ກອງທັບປະຊາຊົນລາວ

ວັນຈັນ, ວັນທີ 06 ກຸມພາ 2023



ກອງ​ຍິງ​ປືນ 199 ສະຫຼຸບ​ວຽກ​ງານ​ການ​ກໍ່ສ້າງ​ກົມ​ກອງ 3 ປອດ
ເວລາອອກຂ່າວ: 2023-01-09 08:52:12 | ຜູ້ຂຽນ : admin1 | ຈຳນວນຄົນເຂົ້າຊົມ: 379585794 | ຄວາມນິຍົມ:



ວັນ​ທີ 3 ມັງກອນ 2023, ກອງ​ຍິງ​ປືນ 199 ໄດ້​ສະຫຼຸບ​ວຽກ​ງານ​ການ​ກໍ່ສ້າງ​ກົມ​ກອງ 3 ປອດ ປອດ​ໃສ ປອດ​ໄພ ປອດ​ຄະດີ ປະຈຳ​ປີ 2022 ແລະ ວາງ​ທິດ​ທາງ​ແຜນການ ປະຈຳ​ປີ 2023, ໂດຍ​ການ​ເປັນ​ປະທານ​ຂອງ ສະຫາຍ ພັນ​ໂທ ພອນ​ແກ້ວ ສຸ​ລິ​ວັນ​ວົງສາ ຫົວໜ້າ​ການເມືອງ​ກອງ​ຍິງ​ປືນ 199, ມີຄະນະ​ພັກ- ຄະນະ​ບັນຊາ ພະແນກການ, ກອງຮ້ອຍ ຕະຫຼອດ​ຮອດພະນັກງານ-ນັກຮົບ ເຂົ້າ​ຮ່ວມ.     ສະຫາຍ ຮ້ອຍ​ເອກ ເຫຼ່ຍ ແສງສຸ​ລີ ຫົວໜ້າ​ຂະ​ແໝງ​ປ້ອງ​ກັນ​ພາຍ​ໃນ ກອງ​ຍິງ​ປືນ 199 ໄດ້​ຜ່ານບົດ​ສະຫຼຸບ​ວຽກ​ງານ​ປ້ອງ​ກັນ​ພາຍ​ໃນປະຈຳ​ປີ 2022 ແລະ ວາງ​ທິດ​ທາງ​ແຜນການ ປະຈຳ​ປີ 2023 ໂດຍ​ໄດ້​ຍົກ​ໃຫ້​ເຫັນ​ການຈັດຕັ້ງ​ປະຕິບັດ​ວຽກ​ງານ​ໃນ​ແຕ່​ລະ​ດ້ານ ໄລຍະ​ຜ່ານ​ມາ. ຄະນະ​ພັກ-ຄະນະ​ບັນຊາແຕ່​ລະ​ຂັ້ນໄດ້​ຖື​ເອົາ​ວຽກ​ງານ​ປ້ອງ​ກັນ​ພາຍ​ໃນ​ເປັນ​ໜ້າທີ່​ໃຈກາງ​ທີ່​ສຳຄັນ ແລະ ຫັນ​ເອົາ 5 ເນື້ອ​ໃນ​ມາດຖານ​ຂໍ້​ແຂ່ງຂັນ​ຂອງ​ການ​ກໍ່ສ້າງ​ກົມ​ກອງ ປອດ​ໃສ ປອດ​ໄພ ປອດ​ຄະດີ ເຂົ້າ​ສູ່​ ການ​ດຳເນີນ​ຊີວິດ​ໜ້າທີ່​ວິຊາ​ສະເພາະ, ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດໃຫ້​ພະນັກງານ-ນັກຮົບ ມີ​ແນວ​ຄິດ​ອຸ່ນ​ອຽນ​ທຸ່ນທ່ຽງ​ຫ້າວຫັນ​ຕໍ່ໜ້າ​ທີ່​ວຽກ​ງານ, ມີ​ຄວາມ​ສັດຊື່​ບໍລິສຸດ​ຕໍ່​ພັກ-ລັດ, ມີ​ຄວາມ​ໜັກ​ແໜ້ນ ເຂັ້ມແຂງ. ຄະນະ​ພັກ-ຄະນະ​ບັນຊາ​ຍາມ​ໃດ​ກໍ​ໃຫ້​ຄວາມ​ສຳຄັນ​ໃກ້ຊິດຕິດ ແທດ​ຊີ້​ນຳ​ກຳມະການ​ປ້ອງ​ກັນ​ພັກ, ຜູ້​ຮັບຜິດຊອບ​ວຽກ​ງານ​ປ້ອງ​ກັນ​ພາຍ​ໃນ​ກຳ​ແໜ້ນ, ຄຸ້ມ​ຄອງ​ສະພາບ​ການເມືອງ​ພາຍ​ໃນ​ຮັບປະກັນ​ໃຫ້​ກົມ​ກອງ​ມີ​ຄວາມ​ສະຫງົບ, ມີ​ຄວາມ​ໜັກ​ແໜ້ນ ປອດ​ໃສ ແລະ ຈັດ​ຕັ້ງ​ເຜີຍແຜ່​ເຊື່ອມ​ຊຶມບັນດາ​ມະຕິ, ຄຳ​ສັ່ງ​ຂອງ​ຂັ້ນເທິງ​ທີ່​ມີ​ການ​ພົວພັນ​ກ່ຽວ​ກັບ​ວຽກ​ງານ​ປ້ອງ​ກັນ​ພາຍ​ໃນ, ປ້ອງ​ກັນ​ຄວາມ​ສະຫງົບ​ສຶກ​ສາ​ອົບ​ຮົບ​ດ້ານ​ການເມືອງ-ແນວ​ຄິດໃຫ້​ພະນັກງານ-ນັກຮົບເຊື່ອມ​ຊຶມ, ຮັບ​ຮູ້​ເຂົ້າໃຈ​ແຈ້ງ, ຍົກ​ສູງ​ສະຕິ​ລະວັງ​ຕົວ​ຕໍ່​ກົນອຸບາຍ​ມ້າງເພ​ ທຳລາຍຂອງ​ກຸ່ມ​ຄົນ​ບໍ່​ຫວັງ​ດີ, ປະກອບສ່ວນ​ເປັນ​ຫູ​ເປັນຕາ​ຊ່ວຍ​ການຈັດຕັ້ງ​ປ້ອງ​ກັນ​ຕົນ​ເອງ​ເປັນຕົ້ນ​ຕໍ, ປ້ອງ​ກັນ​ກົມ​ກອງ​ເປັນ​ສຳຄັນ ແລະ ສູ້​ຊົນ​ເປັນ​ກົມ​ກອງ 3 ປອດ​ ຕ້ານ​ທຸກ​ການ​ກະທຳທີ່​ເປັນ​ການ​ລ່ວງ​ລະເມີດ​ທາງ​ກົດ ໝາຍ ເພື່ອ​ເຮັດ​ໃຫ້​ກົມ​ກອງ​ມີ​ຄວາມ​ສະຫງົບ​ໂດຍ​ພື້ນຖານ. ສາມາດ​ຕີ​ລາຄາ​ດ້ານ​ຄຸນ​ທາດ​ການເມືອງ ​ປະເພດ I ຈຳນວນ 199 ສະຫາຍ, ປະເພດ II ມີ 2 ສະ ຫາຍ, ໄດ້​ຮັບ​ການ​ຢັ້ງຢືນ​ເປັນ​ກົມ​ກອງ ປອດ​ໃສ ປອດ​ໄພ ປອດ​ຄະດີ ປະເພດ I ຈຳນວນ 4 ພະແນກການ 2 ກອງຮ້ອຍ ແລະ ປະເພດ II ມີ 1 ກອງຮ້ອຍ. ໂດຍ: ນາງ ບົວ​ໄວ ວັນນະ​ສົດ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ