽບຂອງພັກ, ສາມາດເຮັດໃຫ້ສະມາຊິກພັກພາຍໃນຫ້ອງຍຸດທະສາດການທະຫານ ມີຄວາມອຸ່ນອ່ຽນທຸນທ່ຽງ ສາມາດເຮັດສຳເລັດໜ້າທີ່ ທີ່ພັກ ແລະ ຂັ້ນເທິງມອບໝາຍໃຫ້, ສາມາດເຮັດໃຫ້ໜ່ວຍພັກຫ້ອງຍຸດທະສາດການທະຫານ ເປັນໜ່ວຍພັກປອດໃສ ເຂັ້ມແຂງ ໜັກແໜ້ນໃນໄລຍະ5ປີຜ່ານມາ, ສ່ວນວຽກງານວິຊາສະເພາະຫ້ອງຍຸດທະສາດການທະຫານ ປະກອບມີ 5 ພະແນກການຂຶ້ນກັບ ໃນນັ້ນມີພະແນກການທະຫານສາກົນ, ພະແນກສິລະປະການທະຫານ, ພະແນກຄົ້ນຄວ້າກໍ່ສ້າງແນວຫຼັງຍຸດທະສາດ, ພະແນກແນວທາງທິດສະດີການທະຫານຂອງພັກ ແລະ ພະແນກຄົ້ນຄວ້າຈັດຕັ້ງ-ກໍ່ສ້າງກຳລັງ. ຕະຫຼອດໄລຍະ 5 ປີ ຜ່ານມາຫ້ອງຍຸດທະສາດການທະຫານ ສາມາດເປັນເສນາທິການໃຫ້ກົມວິທະຍາສາດ-ປະຫວັດສາດການທະຫານເຮັດສຳເລັດໜ້າທີ່ວິຊາສະເພາະໄດ້ເປັນຢ່າງດີ. ໃນພິທີ, ກອງປະຊຸມຍັງໄດ້ພ້ອມກັນປະກອບຄໍາຄິດຄໍາເຫັນເພື່ອປັບປຸງຈຸດທີ່ຄົງຄ້າງ ພ້ອມທັງຜ່ານແຜນການແຕ່ນີ້ຮອດປີ 2028 ເພື່ອສືບຕໍ່ຈັດຕັ້ງປະຕິບັດວຽກງານໃຫ້ປະກົດຜົນເປັນຈິງ. ໃນກອງປະຊຸມຍັງໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະພັກຊຸດໃໝ່ເຊິ່ງມີຜູ້ສະໝັກທັງໝົດ 7 ສະຫາຍ ເລືອກເອົາ5 ສະຫາຍໄດ້ຕາມລະດັບຄາດໝາຍ.
ທ້າຍພິທີສະຫາຍປະທານກອງປະຊຸມ ຍັງໄດ້ຮຽກຮ້ອງໃຫ້ສະມາຊິກພັກຈົ່ງຍົກສູງຕື່ນຕົວແນວຄິດການເມືອງຂອງຕົນມີຄວາມຮັບຜິດຊອບຕໍ່ໜ້າທີ່ວຽກງານວຽກວິຊາສະເພາະ ແລະ ວຽກຂະບວນການໃຫ້ມີຄວາມຟົດຟື້ນ, ກໍ່ສ້າງໜ່ວຍພັກໃຫ້ເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ພ້ອມກັນເຮັດສຳເລັດໜ້າທີ່ຕາມຂັ້ນເທິງມອບໝາຍໃຫ້.
ຂ່າວ ແລະ ພາບ: ຈັນທະພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
