ກອງທັບປະຊາຊົນລາວ

ວັນອາທິດ, ວັນທີ 05 ກຸມພາ 2023



ລັດຖະບານ​ ນູ​ແວນ​ເຊ​ລັງ ​ແລະ​ ພັກ​ຝ່າຍ​ຄ້ານ ​ລົງ​ນາມ​ສັນຕິພາບ​ພາຍ​ໃນ​ປະເທດ
ເວລາອອກຂ່າວ: 2022-11-30 08:53:45 | ຜູ້ຂຽນ : admin3 | ຈຳນວນຄົນເຂົ້າຊົມ: 339634917 | ຄວາມນິຍົມ:



ສຳນັກ​ຂ່າວ​ໃຫ້​ຮູ້ເມື່ອ​ວັນ​ທີ 28 ພະຈິກ​ນີ້​ວ່າ: ຄະນະ​ຜູ້​ແທນ ​ລັດຖະບານ​ນູ​ແວນ​ເຊ​ລັງ ແລະ ຄະ ນະ​ຜູ້​ແທນ​ຝ່າຍ​ຄ້ານ​ໄດ້​ດຳເນີນ​ການ​ສົນທະນາ​ຢູ່​ນະຄອນຫຼວງ​ເມັກ​ຊິກ ແລະ​ ສອງ​ຝ່າຍ​ໄດ້​ລົງ​ນາມ​ຂໍ້​ຕົກລົງ​ເປັນ​​ໄລຍະ. ຕາມ​ຂໍ້​ຕົກລົງ, 2 ຝ່າຍ​ໄດ້​ສະ ເໜີ​ບັນດາ​ມາດ​ຕະການ​ຮັບປະ ກັນ​ຊີວິດ​ສັງຄົມ, ໃນ​ນັ້ນ​ມີ​ການ​ເພີ່ມ​ທະວີ​ລະບົບ​ສາທາລະນະ​ສຸກ​ແຫ່ງ​ຊາດ, ເພີ່ມ​ທະວີ​ຄວາມ​ໝັ້ນຄົງ​ຂອງ​ລະບົບ​ໄຟຟ້າ, ຜັນ​ຂະຫຍາຍ​ບັນດາ​ໂຄງການ​ຮັບ ປະກັນ​ສະບຽງ​ອາຫານ ແລະ ເອົາໃຈໃສ່​ເຖິງ​ພື້ນຖານ​ໂຄງ​ລ່າງ​ການ​ສຶກ​ສາ. ສອງ​ຝ່າຍ​ຍັງ​ໄດ້​ເຫັນ​ດີ​ສ້າງ ຕັ້ງ​ຄະນະ​ກຳມະການ​ພິເສດ​ເພື່ອ ​ຮ່ວມ​ມື​ກັບ​ກອງ​ທຶນ​ຢູ່​ຕ່າງປະ ເທດ ທີ່​ກຳລັງ​ປະ​ເຊີນ​ກັບ​ໄພ​ຂົ່ມຂູ່​ຈາກ​ພາຍ​ນອກ, ໂດຍ​ຈະ​ມີ​ການ​ປະສານ​ງານ ແລະ ກວດກາ​ໂດຍ​ພະນັກງານ​ທີ່​ອົງ ການ​ສະຫະ​ປະຊາ​ຊາດ ​ແລະ​ລັດຖະບານ​ນອກ​ແວ ເຂົ້າ​ຮ່ວມ​ການ​ໄກ່​ເກ່ຍ. ທ່ານ ມາ​ດູ​ໂຣ ປະທານາທິບໍດີ ນູ​ແວນ​ເຊ​ລັງ ກ່າວ​ຜ່ານ​ສື່​ສັງຄົມ​ອອນ​ລາຍ​ຫຼັງ​ການ​ລົງ​ນາມ​ວ່າ: ການ​ລົງ​ນາມ​ໃນ​ຂໍ້​ຕົກລົງ​ນີ້​ເປັນ​ການ​ເປີດ​ໜ້າ​ໃໝ່​ໃຫ້​ແກ່​ ນູ​ແວນ ​ເຊ​ລັງ ແລະ​ ຈະ​ສືບຕໍ່​ຊຸກຍູ້​ສັນຕິ ພາບ​ແຫ່ງ​ຊາດ ແລະ​ ສະຫວັດດີ​ການ​ສັງຄົມ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ