ວັນພະຫັດ, ວັນທີ 05 ທັນວາ 2024
ສະຫຼຸບວຽກງານຊອກຄົ້ນ ຂຸດຄົ້ນ ທ້ອນໂຮມອັດຖິນັກຮົບ ແລະ ຊ່ຽວຊານຫວຽດນາມ ໄຕມາດ I ປີ 2023
ເວລາອອກຂ່າວ: 2024-02-22 13:52:43 | ຜູ້ຂຽນ : admin2 | ຈຳນວນຄົນເຂົ້າຊົມ: 1581 | ຄວາມນິຍົມ: 
ໃນວັນທີ 20 ກຸມພາ 2024 ຜ່ານມານີ້, ຢູ່ສະໂມສອນ ກອງບັນຊາການທະຫານແຂວງໄຊສົມບູນ ໄດ້ເປີດກອງປະຊຸມວຽກງານຊອກຄົ້ນ, ຂຸດຄົ້ນ, ທ້ອນໂຮມອັດຖິນັກຮົບ ແລະ ຊ່ຽວຊານຫວຽດນາມ ໄຕມາດI ປີ 2023 ແລະ ວາງທິດທາງວາງແຜນການ ປະຈໍາໄຕມາດ II ປີ 2024 ໂດຍການເປັນປະທານຂອງ ສະຫາຍ ພົນຕີ ວົງສອນ ອິນປານພິມ ຮອງເລຂາພັກແຂວງ ຫົວໜ້າຄະນະປະຕິບັດງານພິເສດແຂວງໄຊສົມບູນ, ມີບັນດາສະຫາຍ ຄະນະປະຕິບັດງານພິເສດແຂວງໄຊສົມບູນເຂົ້າຮ່ວມ.
ສະຫາຍ ພົນຈັດຕະວາ ໝອນຄໍາ ດວງສະຫວັນ ຫົວໜ້າການເມືອງ ກອງບັນຊາການທະຫານແຂວງໄຊສົມບູນ ຂຶ້ນຜ່ານບົດສະຫຼຸບຕີລາຄາການເຄື່ອນໄຫວຈັດຕັ້ງປະຕິບັດຕົວຈິງ ປະຈໍາໄຕມາດI ປີ2023 ໃຫ້ຮູ້ວ່າປະຕິບັດການຊອກຄົ້ນໃນຄັ້ງນີ້ ພາຍໃຕ້ການຊີ້ນໍາຂອງຄະນະປະຕິບັດງານພິເສດ ແຂວງໄຊສົມບູນ ສົມທົບກັບຄະນະປະຕິບັດງານພິເສດແຂວງເຫງະອານ ສສ ຫວຽດນາມ ປະຈໍາເມືອງລ້ອງແຈ້ງ ໄດ້ເຄື່ອນໄຫວຕິດຕາມ, ກວດກາ, ເກັບກໍາຂໍ້ມູນ ແລະ ລົງຂຸດຄົ້ນຕາມຂອບເຂດເປົ້າໝາຍ ເຊິ່ງການຂຸດຄົ້ນພາຍໃນໄຕມາດI ປີ2023 ນີ້ ໄດ້ເຄື່ອນໄຫວຂຸດຄົ້ນທັງໝົດ 22 ຄັ້ງ, ນໍາໃຊ້ກໍາລັງ 116 ແຮງງານ, ສາມາດຊອກຄົ້ນໄດ້ທັງໝົດ 06 ອັດຖິ, ສືບຕໍ່ໂຄສະນາຂົນຂວາຍພໍ່ແມ່ປະຊາຊົນໃຫ້ມີສ່ວນຮ່ວມຊອກຄົ້ນອັດຖິ, ລະດົມແນວຄິດອ້າຍນ້ອງມີຄວາມອົດທົນຜ່ານຜ່າຄວາມຫຍຸ້ງຍາກ ຈາກສະພາບພູມີປະເທດທີ່ມີການປ່ຽນແປງ, ສຸມໃສ່ຊອກຄົ້ນໃຫ້ໄດ້ຕາມຄາດໝາຍທີ່ວາງໄວ້.
ຂ່າວ: ມະລິ ສຸພັນທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
