ເຊື່ອມຊຶມມູນເຊື້ອວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 20 ປີ
ເວລາອອກຂ່າວ: 2022-09-21 09:48:27 | ຜູ້ຂຽນ : admin3 | ຈຳນວນຄົນເຂົ້າຊົມ: 104 | ຄວາມນິຍົມ:
ໄລຍະຕົ້ນເດືອນກັນຍາຜ່ານມາ, ມີຫຼາຍພາກສ່ວນໄດ້ຈັດຕັ້ງສະເຫຼີມສະຫຼອງ ແລະ ເຊື່ອມຊຶມມູນເຊື້ອວັນສ້າງຕັ້ງສະ ຫະພັນນັກຮົບເກົ່າແຫ່ງຊາດລາວ ຄົບຮອບ 20 ປີ ໃນນັ້ນ, ມີ: ກອງ ບັນຊາການທະຫານ ແຂວງຜົ້ງ ສາລີ, ແຂວງບໍລິຄຳໄຊ, ເມືອງ ພຽງ ແຂວງໄຊຍະບູລີ, ສະຫະ ພັນນັກຮົບເກົ່າແຂວງຄຳມ່ວນ ແລະ ສະຫະພັນນັກຮົບເກົ່າແຂວງອຸດົມໄຊ.
ຢູ່ແຕ່ລະບ່ອນໄດ້ຫວນຄືນ ມູນເຊື້ອການກຳເນີດເຕີບໃຫຍ່ ຂະຫຍາຍຕົວ, ລວມທັງຜົນງານ ແລະ ໄຊຊະນະທີ່ສະຫະພັນນັກ ຮົບເກົ່າແຫ່ງຊາດລາວ ສ້າງມາ ໄດ້ໃນໄລຍະ 20 ປີຜ່ານມາ, ມູນ ເຊື້ອຂອງນັກຮົບ ໄດ້ຕິດພັນກັບ ການເຕີບໃຫຍ່ຂະຫຍາຍຕົວຂອງການປະຕິວັດລາວ, ຕິດພັນ ກັບປະຫວັດສາດການຕໍ່ສູ້ອັນ ອົງອາດກ້າຫານ, ຍືດເຍື້ອຍາວ ນານຂອງກອງທັບ ແລະ ປະຊາ ຊົນລາວບັນດາເຜົ່າ ພາຍໃຕ້ການນຳພາຂອງພັກ, ສະຫະພັນນັກຮົບເກົ່າລາວໄດ້ສ້າງວິລະກຳອັນລ້ຳເລີດ, ຜົນງານອັນຍິ່ງໃຫຍ່ ແລະ ມູນເຊື້ອອັນສະຫງ່າອົງອາດສືບທອດກັນມາ, ໃນພາລະກິດຂອງການປະຕິວັດຊາດປະຊາທິປະໄຕ, ມີຫຼາຍສະຫາຍໄດ້ເສຍສະຫຼະຊີວິດ, ຖືກບາດເຈັບເສຍອົງຄະ, ມີຫຼາຍສະຫາຍໄດ້ກາຍເປັນວິລະຊົນແຫ່ງຊາດ, ນັກຮົບແຂ່ງຂັນ, ກາຍເປັນພະນັກງານການນຳຢູ່ຕາມກະຊວງ, ອົງການ, ກົມກອງ, ຂະແໜງການ ແລະ ທ້ອງ ຖິ່ນຕ່າງໆໃນຂອບເຂດທົ່ວປະ ເທດ, ແຕ່ບັນດາສະຫາຍເຫຼົ່ານັ້ນ, ຍາມໃດກໍໄດ້ເສີມຂະຫຍາຍທາດແທ້, ມູນເຊື້ອນັກຮົບປະຕິວັດ, ທຸ່ມເທເຫື່ອແຮງ, ສະຕິປັນຍາປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ. ພາຍຫຼັງສະຫະພັນນັກຮົບເກົ່າໄດ້ຮັບການສ້າງຕັ້ງຂຶ້ນໃນວັນທີ 9 ກັນຍາ 2002 ກໍໄດ້ປະຕິບັດບົດບາດໃນການສຶກສາອົບຮົມໃຫ້ສະມາຊິກນັກຮົບເກົ່າປົກປັກຮັກສາ ແລະ ເສີມຂະ ຫຍາຍທາດແທ້ມູນເຊື້ອປະຕິວັດ, ເປັນຕົວແທນປົກປ້ອງສິດ ແລະ ຜົນປະໂຫຍດອັນຊອບທຳຂອງນັກຮົບເກົ່າຕາມແນວທາງ, ແຜນ ນະໂຍບາຍຂອງພັກ-ລັດ, ປຸກ ລະດົມຖັນແຖວນັກຮົບເກົ່າປະ ກອບສ່ວນເຂົ້າໃນການຄຸ້ມຄອງ ລັດ, ຄຸ້ມຄອງສັງຄົມ, ສ້າງເສດ ຖະກິດ, ແກ້ໄຂຊີວິດການເປັນຢູ່, ແກ້ໄຂຄວາມທຸກຍາກ ແລະ ພັດທະນາພື້ນຖານໂຄງລ່າງຂອງ ສະຫະພັນນັກຮົບເກົ່ານັບມື້ດີຂຶ້ນ ແລະ ປະຕິບັດແນວທາງການ ຕ່າງປະເທດຂອງພັກຢ່າງຖືກ ຕ້ອງ ສະເໝີຕົ້ນສະເໝີປາຍ.
ສ່ວນການນຳແຂວງຈຳປາ ສັກ ແລະ ການນຳສະຫະພັນນັກ ຮົບເກົ່າແຂວງ ພ້ອມດ້ວຍການ ນຳກອງບັນຊາການທະຫານ ແຂວງ, ປກສ ແຂວງ, ຕາງໜ້າອົງການຈັດຕັ້ງທຸກຂະແໜງການ, ໄດ້ເຂົ້າວາງພວງມາລາ ຢູ່ອະນຸ ສາວະລີນັກຮົບນິລະນາມ ແລະ ວາງກະຕ່າດອກໄມ້ຢູ່ອະນຸສອນສະຖານປະທານ ໄກສອນ ພົມ ວິຫານ ທີ່ສະໜາມແດງນະຄອນປາກເຊ ແລະ ການນຳແຂວງໄຊຍະບູລີ ກໍໄດ້ເຂົ້າວາງພວງມາລາ ຢູ່ສຸສານທະຫານແຂວງ ເພື່ອເປັນການສະແດງຄວາມເຄົາລົບຮັກ, ສະແດງຄວາມກະຕັນຍູຮູ້ບຸນຄຸນຕໍ່ຜົນງານ, ຄຸນງາມຄວາມດີຂອງ ພະນັກງານ-ນັກຮົບ ທີ່ໄດ້ເສຍສະ ຫຼະຊີວິດເລືອດເນື້ອ ເພື່ອພາລະ ກິດຕໍ່ສູ້ປົດປ່ອຍປະເທດຊາດໃນເມື່ອກ່ອນ ກໍຄືປົກປັກຮັກສາ ແລະ ສ້າງສາພັດທະນາປະເທດຊາດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ