POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 03 ຕຸລາ 2024

ຄະນະພັກກົມໃຫຍ່ເຕັກນິກກອງທັບ ທາບທາມບຸກຄະລາກອນລົງສະໝັກຮັບເລືອກຕັ້ງເຂົ້າເປັນຄະນະບໍລິຫານງານພັກສະໄໝທີ II ຮອບທີ II
ເວລາອອກຂ່າວ: 2024-02-12 14:53:25 | ຜູ້ຂຽນ : admin2 | ຈຳນວນຄົນເຂົ້າຊົມ: 1160 | ຄວາມນິຍົມ:

ວັນທີ 9 ກຸມພາ 2024 ນີ້, ຄະນະພັກກົມໃຫຍ່ເຕັກນິກກອງທັບທາບທາມບຸກຄະລາກອນລົງສະໝັກຮັບເລືອກຕັ້ງເຂົ້າເປັນຄະນະບໍລິຫານງານພັກສະໄໝທີ II ຮອບທີ II. ຂຶ້ນໂດຍການເປັນປະທານຂອງ ສະຫາຍ ພົນຕີ ປະສິດ ທ່ຽງທໍາ ຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫ່ຍເຕັກນິກກອງທັບ, ມີສະຫາຍ ພົນຈັດຕະວາ ແສງມະນີວອນ ຄຳມະນີ ຄະນະພັກກົມໃຫຍ່ການເມືອງກອງທັບ ຫົວໜ້າກົມຈັດຕັັ້ງພັກ ກົມໃຫຍ່ການເມືອງກອງທັບ, ມີຄະນະກົມໃຫ່ຍ, ຄະນະກົມ-ຄະນະຫ້ອງ, ວິຊາການ ຈາກກົມຈັດຕັ້ງພັກ ກົມໃຫຍ່ການເມືອງກອງທັບ, ມີຄະນະພັກຄະນະບັນຊາ ບັນດາກົມກອງອ້ອມຂ້າງ ກົມໃຫຍ່ເຕັກນິກເຂົ້າຮ່ວມ. ໃນກອງປະຊຸມ ສະຫາຍ ພົນຈັດຕະວາ ທອງພັນ ສຸທໍາມະວົງ ກໍາມະການຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ເຕັກນິກກອງທັບ ໄດ້ຂຶ້ນຜ່ານຮ່າງລາຍງານການເມືອງທັງສອງພາກ ເພື່ອຕີລາຄາການນໍາພາປະຕິບັດມະຕິກອງປະຊຸມໃຫຍ່ຄັ້ງທີI ຂອງອົງຄະນະພັກກົມໃຫຍ່ເຕັກນິກກອງທັບ ຕະລອດໄລຍະ 5 ປີ ທີ່ຜ່ານມາ ເພື່ອໃຫ້ຜູ້ແທນກອງປະຊຸມມີຄຳເຫັນປັບປຸງຮ່າງລາຍງານການເມືອງດັ່ງກ່າວໃຫ້ມີຄວາຍສົມບູນຂຶ້ນ, ຈາກນັ້ນ ສະຫາຍ ພົນຈັດຕະວາ ແສງມະນີວອນ ຄຳມະນີ ຄະນະພັກກົມໃຫຍ່ການເມືອງກອງທັບ ຫົວໜ້າກົມຈັດຕັັ້ງພັກ ກົມໃຫຍ່ການເມືອງກອງທັບ, ມີຄະນະກົມໃຫ່ຍ, ຄະນະກົມ-ຄະນະຫ້ອງ, ວິຊາການ ຈາກກົມຈັດຕັ້ງພັກ ກົມໃຫຍ່ການເມືອງກອງທັບ ກໍ່ໄດ້ມີຄຳເຫັນແນະນຳການທາບທາມ ແລະ ວິຊາການທີ່ກ່ຽວຂ້ອງຂອງກົມຈັດຕັ້ງພັກກໍ່ໄດ້ຂຶ້ນຜ່ານມາດຖານເງື່ອນໄຂຜູ້ທີ່ສະໝັກເລືອກຕັ້ງເຂົ້າເປັນຄະນະບໍລິຫານງານພັກກົມໃຫຍ່ເຕັກນິກກອງທັບ ສະໄໝທີ II, ເຊິ່ງຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ ຍຶດໝັ້ນອຸດົມການສັງຄົມນິຍົມ, ມີຄຸນສົມບັດສິນທຳປະຕິວັດ, ມີທັດສະນະຫຼັກໝັ້ນການເມືອງໜັກແໜ້ນ, ມີຄວາມຈົງຮັກພັກດີຕໍ່ປະເທດຊາດ, ຕໍ່ປະຊາຊົນ, ເປັນແບບຢ່າງນຳໜ້າໃນການປະຕິບັດກົດລະບຽບຂອງພັກ, ກົດໝາຍຂອງລັດ, ມີຄວາມຮູ້ຄວາມສາມາດອັນແນ່ນອນ, ມີແບບແຜນວິທີເຮັດວຽກທີ່ຖືກຕ້ອງ, ເຄົາລົບປະຕິບັດຫຼັກການລວມສູນປະຊາທິປະໄຕ ແລະ ມີສຸຂະພາບສົມບູນແຂງແຮງດີ. ໂອກາດນີ້, ສະຫາຍ ພົນຕີ ປະສິດ ທຽ່ງທໍາ ຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫຍ່ເຕັກນິກກອງທັບ, ກໍໄດ້ເນັ້ນໜັກໃຫ້ຜູ້ແທນກອງປະຊຸມ ຈົ່ງພ້ອມ ກັນໃຊ້ສິດປະຊາທິປະໄຕຂອງຕົນໃນການປ່ອນບັດ ແລະ ມີການໄຈ້ແຍກລະອຽດ, ຫຼີກລ້ຽງແນວຄິດອະຄະຕິກຸ່ມກ້ອນ, ຈຸ້ມເຈື້ອເຊື້ອສາຍ ສິ່ງສໍາຄັນໃຫ້ເບິ່ງທັດສະນະຄວາມຮູ້ ຄວາມສາມາດນຳພາ-ບັນຊາ, ມີຄຸນສົມບັດສິນທຳປະຕິວັດ, ມີແບບແຜນວິທີເຮັດວຽກທີ່ດີ, ເຮັດວຽກເປັນໝູ່ຄະນະບຸກຄົນຮັບຜິດຊອບ ບົນພື້ນຖານປະຕິບັດຫຼັກການລວມສູນປະຊາທິປະໄຕ, ເຮັດສຳເລັດໜ້າທີ່ການເມືອງຂອງຕົນ ເພື່ອແນໃສ່ເຮັດໃຫ້ການທາບທາມ ດຳເນີນໄປຢ່າງຖືກຕ້ອງຕາມກົດລະບຽບພັກວາງອອກ ເພື່ອຄັດເລືອກເອົາເປົ້າໝາຍທີ່ເໝາະສົມເຂົ້າເປັນຄະນະບໍລິຫານງານພັກກົມໃຫຍ່ເຕັກນິກກອງທັບ ສະໄໝທີ II ໃຫ້ໄດ້ຕາມລະດັບຄາດໝາຍທີ່ວາງໄວ້, ຈາກນັ້ນ ໄດ້ໃຊ້ສິດຂອງຕົນປ່ອນບັດທາບທາມບຸກຄະລາກອນທີ່ສະໝັກເລືອກຕັ້ງເຂົ້າເປັນຄະນະບໍລິຫານງານພັກກົມໃຫຍ່ເຕັກນິກກອງທັບ ສະໄໝທີ II ຮອບທີ II ໄດ້ສຳເລັດຕາມແຜນການ. ໂດຍ: ນ.ບົວທອນ ສຸທໍາມະວົງ

news to day and hot news