ວັນພະຫັດ, ວັນທີ 05 ທັນວາ 2024
ມອບການປັບປຸງກໍ່ສ້າງເຄຫະສະຖານ ຂອງກອງພັນທີ 1 ໂຮງຮຽນກໍ່ສ້າງນາຍສິບ ເລກ 1
ເວລາອອກຂ່າວ: 2024-02-22 08:49:07 | ຜູ້ຂຽນ : admin1 | ຈຳນວນຄົນເຂົ້າຊົມ: 692 | ຄວາມນິຍົມ: 
ວັນທີ 9 ກຸມພາ 2024, ໄດ້ຈັດພິທີມອບການປັບປຸງກໍ່ສ້າງເຄຫະສະຖານ ກອງພັນທີ 1 ໃຫ້ໂຮງຮຽນກໍ່ສ້າງນາຍສິບ ເລກ 1, ໂດຍການເປັນປະທານ ຂອງສະຫາຍ ພົນຈັດຕະວາ ສີລາວົງ ບຸນມີໄຊ ຫົວໜ້າການເມືອງ ໂຮງຮຽນກໍ່ສ້າງນາຍສິບ ເລກ 1, ມີ ຄະນະພັກ-ຄະນະບັນຊາກອງພັນ, ກອງຮ້ອຍ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ຄຳພຸດ ໄຊແສງແກ້ວ ຫົວໜ້າການເມືອງກອງພັນທີ 1 ໄດ້ສະຫຼຸບລາຍງານຄືນການປັບປຸງກໍ່ສ້າງເຄຫະສະຖານດັ່ງກ່າວ ພາຍຫຼັງເລີ່ມຈັດຕັ້ງປະຕິບັດລົງມືກໍ່ສ້າງນັບແຕ່ວັນທີ 2 ມັງກອນ-15 ມັງກອນ 2024 ໄດ້ສຳເລັດ, ໜ້າວຽກທີ່ປະຕິບັດ ໄດ້ກໍ່ດິນບ໋ອກ ແລະ ເທເບຕົງຮ່ອງລະບາຍນ້ຳ
ເສຍ ຂະໜາດ 30x78 ແມັດ, ທາງຍາງໄປເຮືອນຄົວ1,5x2 ແມັດ, ປູຫີນເດີ່ນຫໍຂ່າວ ແລະ ເດີ່ນລວມແຖວຂອງກອງພັນ, ຂຸດຂຸມນ້ຳເປື້ອນພ້ອມກໍ່ດິນບ໋ອກ 1,5x2 ແມັດ ແລະ ສ້າງຮາວຕາກເຄື່ອງ ຍາວ 15 ແມັດ ຈຳນວນ 2 ຮາວ ໂດຍນຳໃຊ້ທຶນສົມທົບຂອງນັກຮຽນກອງພັນທີ 1 ລວມມູນຄ່າໃນການປັບປຸງກໍ່ສ້າງເຄຫາສະຖານທັງໝົດ 14.800.000 ກີບ.
ສະຫາຍ ພົນຈັດຕະວາ ສີລາວົງ ບຸນມີໄຊ ໄດ້ສະແດງຄວາມຂອບໃຈນຳບັນດານັກຮຽນທີ່ໄດ້ ເອົາໃຈໃສ່ທຸ່ມເທກຳລັງຊັບ, ມີນໍ້າໃຈລະດົມທຶນຊ່ວຍເຫຼືອໃນ
ການປະກອບສວ່ນປັບປຸງເຄຫະສະຖານຂອງກົມກອງ ເວົ້າສະເພາະແມ່ນການພັດທະນາໂຮງຮຽນໃຫ້ມີຄວາມເປັນລະບຽບຮຽບຮ້ອຍ ແລະ ສະອາດຈົບງາມ.
ໂດຍ: ນາງ ນ້ອຍຈັນໄພ ແກ້ວວັນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
