ວັນເສົາ, ວັນທີ 14 ກັນຍາ 2024
ກອງພັນໃຫຍ່621 ສະຫຼຸບວຽກງານຮອບດ້ານປະຈຳປີ 2023 ແລະ ຜ່ານທິດທາງແຜນການປະຈຳປີ 2024
ເວລາອອກຂ່າວ: 2024-02-12 14:57:38 | ຜູ້ຂຽນ : admin2 | ຈຳນວນຄົນເຂົ້າຊົມ: 1090 | ຄວາມນິຍົມ: 
ໃນວັນທີ9 ກຸມພາ 2024 ນີ້, ກອງພັນໃຫຍ່ 621 ສະຫຼຸບວຽກງານຮອບດ້ານປະຈຳປີ 2023 ແລະ ຜ່ານທິດທາງແຜນການປະຈຳປີ 2024 ໂດຍການເປັນປະທານຂອງ ສະຫາຍ ພົນຈັດຕະວາ ວົງແກ້ວ ວົງພິລາ ຫົວໜ້າກົມປືນໃຫຍ່ໜ້າດິນ ກົມໃຫຍ່ເສນາກອງທັບ, ມີຄະນະພັກ-ຄະນະບັນຊາ, ກົມກອງ, ພະນັກງານທີ່ກ່ຽວຂອງເຂົ້າຮ່ວມ.
ສະຫາຍ ພັນໂທ ອຸ່ນເຮືອນ ພຸດທະວົງ ຫົວໜ້າພະແນກບໍລິຫານສັງລວມ ກອງພັນໃຫຍ່ 621 ຂຶ້ນຜ່ານບົດສະຫຼຸບວຽກງານຮອບດ້ານປະຈຳປີ 2023 ໂດຍຕີລາຄາຄືນຜົນການຈັດຕັ້ງປະຕິບັດວຽກງານໃນໄລຍະ1 ປີຜ່ານມາໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັັກກະຊວງປ້ອງກັນປະເທດວາງອອກ ໃນນັ້ນຄະນະພັກ-ຄະນະບັນຊາແຕ່ລະຂັ້ນໄດ້ເອົາໃຈໃສ່ເປັນເຈົ້າການສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບມີແນວຄິດການເມືອງໜັກແໜ້ນ, ເປັນເຈົ້າການປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ ມີຜົນສຳເລັດເປັນຢ່າງດີ ເປັນຕົ້ນແມ່ນ ກົມກອງໄດ້ຈັດຕັ້ງຮັບປະກັນດ້ານສະບຽງອາຫານ, ຢາປົວພະຍາດ, ນໍ້າມັນເຊື້ອໄຟ, ພາຫະນະ, ເຄື່ອງອຸປະໂພກ-ບໍລິໂພກ, ຮັບປະກັນຊີວິດການເປັນຢູ່ລ້ຽງດູທັບ, ໂດຍປະຕິບັດຕາມທິດນຳເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ກອງປະຊຸມຍັງໄດ້ຜ່ານທິດທາງແຜນການປີ 2024 ແລະ ຜັດປ່ຽນກັນປະກອບຄໍາຄິດເຫັນໃສ່ບົດສະຫຼຸບ ແລະ ແຜນການ ເພື່ອເຮັດໃຫ້ ມີຄວາມຖືກຕ້ອງເໝາະສົມເປັນເອກະພາບ ມີເນື້ອໃນເລິກເຊິ່ງ.
ຕອນທ້າຍກອງປະຊຸມຍັງໄດ້ມອບຫຼຽນໄຊ ພິລະອາດຫານ ແລະ ມອບໃບຍ້ອງຍໍໃຫ້ແກ່ພະນັກງານ-ນັກຮົບຜູ້ທີ່ມີຜົນງານດີເດັ່ນ, ມອບຫຼຽນໄຊພິລະອາດຫານຊັ້ນ I ຈຳນວນ 1 ສະຫາຍ, ຊັ້ນ ll ຈຳນວນ 23 ສະຫາຍ, ຊັ້ນ III ຈຳນວນ 56 ສະຫາຍ, ມອບໃບຍ້ອງຍໍກະຊວງປ້ອງກັນປະເທດ ຈຳນວນ 20 ສະຫາຍ ແລະ ມອບໃບຍ້ອງຍໍກົມໃຫຍ່ການເມືອງກອງທັບ ຈຳນວນ 13 ສະຫາຍ.
ໂດຍ: ຫວາດສະໜາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
