ທະຫານແຂວງສະຫວັນນະເຂດ ຈັດພິທີສົ່ງຊາວໜຸ່ມຊາຍສະກັນຜູ້ທີ່ສະໝັກໃຈເຂົ້າຮັບໃຊ້ຊາດປະຈຳປີ 2018
ເວລາອອກຂ່າວ: 2019-02-04 11:00:18 | ຜູ້ຂຽນ : | ຈຳນວນຄົນເຂົ້າຊົມ: 46 | ຄວາມນິຍົມ:
v ໃນວັນທີ 23 ຫາ 25 ມັງກອນ 2019 ຜ່ານມາ ຢູ່ທີ່ສະ ໂມສອນກອງບັນຊາການແຂວງ ສະຫວັນນະເຂດ ໄດ້ຈັດພິທີສົ່ງ ບັນດາຊາວໜຸ່ມຊາຍສະກັນຜູ້ທີ່ ສະໝັກໃຈເຂົ້າຮັບໃຊ້ຊາດປະຈຳ ປີ 2018, ໂດຍການເປັນປະທານ ຂອງ ພັນໂທ ຄຳເພັດ ສຸລິຍະວົງ
ຄະນະພັກ-ຫົວໜ້າຫ້ອງເສນາທິ ການກອງບັນຊາການທະຫານ ແຂວງສະຫວັນນະເຂດ, ມີຄະນະ ອະນຸກຳມະການຮັບຜິດຊອບ ຈາກກົມກຳລັງພົນກະຊວງປ້ອງ ກັນປະເທດ ແລະ ພະແນກການທີ່ ກ່ຽວຂ້ອງຕະຫຼອດຮອດບັນດາ ຊາວໜຸ່ມຊາຍສະກັນຜູ້ທີ່ສະໝັກ ໃຈເຂົ້າຮັບໃຊ້ຊາດເຂົ້າຮ່ວມ.
ໃນພິທີ ພັນໂທ ຄຳເພັດ
ສຸລິຍະວົງ ຕາງໜ້າຄະນະການນຳ ກອງບັນຊາການໄດ້ຂຶ້ນໂອ້ລົມ ແລະ ໃຫ້ທິດຊີ້ນຳຕໍ່ບັນດາຊາວ ໜຸ່ມຊາຍສະກັນຜູ້ທີ່ສະໝັກໃຈ ເຂົ້າຮັບໃຊ້ຊາດໃນຄັ້ງນີ້, ກ່ອນ ອື່ນທ່ານຍັງໄດ້ສະແດງຄວາມ ຊົມເຊີຍ ແລະ ເນັ້ນໜັກໃຫ້ຊາວ ໜຸ່ມຊາຍສະກັນທຸກຄົນເມືື່ອໄດ້ເຂົ້າຮັບໃຊ້ຊາດແລ້ວຕ້ອງເອົາໃຈໃສ່ປະຕິບັດກົດລະບຽບວິໄນ
ຂອງຖັນແຖວກອງທັບທີ່ກົມ ກອງວາງອອກຢ່າງເຂັ້ມງວດ, ຈົ່ງພ້ອມກັນຕັ້ງໃຈປະຕິບັດໜ້າທີ່, ຟັງຄຳສັ່ງຜູ້ບັນຊາມອບໝາຍໃຫ້ ຈົ່ງເຮັດສຳເລັດທຸກໜ້າທີ່ວຽກ ງານຂອງຕົນຕະຫຼອດໄປໃຫ້ ສົມກັບວ່າຕົນເອງເປັນຜູ້ຮັບໃຊ້ ຊາດຮັບໃຊ້ປະຊາຊົນ ບໍ່ມີແນວຄິດຫຍໍ້ທໍ້ຕໍ່ອຸປະສັກນາໆປະການ ໃນວຽກງານການຈັດຕັ້ງວາງ ອອກ ຈາກນັ້ນກໍໄດ້ມີການກວດ ກາສຸຂະພາບ ແລະ ສຳພາດບັນດາຊາວໜຸ່ມຊາຍສະກັນເພື່ອຮັບ ປະກັນຄຸນະພາບມາດຕະຖານ ໃຫ້ໄດ້ຕາມລະບຽບຂອງກອງ ທັບວາງອອກ.
ໃນຕອນທ້າຍກໍໄດ້ຈັດພິທີສົ່ງອ້າຍນ້ອງທະຫານໃໝ່ໃຫ້ສູນຫັດແອບກົມກອງກຳລັງຫຼວງ ແລະ ທ້ອງຖິ່ນພາຍໃນແຂວງຢ່າງ ສົມກຽດ.
ໂດຍ: ຄຳໃສ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ