ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ກອງພັນ​ໃຫຍ່ 302 ເປີດ​ຊຸດ​ອົບຮົມ-ຫັດ​ແອບ ການ​ທະຫານ, ການເມືອງ ແລະ ພະລາທິການ-ເຕັກນິກ
ເວລາອອກຂ່າວ: 2024-03-01 09:15:01 | ຜູ້ຂຽນ : admin1 | ຈຳນວນຄົນເຂົ້າຊົມ: 241 | ຄວາມນິຍົມ:



ໃນ​ວັນ​ທີ 28 ກຸມພາ 2024 ນີ້, ກອງພັນ​ໃຫຍ່ 302 ກອງ​ພົນ​ທີ 3 ໄດ້​ເປີດ​ຊຸດ​ອົບຮົມ-ຫັດ​ແອບ ການເມືອງ, ການ​ທະຫານ ແລະ ພະລາທິການ-ເຕັກນິກ ປະ ຈຳ​ປີ 2024, ໂດຍ​ການ​ເປັນ​ປະທານ​ ຂອງ​ສະຫາຍ ພັນ​ເອກ ຄຳ​ສອນ ໄຊ​ສົງຄາມ ຫົວໜ້າ ​ການ​ທະຫານ ກອງພັນ​ໃຫຍ່ 302, ມີ​ຄະນະ​ພັກ-ຄະນະ​ບັນ ຊາ​ບັນດາ​ພະແນກການ, ກົມ​ກອງ​ຮາກ​ຖານ​ ພ້ອມ​ດ້ວຍ​ພະ ນັກງານ​ຫຼັກ​ແຫຼ່ງເຂົ້າ​ຮ່ວມ. ສະຫາຍ ພັນ​ໂທ ສີ​ວອນ ລາສັກທີ ຮອງ​ຫົວໜ້າ​ພະ​ແນກ​ເສນາ​ທິ​ການ ກອງພັນ​ໃຫຍ່ 302 ໄດ້ ຜ່ານ​ແຜນການ ອົບຮົມ-ຫັດ​ແອບ ປະຈຳ​ປີ 2024, ອີງ​ຕາມ ​ຄຳ​ສັ່ງ​ແນະນຳ ​ຂອງ​ກົມ​ໃຫຍ່​ເສ ນາ​ທິ​ການ​ກອງທັບ ກໍ​ຄືຄຳ​ສັ່ງ​ແນະນຳ ​ຂອງ​ກົມ​ອົບຮົມ ກົມ​ໃຫຍ່​ເສນາ​ທິ​ການ​ກອງທັບ ວ່າ​ດ້ວຍ​ການ​ອົບຮົມ-ຫັດ​ແອບ ປັບປຸງ​ລະບຽບ​ແບບແຜນ ແລະ ເຝິກຝົນ​ຫຼໍ່​ຫຼອມ​ກຳລັງ​ແຮງ​ກາຍ ປະຈຳ​ປີ 2024. ອີງຕາມ​ແຜນການ​ອົບຮົມ-ຫັດ​ແອບ ຂອງ​ກົມ​ກອງ ພາກ​ການເມືອງ ຈະ​ໄດ້​ອົບຮົມ​ກຽດ​ສັກ​ສີ ແລະ ຄວາມ​ຮັບຜິດຊອບ​ຂອງ​ນັກຮົບ, ເປົ້າ​ໝາຍ​ອຸດົມ​ຄະຕິ​ສູ້​ຮົບ​ຂອງ​ກອງທັບ, ປະເທດ​ລາວ​ຄົນ​ລາວ​ເປັນ​ເຈົ້າ​ຂອງ, ປົກ​ປັກ​ຮັກສາ​ປະເທດ​ຊາດ ແມ່ນ​ໜ້າທີ່​ຕົ້ນຕໍ​ຂອງ​ກຳລັງ​ປະກອບ​ອາວຸດ, ພັກ​ປະຊາຊົນ​ປະຕິວັດ​ລາວ ໄດ້​ຈັດ​ຕັ້ງ​ນຳພາ​ກອງທັບ​ປະຊາຊົນ​ລາວ; ພາກ​ການ​ທະຫານ ຈະ​ໄດ້​ອົບຮົມ-ຫັດ​ແອບ ຂໍ້​ກຳນົດ 7 ລະບອບ 18 ວຽກ​ໃນ​ມື້ໜຶ່ງ​ຂອງ​ກອງທັບ, ຄຳ​ປະ​ຕິຍ​ຍານ 8 ຂໍ້ ແລະ ວິໄນ 12 ຂໍ້​ຕໍ່​ປະຊາຊົນ, ລະບຽບ​ຮູບ​ແຖວ ບຸກຄົນ​ມື​ເປົ່າ​ຄົງ​ທີ່, ເຄື່ອນ​ທີ່, ມີ​ປືນ ແລະ ລະບຽບ​ຮູບ​ແຖວ​ຂັ້ນ​ໝູ່, ໝວດ, ກອງຮ້ອຍ, ກອງພັນ, ລະບຽບ​ຮູບ​ແຖວ​ເຄົາລົບ​ທຸງ ຂັ້ນ​ກອງຮ້ອຍ, ກອງພັນ, ຫັດກາຍ 2 ບົດ 24 ຈັງຫວະ ມື​ເປົ່າ ແລະ ມີ​ປືນ, ມວຍ 16 ຈັງຫວະ, ຫັດກາຍ​ແທ້ງ​ກະບີ່ 4 ທິດ 28 ຈັດ​ຈັງຫວະ, ຜ່ານ​ສິ່ງ​ກີດ​ຂວ​​າງ, ແລ່ນ​ມ້າງ​ປະກອບ​ອາວຸດ, ຄວາມ​ໝາຍ​ຄວາມ​ສຳຄັນ​ຂອງ​ແຕ່​ລະ​ເຫຼົ່າ​ຮົບ, ຄຸນຄ່າ​ສະມັດຖະພາບ​ຂອງ​ປືນ​ແຕ່​ລະ​ຊະນິດ ແລະ ອື່ນໆ; ສ່ວນ​ພາກ​ພະລາທິການ-ເຕັກນິກ ຈະ​ໄດ້​ອົບຮົມ​ກ່ຽວ​ກັບ 5 ເຕັກນິກ​ຂອງ​ວຽກ​ງານ​ເສນາ​ຮັກ, ການ​ຄຸ້ມ​ຄອງ​ລ້ຽງ​ດູ​ທັບ ແລະ ການ​ປົກ​ປັກ​ຮັກສາ​ພາຫະນະ-ເຕັກ ນິກ, ອາວຸດ​-​ກະສຸນ. ຊຸດ​ອົບຮົມ​ຄັ້ງ​ນີ້​ຈະ​ໄດ້​ດຳເນີນ​ເປັນ​ເວລາ 90 ວັນ. ໂອກາດ​ນີ້, ສະຫາຍ ພັນ​ເອກ ຄຳ​ສອນ ໄຊ​ສົງຄາມ ໄດ້​ເນັ້ນ​ໜັກ​ໃຫ້​ຄະນະ​ພັກ-ຄະນະ​ບັນຊາ​ແຕ່​ລະ​ຂັ້ນ ລວມ​ທັງ​ ຄູ-ອາຈານ ຕະຫຼອດ​ຮອດ​ພະນັກງານ-ນັກຮົບ ກຳ​ແໜ້ນ​ຢ່າງ​ເລິກເຊິ່ງ ຕໍ່​ເນື້ອ​ໃນ​ແຜນການ​ອົບຮົມ-ຫັດ​ແອບ, ສ້າງ​ເປັນ​ແຜນການ​ອັນ​ລະອຽດ, ຈັດ​ຕັ້ງ​ອົບຮົມ-ຫັດ​ແອບ​ໃຫ້​ຖືກຕ້ອງ​ຕາມ​ຫຼັກການ, ປະຕິບັດ​ໂມງ-ເວລາ​ໃນ​ການ​ຂຶ້ນ​ຫ້ອງ-ລົງ​ຫ້ອງ​ໃຫ້​ເຂັ້ມ​ງວດ ແລະ ເອົາໃຈໃສ່​ປະຕິບັດ​ຂໍ້​ກຳນົດ​ກົດ​ລະບຽບ​ຕ່າງໆ​ຂອງ​ກົມ​ກອງ ເພື່ອ​ເຮັດ​ໃຫ້​ບັ້ນ​ອົບຮົມ-ຫັດ​ແອບ​ຄັ້ງ​ນີ້ ໄດ້​ຮັບ​ໝາກຜົນ​ສູງ ແລະ ຮັບປະກັນ​ຄວາມ​ປອດ​ໄພ 100%. ໂດຍ: ພອນ​ແກ້ວ ວິໄລ​ສັກ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ