ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ກອງປະຊຸມ ເປີດກວ້າງ ຄົບຄະນະພັກ ກອງບັນຊາການທະຫານແຂວງບໍລິຄໍາໄຊຄັ້ງທີ11 ສະໄໝທີ V
ເວລາອອກຂ່າວ: 2024-02-29 15:22:40 | ຜູ້ຂຽນ : admin2 | ຈຳນວນຄົນເຂົ້າຊົມ: 226 | ຄວາມນິຍົມ:



ໃນວັນທີ 28-29 ກຸມພາ 2024 ນີ້, ກອງບັນຊາການທະຫານແຂວງບໍລິຄໍາໄຊ ໄດ້ຈັດຕັ້ງດຳເນີນກອງປະຊຸມເປີດກວ້າງ ຄົບຄະນະພັກຄັ້ງທີ11 ສະໃໝທີV ຂຶ້ນ, ໂດຍການເປັນປະທານຂອງ ສະຫາຍ ພົນຈັດຕະວາ ຈວງຈັນ ລາດຊະວົງ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ ມີບັນດາຄະນະພັກກອງບັນຊາການ, ພະນັກງານຫຼັກແຫຼ່ງອົງການ 05 ຫ້ອງ ແລະ ບັນດາກົມກອງທົ່ວທະຫານແຂວງເຂົ້າຮ່ວມ. ໃນກອງປະຊຸມໄດ້ເຜີຍແຜ່ມະຕິກອງປະຊຸມຄົບຄະນະບໍລິຫານງານພັກແຂວງຄັ້ງທີ 14 ສະໃໝທີVII, ຜ່ານບົດຕີລາຄາການຈັດຕັ້ງປະຕິບັດມະຕິກອງປະຊຸມຄົບຄະນະພັກກອງບັນຊາການທະຫານແຂວງຄັ້ງທີ10 ສະໃໝທີV, ຈາກນັ້ນ ສະຫາຍ ພັນໂທ ບຸນຍັງ ລໍສິມມາ ຄະນະພັກກອງບັນຊາການ ຫົວໜ້າຫ້ອງການບໍລິຫານໄດ້ຂຶ້ນຜ່ານຮ່າງບົດສະຫຼຸບລາຍງານການຈັດຕັ້ງປະຕິບັດວຽກງານຮອບດ້ານໃນ01 ປີຜ່ານມາ ແລະ ທິດທາງແຜນການໃນຕໍ່ໜ້າ, ເຊິ່ງຜ່ານມາຄະນະພັກ-ຄະບັນບັນຊາແຕ່ລະຂັ້ນໄດ້ເອົາໃຈໃສ່ປະຕິບັດວຽກງານຂອງຕົນຢ່າງຮອບດ້ານໂດຍປະຕິບັດຕາມ4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນປະເທດວາງອອກ, ສາມາດເຮັດໃຫ້ສະພາບໃນທົ່ວແຂວງມີຄວາມສະຫງົບ ສັງຄົມມີຄວາມເປັນລະບຽບຮຽບຮ້ອຍ, ເສດຖະກິດໄດ້ຮັບການພັດທະນາ, ໃນນັ້ນຄະນະພັກ-ຄະນະບັນຊາແຕ່ລະຂັ້ນໄດ້ຖືສຳຄັນໃນການອົບຮົມການເມືອງແນວຄິດໃຫ້ພະນັກງານ-ນັກຮົບເຊື່ອມຊຶມກຳແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດໄດ້ເປັນຢ່າງດີ, ຫັນລົງກໍ່ສ້າງຮາກຖານການເມືອງພັດທະນາຊົນນະບົດຢ່າງຮອບດ້ານຕາມມູນເຊື້ອຂອງກອງທັບ, ໄດ້ຈັດຕັ້ງກຳລັງອອກເຄື່ອນໄຫວໃນຂອບເຂດຮັບຜິດຊອບເປັນປົກກະຕິ, ຊີ້ນໍາແຕ່ລະກົມກອງຍົກສູງສະຕິລະວັງຕົວກຽມພ້ອມສູ້ຮົບໃຫ້ເຂັ້ມງວດ, ປັບປຸງກໍ່ສ້າງກຳລັງໃຫ້ມີຄວາມໜັກແໜ້ນທາງດ້ານການເມືອງ ແລະ ເຂັ້ມແຂງທາງດ້ານການຈັດຕັ້ງ, ເປີດອົບຮົມ-ຫັດແອບປະຈຳປີທົ່ວທະຫານແຂວງໄດ້ສຳເລັດ, ດ້ານວຽກງານພະລາທິການ-ເຕັກນິກ, ໄດ້ກໍ່ສ້າງ, ສ້ອມແປງເຄຫາສະຖານຕາມແຜນການທີ່ກຳນົດເອົາໄວ້, ໃນ 01 ປີຜ່ານມາທົ່ວທະຫານແຂວງໄດ້ສູ້ຊົນສ້າງພື້ນຖານການຜະລິດ-ການບໍລິການຕ່າງໆ ສາມາດສ້າງແຫຼ່ງລາຍຮັບເຂົ້າກົມກອງໄດ້ທັງໝົດ 3ຕື້ 115ລ້ານກວ່າກີບ. ພາບ-ຂ່າວ: ນາງນ້ອຍ ບານທະວົງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ