ວັນສຸກ, ວັນທີ 04 ຕຸລາ 2024
ພະແນກພະລາທິການ ກອງພັນໃຫຍ່ 279 ສະຫຼຸບວຽກງານ ປະຈຳປີ 2023
ເວລາອອກຂ່າວ: 2024-03-01 09:06:20 | ຜູ້ຂຽນ : admin1 | ຈຳນວນຄົນເຂົ້າຊົມ: 384 | ຄວາມນິຍົມ: 
ວັນທີ 27 ກຸມພາ 2024, ພະແນກພະລາທິການ ກອງພັນໃຫຍ່ 279 ໄດ້ສະຫຼຸບວຽກງານ ປະຈຳປີ 2023 ແລະ ວາງທິດທາງແຜນການ ປະຈຳປີ 2024, ໂດຍການເປັນປະທານ ຂອງສະຫາຍ ພັນໂທ ສົມໄຊ ລະວິໄຊ ຫົວໜ້າພະແນກພະລາທິການ ກອງພັນໃຫຍ່ 279, ມີຄະນະພັກ-ຄະນະບັນຊາ ພະແນກການ ຕະຫຼອດຮອດພະນັກງານ-ນັກ ຮົບ ເຂົ້າຮ່ວມ.
ສະຫາຍ ພັນໂທ ຄຳບົນ ຄຳວົງສາ ຮອງຫົວໜ້າພະແນກພະລາທິການ ກອງພັນໃຫຍ່ 279 ໄດ້ຜ່ານບົດສະຫຼຸບການຈັດຕັ້ງເຄື່ອນໄຫວວຽກງານ ປະຈຳປີ
2023 ແລະ ທິດທາງແຜນການ ປະຈຳປີ 2024 ໃນໄລຍະ 1 ປີ ຜ່ານມາ, ຄະນະພັກ-ຄະນະບັນ ຊາ ພະແນກພະລາທິການ ໄດ້ເອົາໃຈໃສ່ຊີ້ນຳບັນດາໜ່ວຍພັກດຳເນີນຊີວິດການເມືອງຢ່າງເປັນປົກກະຕິ, ຖືເອົາວຽກງານສືກສາອົບຮົມການເມືອງ-ນຳພາແນວຄິດ ເພື່ອເຮັດໃຫ້ພະນັກ ງານ-ນັກຮົບມີແນວຄິດອຸ່ນອຽນ
ທຸ່ນທ່ຽງ ເຊື່ອໝັ້ນຕໍ່ແນວທາງປ່ຽນແປງໃໝ່ຂອງພັກ ເພື່ອພ້ອມກັນເຮັດສຳເລັດໜ້າທີ່ການເມືອງຂອງກົມກອງທີ່ໄດ້ຮັບມອບໝາຍ, ໄດ້ຈັດຕັ້ງລະບົບປະຈຳ
ການກຽມພ້ອມສູ້ຮົບເພື່ອເກັບກຳສະພາບການ, ຈັດຕັ້ງກຳລັງປະຈຳການ ຕະຫຼອດ 24 ຊົ່ວໂມງ ເມື່ອມີສະພາບການເກີດຂຶ້ນ ວ່ອງໄວລາຍງານແກ້ໄຂທັນເວລາ, ວຽກງານອຸປະໂພກ-ບໍລິໂພກ ໄດ້ຮັບ-ຈ່າຍ ເຄື່ອງເລື່ອນຊັ້ນ, ປະດັບຊັ້ນໃໝ່ ແລະ ເຄື່ອງປະຈຳປີ 2023 ຈຳນວນ 1.969 ສະຫາຍ (ມີ 53 ລາຍການ), ຮັບ-ຈ່າຍເຄື່ອງພິທີການສະເຫຼີມສະຫຼອງວັນສ້າງຕັ້ງກອງພັນໃຫຍ່ 279 ຄົບຮອບ 20 ປີ ຄົບຊຸດ ຈຳນວນ 446 ຊຸດ, ແທກຕັດເຄື່ອງພິທີການກຽດຕິຍົດ-ແກວົງ ຈກທ, ເຄື່ອງພະນັກງານ ຈຳນວນ 1.164 ຊຸດ, ແທກຕັດເຄື່ອງປ້ອງກັນສຳນັກ ງານກະຊວງປ້ອງກັນປະເທດ, ກົມໃຫຍ່ພະລາທິການກອງທັບ ຈຳນວນ 165 ຊຸດ (3 ລາຍການ), ເກີບໜັງຫົວຕໍ່ 195 ຄູ່, ຮັບ-ຈ່າຍເກີບໂຊຟາຍ, ເກີບໂບກຄໍສູງ (ກຽດຕິຍົດ-ແກວົງ) ຈຳນວນ 556 ຄູ່, ຮັບ-ຈ່າຍເຂົ້າອັດຕາກິນທັງໝົດ ປີ 2023 ຈຳນວນ 191.520 ກິ ໂລກຣາມ, ຮັບ-ຈ່າຍໂຕະ 15 ຊຸດ, ວຽກງານປັບປຸງສະຖານທີ່ຄ້າຍຄູທີ່ຢູ່ອາໄສ ໄດ້ຈັດຕັ້ງເຮັດຕຽງນອນລວດໃສ່ເຮືອນນອນ ກອງພັນ 792, ສ້ອມແປງເພດານ, ທາສີສະໂມສອນ, ປະຕູໂຂງມູນຄ່າ 10 ລ້ານກວ່າກີບ, ສ້ອມແປງເພດານຫ້ອງການ ກອງພັນໃຫຍ່ ມູນຄ່າ 495.000 ກີບ, ກໍ່ສ້າງເຮືອນນອນກຽດຕິຍົດ ມູນຄ່າ 6,3 ຕື້ກວ່າກີບ. ນອກນັ້ນ, ກົມກອງຍັງໄດ້ຖືເອົາການປູກຝັງ-ລ້ຽງສັດ ເພື່ອຊອກຫາແຫຼ່ງລາຍຮັບເຂົ້າກົມກອງ ໄດ້ລ້ຽງງົວ 14 ໂຕ, ກົບ 10 ພັນກວ່າໂຕ ຂາຍໄດ້ 85 ກິໂລກຣາມເປັນເງິນ 4.650.000 ກີບ, ຜະລິດນ້ຳດື່ມໃຫຍ່ຂະໜາດ 20 ລິດໄດ້ທັງໝົດ 20.668 ຕຸກ ຂາຍຕົວຈິງ 18.481 ຕຸກ ເປັນເງິນ 73.924.000 ກີບ, ຮັບໃຊ້ທົ່ວໄປ 2.187 ຕຸກ, ປູກພືດລົ້ມລຸກໄດ້ 1.120 ກິໂລກຣາມ ເປັນເງິນ 15.200.000 ກີບ ສາມາດສ້າງລາຍຮັບຈາກການປູກຝັງ-ລ້ຽງສັດ ແລະ ບໍລິການອື່ນໆ ໄດ້ທັງໝົດ 43.130.000 ກີບ.
ໂດຍ: ສາຄອນ ສຸລິເຍດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
