POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 01 ມິຖຸນາ 2023

ສະຫຼຸບຜົນສຳເລັດ ແລະ ຍ້ອງຍໍການເຂົ້າຮ່ວມແຂ່ງຂັນກິລາການທະຫານສາກົນ
ເວລາອອກຂ່າວ: 2023-03-16 10:00:12 | ຜູ້ຂຽນ : admin2 | ຈຳນວນຄົນເຂົ້າຊົມ: 885 | ຄວາມນິຍົມ:

ພິທີສະຫຼຸບຜົນສຳເລັດ ແລະ ຍ້ອງຍໍການເຂົ້າຮ່ວມແຂ່ງຂັນກິລາການທະຫານ ( ARMY GAMES-2022 ), ໄດ້ຈັດຂຶ້ນໃນວັນທີ 15 ມີນາ 2023 ນີ້, ຢູ່ທີ່ ກອງພັນໃຫຍ່ 661, ໂດຍການເປັນປະທານຂອງ ສະຫາຍ ພົນຈັດຕະ ວາ ບົວວັນ ບຸດທະຈັນໂທ ຫົວໜ້າກົມລົດຕັງ-ຍານເກາະ, ມີຄະນະພັກ-ຄະນະບັນຊາ, ກົມກອງອ້ອມຂ້າງ, ຫ້າງຮ້ານ, ບໍລິສັດ ພ້ອມດ້ວຍນັກກິລາເຂົ້າຮ່ວມ. ສະຫາຍ ພັນໂທ ຄຳຈັນ ແສນມະນີ ຫົວໜ້າພະແນກອົບຮົມກົມລົດຕັງ-ຍານເກາະ ໄດ້ຍົກໃຫ້ເຫັນຜົນງານລວມທີ່ກອງທັບປະຊາຊົນລາວຍາດມາໄດ້ໃນການເຂົ້າຮ່ວມການແຂ່ງຂັນກິລາການທະຫານ ເຊິ່ງຄະນະນຳກະຊວງປ້ອງກັນປະເທດໄດ້ໃຫ້ຄວາມສຳຄັນ ແລະ ເປີດກວ້າງວຽກງານການພົວພັນຮ່ວມມືທາງດ້ານການທະຫານສາກົນ ເພື່ອຍົກສູງບົດບາດຂອງກອງທັບປະຊາຊົນລາວກ້າວສູ່ເວທີການທະຫານສາກົນ ກໍຄືຂອບເຂດພາກພື້ນ ໂດຍສະເພາະແມ່ນການ ອອກຂ່າວຜ່ານສື່ສັງຄົມອອນລາຍ ຄຽງຄູ່ກັນນີ້, ຄະນະນຳກະຊວງປ້ອງກັນປະເທດ, ບັນດາອົງການກົມໃຫຍ່, ກົມວິຊາສະເພາະອ້ອມຂ້າງກະຊວງໄດ້ຊີ້ນຳ ຢ່າງໃກ້ຊິດຕິດແທດໃນການເຝິກຊ້ອມຫັດແອບໄປແຂ່ງຂັນ ກໍຄືການຊ້ອມຮົບຮ່ວມ ລາວ-ຣັດເຊຍ ພ້ອມນີ້, ບັນດາອະນຸກຳມະການຮັບຜິດຊອບຕະຫຼອດເຖິງພະນັກ ງານ-ນັກຮົບທີ່ເຂົ້າຮ່ວມການແຂ່ງຂັນ ແລະ ຊ້ອມຮົບລ້ວນແຕ່ມີການເຝິກຝົນຫຼໍ່ຫຼອມຕົນເອງທາງດ້ານການເມືອງ-ແນວຄິດ ແລະ ອົບຮົມ-ຫັດແອບທາງດ້ານວິຊາສະເພາະ ໂດຍສະເພາະການນຳໃຊ້ພາຫະນະ, ອາວຸດຍຸດໂທປະກອນທີ່ກົມກອງປະກອບໃຫ້ຢ່າງເປັນປົກກະຕິຕໍ່ເນື່ອງ ຜ່ານການເຂົ້າຮ່ວມການແຂ່ງຂັນທີ່ຕິດພັນກັບການນຳໃຊ້ພາຫະນະເຕັກນິກ ແລະ ອາວຸດຍຸດໂທປະກອນຂອງທຸກພາກສ່ວນແມ່ນຮັບປະກັນຄວາມປອດໄພ 100% ສຳລັບການເຂົ້າຮ່ວມແຂ່ງຂັນກິລາການທະຫານນານາຊາດ 2022 ທີ່ ສ ຣັດເຊຍ, ກອງທັບປະຊາຊົນລາວໄດ້ຖືກເຊີນເຂົ້າຮ່ວມເປັນຄັ້ງທີ 6 ຈັດຕັ້ງກຳລັງເຂົ້າຮ່ວມ 3 ປະເພດກິລາ ໃນນັ້ນ, ທີມລົດຕັງຈັດໃນອັນດັບທີ 6 ຈາກ 11 ປະເທດ ຕໍ່ຜົນງານທີ່ຍາດມາໄດ້ນັ້ນກະຊວງປ້ອງກັນປະເທດຕົກລົງມອບຫຼຽນໄຊພິລາດອາດຫານຊັ້ນ II ໃຫ້ສະຫາຍ ພັນເອກ ໄຊສົງຄາມ ວໍລິຈິດ ເພື່ອເປັນການຍ້ອງຍໍສັນລະເສີນຄຸນງາມຄວາມດີທີ່ມີຜົນງານດີເດັ່ນ ໃນການອຸປະຖຳຊ່ວຍເຫຼືອທາງດ້ານວັດຖຸ, ຊຸກຍູ້ການຊ້ອມຮົບ ປະສານເຫຼົ່າຍິງລູກປືນແທ້ ສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 45 ປີ ໃຫ້ແກ່ກອງພັນໃຫຍ່ 661 ແລະ ບັ້ນເຂົ້າຮ່ວມການແຂ່ງຂັນກິລາການທະຫານນານາຊາດ 2022 ທີ່ ສ ຣັດເຊຍ, ຊັ້ນ III ໃຫ້ກົມກອງລວມໜູ່, ບຸກຄົນ ແລະ ບັນດາບໍລິສັດຕ່າງໆ ເພື່ອເປັນການຍ້ອງຍໍຄຸນງາມຄວາມດີຂອງຄະນະພັກ-ຄະນະບັນຊາ, ນາຍ ແລະ ພົນທະຫານ ພ້ອມດ້ວຍບັນດາບໍລິສັດຕ່າງໆທີ່ໃຫ້ການອຸປະຖຳຊ່ວຍເຫຼືອໃຫ້ທີມນັກກິລາລົດຕັງ-ຍານເກາະ ເຂົ້າຮ່ວມແຂ່ງຂັນກິລາການທະຫານສາກົນປະຈຳປີ 2022 ( ARMY GAMES- 2022 ) ໄດ້ສຳເລັດຕາມແຜນການ ໃນນີ້, ຕົກລົງມອບຫຼຽນໄຊ ຊັ້ນ III ໃຫ້ກົມກອງລວມໝູ່ ຈຳນວນ 3 ກົມກອງ, ບຸກຄົນ 2 ສະຫາຍ ແລະ 1 ບໍລິສັດ, ມອບຫຼຽນກາລະນຶກ 70 ປີ ກອງທັບປະຊາຊົນລາວໃຫ້ບຸກຄົນ 1 ສະຫາຍ, 2 ບໍລິສັດ, ມອບໃບຍ້ອງຍໍກະຊວງປ້ອງກັນປະເທດ 36 ສະຫາຍ, 3 ບໍລິສັດ, ໃບຍ້ອງຍໍກົມໃຫຍ່ການເມືອງກອງທັບ 17 ສະຫາຍ ແລະ 24 ບໍລິສັດ. ເຊິ່ງໄດ້ຈັດຕັ້ງມອບໃຫ້ບັນດາກົມກອງ ແລະ ບຸກຄົນຢ່າງສົມກຽດ.

news to day and hot news