ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ປະກາດການ​ແຕ່ງຕັ້ງ​ໜ້າທີ່ ໃຫ້​ນາຍ​ທະຫານ ​ກອງພັນ 415 ທະຫານ​ແຂວງ​ຫຼວງ​ພະ​ບາງ
ເວລາອອກຂ່າວ: 2024-03-01 09:09:49 | ຜູ້ຂຽນ : admin1 | ຈຳນວນຄົນເຂົ້າຊົມ: 240 | ຄວາມນິຍົມ:



ພິທີ​ປະກາດ​ແຕ່ງຕັ້ງ​ໜ້າທີ່​ໃຫ້​ນາຍ​ທະຫານ ຢູ່​ກອງພັນ 415 ກອງບັນຊາ ການທະຫານ​ແຂວງ​ຫຼວງ​ພະ​ບາງ ໄດ້​ຈັດ​ຂຶ້ນວັນ​ທີ 26 ກຸມພາ 2024 ນີ້, ໂດຍ ​ການ​ເປັນ​ປະທານ ​ຂອງ​ສະຫາຍພັນ​ເອກ ວິລະ​ສິນ ມິດ​ຕະ​ພອນ ຮອງ​ຫົວໜ້າ​ກອງ​ບັນຊາ​ການ, ຫົວໜ້າ​ຫ້ອງ​ການເມືອງ​ກອງບັນຊາການທະຫານ​ແຂວງ, ມີ​ສະຫາຍ ພັນ​ໂທ ສີ​ຈັນ ໄຊ​ຍະ​ວັນ ເລຂາ​ຄະນະ​ພັກ​ຮາກ​ຖານ, ຫົວໜ້າ​ການເມືອງ ກອງພັນ 415, ມີ​ຄະນະ​ພັກ-ຄະນະ​ບັນຊາ​ກອງພັນ, ກອງຮ້ອຍ ພ້ອມ​ດ້ວຍ​ພະນັກງານ-ນັກຮົບ​ເຂົ້າ​ຮ່ວມ. ສະຫາຍ ພັນ​ໂທ ຫານ​ຊະນະ ຂັດຕິຍະ​ວົງສາ ຄະນະ​ພັກ​ຮາກ​ຖານ, ຫົວ ໜ້າ​ພະ​ແນກ​ພະນັກງານ ຫ້ອງ​ການເມືອງ ກອງບັນຊາການ​ທະຫານ​ແຂວງ ໄດ້​ຜ່ານ​ຂໍ້​ຕົກລົງ ​ຂອງ​ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ວ່າ​ດ້ວຍ​ການ​ແຕ່ງຕັ້ງ​ໜ້າທີ່​ໃຫ້​ນາຍ​ທະຫານ ​ຢູ່ກອງພັນ 415 ໃນ​ນີ້, ໄດ້​ແຕ່ງຕັ້ງ ສະຫາຍ ພັນ​ຕີ ວຽງ​ແກ້ວ ລັງສີ ເປັນ​ຫົວໜ້າ​ການເມືອງ​ ກອງຮ້ອຍ 1, ພັນ​ຕີ ສົມ​ຈິດ ສີ​ລະ​ປະເສີດ ເປັນ​ຮອງ​ຫົວໜ້າ​ການເມືອງ​ ກອງຮ້ອຍ 3, ພັນ​ຕີ ທອງ​ສຸກ ຈັນທະ​ໝອນ ເປັນຮອງ​ຫົວໜ້າ​ການເມືອງ ​ກອງຮ້ອຍ 2, ພັນ​ຕີ ຄຳ​ເຫຼັກ ທຳ​ມະ​ວົງ ເປັນຊ່ວຍວຽກ​ແຜນການ​ສູ້​ຮົບ, ພັນ​ຕີ ສົມບັດ ໃຈ​ດາວ​ວຽງ ເປັນຊ່ວຍວຽກ​ໂຄສະນາ-ອົງ​ການຈັດຕັ້ງ​ມະຫາຊົນ, ພັນ​ຕີ ນາງ ອຳໄພ​ວັນ ວົງ​ໄຊ​ຍະ​ລາດ ເປັນຊ່ວຍ​ວຽກ​ພະນັກງານ, ຮ້ອຍເອກ ຄຳ​ເຜີຍ ສໍ​ປະເສີດ ເປັນຮອງ​ຫົວໜ້າ​ການເມືອງ ​ກອງຮ້ອຍ 1, ຮ້ອຍ​ເອກ ວົງ​ເສິກ ຈັນ​ສີ​ລິ ເປັນຮອງ​ຫົວໜ້າ​ການ​ທະຫານ​ ກອງຮ້ອຍ 3, ຮ້ອຍ​ເອກ ຈິດ​ບຸນ​ຄຳ ບົວທອງ​ສີ ເປັນຊ່ວຍ​ວຽກ​ຈັດ​ຕັ້ງ​ພັກ, ຮ້ອຍ​ເອກ ນາງ ບຸນ​ຫວັງ ບຸນ​ພາສິດ ເປັນພະນັກງານຮັບແຂກ-ອະນາໄມ, ຮ້ອຍ​ເອກ ຫຸມພັນ ພົມ​ສະ​ຫວັດ ເປັນຊ່ວຍ​ວຽກ​ແຜນການ​ສູ້​ຮົບ,ຮ້ອຍ​ໂທ ນ້ອຍ​ຄຳ​ຟອງ ຮີດ​ບຸນ​ຕາ ເປັນຊ່ວຍ​ວຽກ​ແຜນການ​ອົບຮົມ ແລະ ຮ້ອຍ​ຕີ ອຸທອນ ປັນຍາ​ຄຳ ເປັນຊ່ວຍ​ວຽກ​ແຜນການ​ອົບຮົມ. ໂດຍ: ສົມ​ພອນ ສຸວັນ​ທອນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ