ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຫ້ອງ​ວ່າການປົກຄອງ​ແຂວງ ​ມອບ​ເຄື່ອງຮັບ​ໃຊ້​ຫ້ອງການ ໃຫ້​ກອງ​ບັນຊາ​ການ​ທະຫານ​ແຂວງ​ຫຼວງ​ນ້ຳ​ທາ
ເວລາອອກຂ່າວ: 2024-02-22 08:58:42 | ຜູ້ຂຽນ : admin1 | ຈຳນວນຄົນເຂົ້າຊົມ: 315 | ຄວາມນິຍົມ:



ວັນ​ທີ 21 ກຸມ​ພາ 2024 ນີ້, ຫ້ອງ​ວ່າການປົກຄອງ​ແຂວງ​ຫຼວງ​ນ້ຳ​ທາ ໄດ້​ນຳ​ເອົາ​ເຄື່ອງຮັບ​ໃຊ້​ຫ້ອງການ​ມາ​ມອບ​ໃຫ້​ກອງ​ບັນຊາ​ການ​ທະ ຫານ​ແຂວງ​ຫຼວງ​ນ້ຳ​ທາ ໃນ​ນີ້​ປະກອບ​ມີ ຄອມ​ພີວ​ເຕີ​ໂນດ​ບຸກ 1 ໜ່ວຍ, ໂປ​ເຈັກ​ເຕີ 1 ໜ່ວຍ ແລະ ຜ້າ​ສາກ​ໂປ​ເຈັກ​ເຕີ 1 ຜືນ ລວມ​ມູນ​ຄ່າ​ທັງ​ໝົດ 18 ລ້ານ​ກີບ ເຊິ່ງ​ກ່າວ​ມອບ​ໂດຍ ທ່ານ ບຸນ​ມາ ພັນ​ດາ​ວົງ ກຳມະການ​ພັກ​ແຂວງ, ຫົວໜ້າ​ຫ້ອງ​ວ່າການ​ປົກຄອງ​ແຂວງ​ຫຼວງ​ນ້ຳ​ທາ ພ້ອມ​ດ້ວຍ​ຄະນະ ແລະ ກ່າວ​ຮັບ​ໂດຍ​ສະຫາຍ ພົນ​ຈັດຕະວາ ຫູມ​ພັນ ແກ້ວ​ວັງ​ລາດ ຮອງ​ເລຂາ​ຄະນະ​ພັກ, ຫົວໜ້າ​ການເມືອງ​ ກອງ​ບັນຊາ​ການ​ທະຫານ​ແຂວງ​ຫຼວງ​ນ້ຳ​ທາ ພ້ອມ​ດ້ວຍ​ຄະນະ. ໂອກາດ​ດັ່ງກ່າວ, ສະຫາຍ ພົນ​ຈັດຕະວາ ຫູມ​ພັນ ແກ້ວ​ວັງ​ລາດ ໄດ້​ຕາງໜ້າ​ໃຫ້​ຄະນະ​ພັກ-ຄະນະ​ບັນຊາ​ກອງ​ບັນຊາ​ການ​ທະຫານ​ແຂວງ​ຫຼວງ​ນ້ຳ​ທາ ​ສະແດງ​ຄວາມ​ຂອບໃຈ ແລະ ຮູ້​ບຸນຄຸນ ມາ​ຍັງ ທ່ານ ບຸນ​ມາ ພັນ​ດາ​ວົງ ພ້ອມ​ດ້ວຍ​ຄະນະ ທີ່​ໄດ້​ເຫັນ​ຄວາມ​ໝາຍ ​ຄວາມ​ສຳຄັນ​ໃນ​ວຽກ​ງານ​ປ້ອງ​ກັນ​ຊາດ ແລະ ຄວາມ​ຂາດເຂີນ​ດ້ານ​ອຸປະກອນ​ເຄື່ອງ​ມື​ຮັບ​ໃຊ້​ໃນ​ຫ້ອງການ​ ເວົ້າ​ລວມ​, ເວົ້າ​ສະເພາະ​ແມ່ນ​ຄອມ​ພິວ​ເຕີ ແລະ ອຸປະກອນ​ອື່ນໆ ​ຮັບ​ໃຊ້​ຢູ່​ບັນດາ​ພະແນກການ​ຕ່າງໆ ພ້ອມ​ທັງ​ໃຫ້​ຄຳ​ໝັ້ນ​ສັນຍາ​ວ່າ ​ຈະ​ນຳ​ໃຊ້​ເຂົ້າ​ໃນ​ວຽກ​ງານ​ຫ້ອງການ​ໃຫ້​ເກີດ​ປະໂຫຍດ​ສູງ​ສຸດ ແລະ ນຳ​ໃຊ້​ໃຫ້​ຍາວ​ນານ. ໂດຍ: ບຸນ​ມີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ