ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ກອງພັນ​ໃຫຍ່ 605 ເປີດ​ຊຸດ​ອົບຮົມ-ຫັດ​ແອບ ປະຈຳ​ປີ 2024
ເວລາອອກຂ່າວ: 2024-02-22 08:53:10 | ຜູ້ຂຽນ : admin1 | ຈຳນວນຄົນເຂົ້າຊົມ: 385 | ຄວາມນິຍົມ:



ໃນ​ວັນ​ທີ 15 ກຸມພາ 2024 ນີ້, ກອງພັນ​ໃຫຍ່ 605 ໄດ້​ເປີດ​ຊຸດ​ອົບຮົມ-ຫັດ​ແອບ ການເມືອງ, ການ​ທະຫານ, ພະລາທິການ- ເຕັກນິກ ປະຈຳ​ປີ 2024, ໂດຍ​ການ​ເປັນ​ປະທານ ​ຂອງສະຫາຍ ພົນ​ຈັດຕະວາ ວົງ​ແກ້ວ ວົງ​ພິລາ ກໍາມະການຄະນະ​ພັກ​ກົມ​ໃຫຍ່, ຫົວໜ້າ​ກົມ​ປືນ​ໃຫຍ່​ໜ້າດິນ ກົມ​ໃຫຍ່​ເສນາ​ທິ​ການ​ກອງທັບ, ມີ​ສະຫາຍ ພັນ​ເອກ ປະເສີດ ທ່ຽງ​ທຳ ຫົວໜ້າ​ການ​ທະຫານ ກອງພັນ​ໃຫຍ່ 605, ມີ​ຄະນະ​ພັກ-ຄະນະ​ບັນຊາ, ພະແນກການ, ກົມ​ກອງ ພ້ອມ​ດ້ວຍ​ພະນັກງານ-ນັກຮົບ​ທົ່ວ​ກອງພັນ​ໃຫຍ່ ເຂົ້າ​ຮ່ວມ. ສະຫາຍ ພັນ​ໂທ ສັນຍາ ມະໂນ​ລາດ ຫົວໜ້າ​ຂະແໜງ​ອົບຮົມ​ ກອງພັນ​ໃຫຍ່ 605 ໄດ້​ຜ່ານ​ແຜນການ​ອົບຮົມ-ຫັດ​ແອບ ການເມືອງ, ການ​ທະຫານ, ພະລາທິການ-ເຕັກນິກ ປະຈຳ​ປີ 2024 ໂດຍ​ໃຫ້​ຮູ້​ວ່າ: ການ​ອົບຮົມ-ຫັດ​ແອບ​ຄັ້ງ​ນີ້, ເພື່ອ​ເປັນ​ການ​ຍົກ​ສູງ​ລະດັບ​ໃຫ້​ພະນັກງານ-ນັກຮົບ​ມີ​ຄວາມ​ຊຳນິ​ຊຳນານ​ເຂົ້າ​ໃນ​ການຈັດຕັ້ງ​ນຳພາ-ຊີ້​ນຳ​ບັນຊາ​ແຕ່​ລະ​ຂັ້ນ​ໃຫ້​ມີ​ຄວາມ​ເຂັ້ມແຂງ​ໜັກ​ແໜ້ນ, ມີ​ຄວາມ​ຮູ້ ​ຄວາມ​ສາມາດ​ທາງ​ດ້ານ​ວິຊາ​ສະເພາະ, ມີ​ໄຫວ​ພິກ​ປະດິດ​ສ້າງ​ທາງ​ດ້ານ​ສິລະ​ປະຍຸດ-ຍຸດທະວິທີ, ຮູ້​ໝູນ​ໃຊ້​ທິດ​ສະ​ດີ-ຫຼັກການ​ເຂົ້າ​ໃນ​ການ​ປະຕິບັດ​ໜ້າທີ່​ສູ້​ຮົບ​ຕົວ​ຈິງ​ໃຫ້​ໄດ້​ຮັບ​ຜົນ​ດີ. ການ​ອົບຮົມ-ຫັດ​ແອບ​ຄັ້ງ​ນີ້ ໄດ້​ແບ່ງ​ເປັນ 2 ໄລຍະ​ຄື: ໄລຍະ​ທີ 1 ເລີ່ມ​ແຕ່​ເດືອນກຸມພາ ຫາ ພຶດສະພາ 2024, ໄລຍະ​ທີ 2 ເລີ່ມ​ແຕ່​ເດືອນກໍລະກົດ ຫາ ຕຸລາ 2024 ໃນ​ນັ້ນ, ອົບຮົມ​ວິຊາ​ລວມ 80 ວັນ, ອົບຮົມ​ວິຊາ​ລະບຽບ​ຂໍ້​ກຳນົດ, ລະບຽບ​ຮູບ​ແຖວ 15 ວັນ, ອົບຮົມ​ວິຊາ​ກິລາ​ການ​ທະຫານ 8 ວັນ, ອົບຮົມ​ສິລະ​ປະຍຸດ​ທະຫານ​ຮາບ 8 ວັນ, ຍຸດທະວິທີ​ທະຫານ​ຮາບ 8 ວັນ, ອົບຮົມ​ຄວາມ​ຮູ້​ພື້ນຖານ​ກ່ຽວ​ກັບ​ເຫຼົ່າ​ຮົບ 1 ວັນ, ອົບຮົມ​ວຽກ​ງານ​ເສນາ​ທິ​ການ 5 ວັນ, ອົບຮົມ​ວຽກ​ງານ​ການເມືອງ​ຮັບ​ໃຊ້​ສູ້​ຮົບ 15 ວັນ, ອົບຮົມ​ວຽກ​ງານ​ພະລາທິການ​ຮັບ​ໃຊ້​ສູ້​ຮົບ 10 ວັນ, ອົບຮົມ​ວຽກ​ງານ​ເຕັກນິກ​ຮັບ​ໃຊ້​ສູ້​ຮົບ 10 ວັນ, ອົບຮົມ​ວິຊາ​ສະເພາະ​ປືນ​ໃຫຍ່ 100 ວັນ, ອົບຮົມ​ສິລະ​ປະຍຸດ​ປືນ​ໃຫຍ່ 6 ວັນ, ຍຸດທະວິທີ​ປືນ​ໃຫຍ່ 19 ວັນ, ອົບຮົມ​ວິຊາ​ຈັງຫວະ​ປືນ​ໃຫຍ່ 18 ວັນ, ອົບຮົມ​ວິຊາ​ວັດແທກ​ປືນ​ໃຫຍ່ 23 ວັນ ແລະ ວິຊາ​ການ​ຍິງ​ປືນ​ໃຫຍ່ 28 ວັນ. ໂອກາດ​ດຽວ​ກັນ​ນີ້, ຍັງ​ໄດ້​ຜ່ານ​ເນື້ອ​ໃນ​ຂໍ້​ແຂ່ງຂັນ ປະຈຳ​ປີ 2024 ຂອງ​ກອງພັນ​ໃຫຍ່ 605 ໃນ​ການ​ປັບປຸງ​ກໍ່ສ້າງ​ກອງທັບ​ປະຊາຊົນ​ລາວ ​ທັງ 3 ປະເພດ​ກຳລັງ​ໃຫ້​ໜັກ​ແໜ້ນ, ເຂັ້ມແຂງ, ຈົງ​ຮັກ​ພັກດີ​ຕໍ່​ພັກ, ຕໍ່​ປະເທດ​ຊາດ, ຕໍ່​ລະບອບ​ໃໝ່ ແລະ ຕໍ່​ປະຊາຊົນ ຕິດ​ພັນ​ກັບ​ຄຳ​ຂວັນ ຮັກ​ຊາດ ແລະ ພັດທະນາ. ໂດຍ: ໜູ​ແດງ ລາດ​ສະ​ແກ້ວ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ