ກອງທັບປະຊາຊົນລາວ

ວັນພະຫັດ, ວັນທີ 11 ສິງຫາ 2022



ກອງປະຊຸມວຽກງານຈັດຕັ້ງ ກໍ່ສ້າງພັກ-ພະນັກງານ ກົມໃຫຍ່ເສນາທິການກອງທັບ ຄັ້ງທີ VI
ເວລາອອກຂ່າວ: 2022-08-04 09:40:48 | ຜູ້ຂຽນ : admin2 | ຈຳນວນຄົນເຂົ້າຊົມ: 91 | ຄວາມນິຍົມ:



ວັນທີ 2 ສິງຫາ 2022 ນີ້, ກົມໃຫຍ່ເສນາທິການກອງທັບ ໄດ້ເປີດກອງປະຊຸມວຽກງານຈັດ ຕັ້ງກໍ່ສ້າງພັກ-ພະນັກງານ ຄັ້ງ ທີ VI, ໂດຍການເປັນປະທານ ຂອງ ສະຫາຍ ພົນຕີ ຄໍາລຽງ ອຸທະໄກສອນ ກໍາມະການສູນ ກາງພັກ, ເລຂາຄະນະພັກອົງ ການກົມໃຫຍ່ ຮອງລັດຖະມົນຕີ ກະຊວງປ້ອງກັນປະເທດ ຫົວໜ້າ ກົມໃຫຍ່ເສນາທິການກອງທັບ. ມີ ສະຫາຍ ຮອງເລຂາພັກ, ຄະ ນະປະຈໍາພັກ, ກໍາມະການຄະນະ ພັກ, ໜ່ວຍພັກ, ຄະນະພັກຮາກຖານຂຶ້ນກັບ ທົ່ວກົມໃຫຍ່ເສນາທິການກອງທັບເຂົ້າຮ່ວມ. ສະຫາຍ ພັນເອກ ໄຊພອນ ສອນມະນີ ຮອງຫົວໜ້າຫ້ອງ ການເມືອງກົມໃຫຍ່ເສນາທິການ ກອງທັບ ໄດ້ຜ່ານບົດສະຫຼຸບຕີລາ ຄາສະພາບການຈັດຕັ້ງປະຕິບັດ ວຽກງານກໍ່ສ້າງພັກ-ພະນັກງານ ທົ່ວກົມໃຫຍ່ເສນາທິການ 05 ປີ ຜ່ານມາ ( 2017 -2021) ແລະ ທິດທາງແຜນການ 05 ປີຕໍ່ໜ້າ ( 2022-2026 ), ຄະນະບໍລິ ຫານງານພັກກົມໃຫຍ່ເສນາທິ ການໄດ້ສຸມໃສ່ນໍາພາ-ຊີ້ນໍາຈັດ ຕັ້ງສຶກສາອົບຮົມການເມືອງ-ນໍາ ພາແນວຄິດ ເປັນປົກກະຕິຕໍ່ເນື່ອງ ດ້ວຍຫຼາຍຮູບການ ເຊື່ອມຊຶມ ແນວທາງແຜນນະໂຍບາຍ, ມະ ຕິ, ຄໍາສັ່ງຂໍ້ກໍານົດກົດລະບຽບ ຂອງພັກ ສະໄໝທີ X ແລະ XI ມະ ຕິກອງປະຊຸມໃຫຍ່ຄະນະພັກກະ ຊວງປ້ອງກັນປະເທດ ຄັ້ງທີ IV ແລະ V , ມະຕິກອງປະຊຸມໃຫຍ່ ຄັ້ງທີ V ແລະ VI ຂອງຄະນະ ພັກກົມໃຫຍ່ເສນາທິການ, ບັນ ດາຂໍ້ກໍານົດ ກົດລະບຽບຂອງ ກອງທັບ, ບັ້ນດໍາເນີນຊີວິດການ ເມືອງປັບປຸງປົວແປງພາຍໃນພັກ ເຂົ້າສູ່ກອງປະຊຸມໃຫຍ່ 3 ຂັ້ນ. ຜ່ານການນໍາພາ-ຊີ້ນໍາຂອງຄະ ນະພັກທຸກຂັ້ນເຮັດໃຫ້ສະພາບ ແນວຄິດຂອງພະນັກງານ-ສະ ມາຊິກພັກໄດ້ມີຄວາມໜັກແໜ້ນ ທາງດ້ານຄຸນທາດການເມືອງ, ຄຸນສົມບັດສິນທໍາປະຕິວັດ, ຈົງ ຮັກພັກດີຕໍ່ພັກ, ຕໍ່ປະເທດຊາດ, ຕໍ່ປະຊາຊົນມີສະຕິຕໍ່ການຈັດຕັ້ງ ເຄົາລົບ ແລະ ປະຕິບັດລະບຽບ ກົດໝາຍຢ່າງເຂັ້ມງວດ, ຕີຖອຍ ໄດ້ທັດສະນະທ່າອ່ຽງແນວຄິດ ຜິດເຂວມີຫຼາຍພັກ-ຫຼາຍເຄົ້າ, ເຮັດໃຫ້ແນວຄິດພາຍໃນມີຄວາມ ເປັນເອກະພາບ, ຊີ້ນໍາຄະນະພັກ ໜ່ວຍພັກກະກຽມດໍາເນີນກອງ ປະຊຸມໃຫຍ່ 3 ຂັ້ນຂອງພັກ, ເລືອກ ເຟັ້ນບຸກຄະລາກອນຜູ້ມີເງື່ອນ ໄຂມາດຖານເຂົ້າໃນໂຄງປະກອບ ຄະນະພັກແຕ່ລະຂັ້ນ, ດໍາເນີນກອງ ປະຊຸມໃຫຍ່ຂັ້ນໜ່ວຍພັກ 128 ຂັ້ນ, ຄະນະພັກຮາກຖານ 22 ຄະນະ, ຂະຫຍາຍມະຫາຊົນກ້າວ ໜ້າເຂົ້າພັກໄດ້ 730 ສະຫາຍ, ຮຽນກົດລະບຽບ 268 ສະຫາຍ, ເລື່ອນສໍາຮອງຂຶ້ນສົມບູນ 1.469 ສະຫາຍ, ສະເໜີອອກ ບັດໃຫ້ສະມາຊິກພັກສົມບູນ 1.208 ສະຫາຍ, ມອບບັດ 410 ສະຫາຍ, ຊີ້ນໍາບັນດາຮາກຖານ ພັກທີ່ຂຶ້ນກັບເຄື່ອນໄຫວດໍາເນີນ ຊີວິດການເມືອງພາຍໃນຈຸພັກ, ໜ່ວຍພັກ ແລະ ຄະນະພັກຮາກ ຖານເປັນປົກກະຕິ, ເຄື່ອນໄຫວ ຕາມ 5 ຫຼັກການ 3 ທິດນໍາຂອງ ພັກຢ່າງເຂັ້ມງວດ, ກໍານົດພະ ນັກງານສືບທອດປ່ຽນແທນຕິດ ພັນກັບແຜນຍຸດທະສາດພັດທະ ນາຊັບພະຍາກອນມະນຸດ ປະຕິ ຮູບລະບົບການສືກສາແຫ່ງຊາດ ພະນັກງານນໍາພາ-ບັນຊານໍາ ສົ່ງພະນັການ-ນັກຮົບໄປກໍ່ສ້າງ, ບໍາລຸງຢູ່ບັນດາວິທະຍາຄານ ຕ່າງໆ, ໂຮງຮຽນຂອງກອງທັບ, ສະຖາບັນ, ໂຮງຮຽນຂອງລັດ ທັງພາຍໃນ ແລະ ຕ່າງປະເທດ ແຕ່ຊັ້ນກາງຫາປະລິນຍາເອກ 1.141 ສະຫາຍ, ໄດ້ຮັບການ ແຕ່ງຕັ້ງຂັ້ນຫົວໜ້າ-ຮອງຫົວ ໜ້າກົມໃຫຍ່ເສນາທິການ 3 ສະ ຫາຍ; ຂັ້ນຫ້ອງ-ຮອງຫ້ອງ 8 ສະຫາຍ; ຂັ້ນພະແນກ-ຮອງພະ ແນກ 230 ສະຫາຍ; ຂັ້ນຫົວໜ້າ ຮອງທຽບເທົ່າກອງພັນໃຫຍ່ ຮອງກອງພັນນ້ອຍ 204 ສະ ຫາຍ, ຂັ້ນຫົວໜ້າ-ຮອງຫົວໜ້າ ກອງຮ້ອຍ 291 ສະຫາຍ; ໝວດ ຮອງໝວດ 224 ສະຫາຍ, ຈາກ ນັ້ນກໍໄດ້ຜ່ານມະຕິວ່າດ້ວຍການ ເພີ່ມທະວີການນໍາພາຂອງພັກ ເພື່ອສ້າງການຫັນປ່ຽນຢ່າງແຂງ ແຮງ, ເລິກເຊິ່ງ, ບົດໂອ້ລົມຂອງ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການ ເມືອງສູນກາງພັກ, ຮອງນາຍົກ ລັດຖະມົນຕີ, ເລຂາຄະນະພັກ, ລັດຖະມົນຕີກະຊວງປ້ອງກັນ ປະເທດ ຕໍ່ກອງປະຊຸມວຽກງານ ຈັດຕັ້ງ, ກໍ່ສ້າງພັກ-ພະນັກງານ ທົ່ວກອງທັບຄັ້ງທີ VI, ພ້ອມດຽວ ກັນນັ້ນກໍໄດ້ຜ່ານບົດສະຫຼຸບລາຍ ງານຜົນການກວດກາຕີລາຄາ ຄຸນນະພາບການກໍ່ສ້າງກົມກອງ ໜ່ວຍພັກປອດໃສ, ເຂັ້ມແຂງ, ໜັກ ແໜ້ນຢູ່ທົ່ວກົມໃຫຍ່ເສນາທິການ ປະຈໍາປີ 2021 ໃນນີ້ໜ່ວຍພັກເອ ກະລາດເປັນໜ່ວຍພັກແຂງ 24 ໜ່ວຍ; ປະເພດກາງ 7 ໜ່ວຍ; ໜ່ວຍພັກຂຶ້ນກັບຄະນະພັກຮາກ ຖານເປັນໜ່ວຍພັກແຂງ 85 ໜ່ວຍ; ປະເພດກາງ 12 ໜ່ວຍ, ສະມາຊິກພັກແຂງ 3.960 ສະ ຫາຍ, ຍິງ 775 ສະຫາຍ; ປະ ເພດກາງ 146 ສະຫາຍ, ຍິງ 3 ສະຫາຍ, ບໍ່ໄດ້ແບ່ງປະເພດ 24 ສະຫາຍ, ແລະ ມະຕິຕົກລົງຂອງ ຄະນະພັກກະຊວງປ້ອງກັນປະ ເທດ ວ່າດ້ວຍຮັບຮອງໜ່ວຍພັກ ປອດໃສ ເຂັ້ມແຂງ ໜັກແໜ້ນບັນ ດາກົມກອງທີ່ຂຶ້ນກັບກົມໃຫຍ່ເສ ນາທິການ ປະຈໍາປີ 2021 ຈໍາ ນວນ 109 ໜ່ວຍພັກ ພ້ອມທັງ ມອບໃບຢັ້ງຢືນຢ່າງສົມກຽດ. ໂດຍ: ເກດຕະວັນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ