ວັນພະຫັດ, ວັນທີ 03 ຕຸລາ 2024
ກອງພັນ 616 ສະຫຼຸບວຽກງານຮອບດ້ານ ປະຈຳປີ 2023
ເວລາອອກຂ່າວ: 2024-02-22 08:51:52 | ຜູ້ຂຽນ : admin1 | ຈຳນວນຄົນເຂົ້າຊົມ: 559 | ຄວາມນິຍົມ: 
ກອງປະຊຸມສະຫຼຸບວຽກງານຮອບດ້ານ ປະຈຳປີ 2023 ແລະ ວາງທິດທາງແຜນການ ປະຈໍາປີ 2024 ຂອງກອງພັນ 616 ກອງພົນທີ 1 ໄດ້ຈັດຂຶ້ນໃນວັນທີ 15 ກຸມພາ 2024 ນີ້, ໂດຍການເປັນປະທານ ຂອງສະຫາຍ ພັນເອກ ແສງເພັດ ແສງມະນີ ຫົວໜ້າຫ້ອງເສນາທິການ ກອງພົນທີ 1, ມີຄະນະພັກ-ຄະນະບັນຊາ ພ້ອມດ້ວຍພະນັກງານ-ນັກຮົບທົ່ວກົມກອງ ເຂົ້າຮ່ວມ.
ສະຫາຍ ພັນຕີ ກິແກ້ວ ອັກຄະວົງ ຫົວໜ້າການເມືອງ ກອງພັນ 616 ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານໃນໄລຍະຜ່ານມາ ໄດ້ພ້ອມກັນຈັດຕັ້ງປະຕິບັດບັນດາວຽກງານຕາມພາລະບົດບາດ ແລະ ລະບຽບຫຼັກການ ກໍຄືແບບແຜນວິທີເຮັດວຽກ ສາມາດສ້າງໄດ້ຜົນງານທີ່ພົ້ນເດັ່ນ ແລະ ມີຜົນສຳເລັດຫຼາຍດ້ານ ເປັນຕົ້ນແມ່ນໜ້າທີ່ເຮັດໃຫ້ສະພາບມີຄວາມສະຫງົບໄດ້ຈັດຕັ້ງພະ
ນັກງານຮັບຜິດຊອບວຽກງານຮາກຖານຂອງກອງພັນ ສົມທົບກັບອຳນາດການປົກຄອງທອງຖິ່ນຂອບເຂດຮັບຜິດຊອບ ເພື່ອເກັບກຳສະພາບການ ແລະ ສ່ອງແສງລາຍງານທຸກໆວັນທີ 15 ຂອງແຕ່ລະເດືອນ; ໄດ້ຈັດຕັ້ງກຳລັງສາລະເວຂອບເຂດຮັບຜິດຊອບ ແລະ ປະຈຳປ້ອມ; ໄດ້ຈັດຕັ້ງລະບົບປະຈຳການຄົບຊຸດຕະຫຼອດ 24 ຊົ່ວໂມງຮັບປະກັນໄດ້ 100%. ປັບປຸງກໍ່ສ້າງກຳລັງໄດ້ສຶກສາອົບຮົມການເມືອງ-ແນວຄິດ ເພື່ອຍົກສູງຄຸນນະພາບແນວຄິດຂອງພະນັກງານ-ນັກ
ຮົບໃຫ້ນັບມື້ສູງຂຶ້ນ, ດ້ານວຽກງານພະລາທິການແກ້ໄຂຊີວິດການເປັນຢູ່ ໄດ້ຈັດຕັ້ງປະຕິບັດຕາມທິດຊີ້ນຳຂອງຂັ້ນເທິງ, ຖືກຕ້ອງຕາມລະບຽບຫຼັກການ ເປັນຕົ້ນແມ່ນວຽກງານອຸປະໂພກ-ບໍລິໂພກ, ສະບຽງອາຫານ, ການເງິນ, ເຊື້ອໄຟ, ສຸຂະພາບ, ກໍ່ສ້າງເຄຫະສະຖານ, ສ້າງລາຍຮັບ ແລະ ໄດ້ສຸມໃສ່ປະຕິບັດຕາມທິດຊີ້ນຳບົນຈິດໃຈເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ໂດຍໄດ້ຫັນກົມກອງສ້າງພະລາທິການກັບທີ່ ດ້ວຍການເພີ່ມພູນຜະລິດ
ຜົນ, ປູກຝັງ-ລ້ຽງສັດ ໂດຍອີງຕາມເງື່ອນໄຂທ່າແຮງບົ່ມຊ້ອນຂອງກົມກອງ, ໃນໄລຍະຜ່ານມາ ການປູກ-ການລ້ຽງ ຖ້າທຽບໃສ່ແຜນການປະຕິບັດໄດ້ 95%.
ໂອກາດນີ້, ກອງພັນ 616 ຍັງໄດ້ຍ້ອງຍໍຜົນງານໄລຍະ 5 ປີສາຍກອງທັບໃຫ້ພະນັກງານ-ນັກຮົບທີ່ມີຜົນງານໃນການປະກອບສ່ວນປົກປັກຮັກສາ ແລະ ສ້າງສາພັດທະນາປະເທດຊາດ ໃນນັ້ນ, ໄດ້ຮັບຫຼຽນໄຊພິລະອາດຫານ ຊັ້ນ II ຈຳນວນ 3 ສະຫາຍ, ຫຼຽນໄຊພິລະອາດຫານ ຊັ້ນ II ຈຳນວນ 11 ສະຫາຍ, ໃບຍ້ອງຍໍກະຊວງປ້ອງກັນປະເທດ 15 ສະຫາຍ, ໃບຍ້ອງຍໍກົມໃຫຍ່ການ
ເມືອງ 5 ສະຫາຍ; ຕາງໜ້າມອບໂດຍ ສະຫາຍ ພັນເອກ ແສງເພັດ ແສງມະນີ ຫົວໜ້າຫ້ອງເສນາທິການ ຢ່າງສົມກຽດ.
ໂດຍ: ໂກຮັງ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
