ກອງທັບປະຊາຊົນລາວ

ວັນພະຫັດ, ວັນທີ 11 ສິງຫາ 2022



ຄະນະຮັບຜິດຊອບການເຝິກຊ້ອມ ກອບກູ້ໄພພິບັດ 3 ກອງທັບ ລົງກວດກາພາກສະໜາມ
ເວລາອອກຂ່າວ: 2022-08-05 08:55:14 | ຜູ້ຂຽນ : admin2 | ຈຳນວນຄົນເຂົ້າຊົມ: 62 | ຄວາມນິຍົມ:



ວັນທີ 3 ສິງຫາ 2022 ນີ້, ສະຫາຍພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການ ກົມໃຫຍ່ເສນາທິການກອງທັບ ໄດ້ນຳພາຄະນະຮັບຜິດຊອບ ການຊ້ອມກອບກູ້ໄພພິບັດກອງ ທັບປະຊາຊົນຫວຽດນາມ ແລະ ກໍາປູເຈຍ ລົງກວດກາຄວາມ ພ້ອມສະຖານທີ່ໃນການກະກຽມ ການເຝິກຊ້ອມກອບກູ້ໄພພິບັດ ຮ່ວມ 3 ຝ່າຍ ຢູ່ວິທະຍາຄານພະ ລາທິການກອງທັບ. ຈາກນັ້ນ, ກໍໄດ້ຮັບຟັງການລາຍ ງານຄວາມພ້ອມດ້ານຕ່າງໆ ຈາກ ສະຫາຍ ພັນຕີ ວົງສະຫວັນ ທຳມະວົງໄຊ ຮອງຫົວໜ້າເນື້ອ ໃນພາກສະໜາມກອງທັບປະຊາຊົນລາວໂດຍຍົກໃຫ້ເຫັນ ວຽກງານຮັບປະກັນຄວາມ ປອດໄພ, ການຈັດສັນສະຖານ ທີ່ບ່ອນເຝິກຊ້ອມ, ການອະນາ ໄມປັບປຸງສະຖານທີ່ບ່ອນພັກ ເຊົາ, ບ່ອນກິນຢູ່ໃຫ້ແທດເໝາະ ກັບເງື່ອນໄຂຕົວຈິງຂອງສະໜາມ ຫັດແອບເຊິ່ງຈະກໍານົດ ໃຫ້ເປັນ ສະຖານທີ່ພັກເຊົ່າຂອງກຳລັງ ແຕ່ລະກອງທັບ, ມາຮອດປັດຈຸ ບັນໜ້າວຽກດ້ານຕ່າງໆແມ່ນມີຄວາມພ້ອມ ແລະ ກຽມຮັບໃຊ້ ໃນການເຝິກຊ້ອມກອບກູ້ໄພພິບັດ ຫຼາຍກວ່າ 70% ຂຶ້ນໄປຂອງ ແຜນການ. ໂອກາດນີ້, ສະຫາຍ ພັນເອກ ປາດຖະໜາ ບຸດຕິຈັກ ໄດ້ສະແດງ ຄວາມຍ້ອງຍໍຊົມເຊີຍ ແລະ ຮຽກຮ້ອງໃຫ້ແກ່ຄະນະຮັບຜິດ ຊອບແຕ່ລະຂັ້ນປະກອບສ່ວນ ສໍາຄັນເຂົ້າໃນການເຝິກຊ້ອມກອບກູ້ໄພພິບັດໃນຄັ້ງນີ້ໃຫ້ປະ ສົບຜົນສໍາເລັດ, ເພາະວ່າການ ເຝິກຊ້ອມກອບກູ້ໄພພິບັດລະ ຫວ່າງ 3 ກອງທັບ ລາວ-ຫວຽດ ນາມ ແລະ ກໍາປູເຈຍ ຖືເປັນຄັ້ງ ປະຫວັດສາດໃນການພົວພັນ ຮ່ວມມືຂອງທັງ 3 ກອງທັບ, ສະ ນັ້ນກອງທັບປະຊາຊົນລາວໃນ ນາມເປັນເຈົ້າພາບຈົ່ງເປັນເຈົ້າ ການ ແລະ ກຽມຄວາມພ້ອມ ຢ່າງຮອບດ້ານແນໃສ່ເຮັດໃຫ້ ການເຝິກຊ້ອມກອບກູ້ໄພພິບັດ ໃນຄັ້ງນີ້ປະສົບຜົນສໍາເລັດຢ່າງ ຈົບງາມ,ບັນດາໜ້າວຽກໃດທີ່ ຍັງບໍ່ທັນສອດຄ່ອງແມ່ນໃຫ້ແຕ່ ລະພາກສ່ວນຮັບຜິດຊອບຮິບ ຮ້ອນພ້ອມກັນແກ້ໄຂບໍ່ວ່າຈະ ເປັນຂອດປະສານງານໃນການ ພົວພັນຮ່ວມມື,ດ້ານພາຫະເຕັກ ນິກ, ຈໍານວນພົນແຕ່ລະເຫຼົ່າ ຮົບຕ້ອງເປັນເຈົ້າການຈັດຕັ້ງ ປະຕິບັດໜ້າວຽກຂອງຕົນໃຫ້ ສໍາເລັດແລະທ່ວງທັນກັບໄລຍະ ເວລາໃນການເຝິກຊ້ອມກອບກູ້ ໄພພິບັດໃນຄັ້ງນີ້. ພາຍຫຼັງສໍາ ເລັດການລົງກວດກາຢູ່ພາກສະ ໜາມແລ້ວ,ຄະນະຜູ້ແທນສາມ ຝ່າຍກໍໄດ້ເອກະພາບຄືນກ່ຽວ ກັບແຜ່ນທີ່, ແຜນຮ່າງ ແລະ ຈະ ມີການແກ້ໄຂບັນຫາບາງຈຸດທີ່ ຍັງບໍ່ທັນສອດຄ່ອງຄືນ, ເພື່ອຮັບ ປະກັນໄດ້ຄວາມປອດໄພ ແລະ ບັນລຸໄດ້ຜົນສໍາເລັດທີ່ວ້າງໄວ້.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ