ກອງທັບປະຊາຊົນລາວ

ວັນສຸກ, ວັນທີ 01 ກໍລະກົດ 2022



ກະຊວງປ້ອງກັນປະເທດ ສະຫຼຸບຖອດຖອນບົດຮຽນ ວຽກງານຄຸ້ມຄອງໄພພິບັດ 6 ເດືອນຕົ້ນປີ
ເວລາອອກຂ່າວ: 2022-06-22 08:59:55 | ຜູ້ຂຽນ : admin3 | ຈຳນວນຄົນເຂົ້າຊົມ: 174 | ຄວາມນິຍົມ:



ວັນທີ 21 ມິຖຸນາ 2022 ນີ້, ກະຊວງປ້ອງກັນປະເທດ ໄດ້ຈັດ ກອງປະຊຸມສະຫຼຸບຖອດຖອນ ບົດຮຽນວຽກງານຄຸ້ມຄອງໄພພິ ບັດໄລຍະ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນ ທ້າຍປີ 2022, ໂດຍການເປັນ ປະທານຂອງສະຫາຍ ພົນຕີ ຈັນ ທອງ ສອນຕະອາດ ຮອງລັດ ຖະມົນຕີກະຊວງປ້ອງກັນປະ ເທດ, ຮອງປະທານຄະນະກຳ ມະການຄຸ້ມຄອງໄພພິບັດຂັ້ນ ສູນ ກາງ, ປະທານຄະນະກໍາມະການ ຄຸ້ມຄອງໄພພິບັດກະຊວງປ້ອງກັນປະເທດ, ມີ ຄະນະກຳມະການ ຄຸ້ມຄອງໄພພິບັດກະຊວງປ້ອງ ກັນປະເທດເຂົ້າຮ່ວມ. ສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການ ກົມໃຫຍ່ເສນາທິການກອງທັບ, ຫົວໜ້າກອງເສນາທິການຄະນະກໍາມະການຄຸ້ມຄອງໄພພິບັດ ກະ ຊວງປ້ອງກັນປະເທດ, ໄດ້ຂຶ້ນສະ ຫຼຸບຖອດຖອນບົດຮຽນໂດຍຜ່ານ ການຈັດຕັ້ງປະຕິບັດວຽກງານ ຄຸ້ມ ຄອງໄພພິບັດໄລຍະ 6 ເດືອນ ຕົ້ນປີ ແລະ ວາງທິດທາງແຜນ ການ 6 ເດືອນທ້າຍປີ 2022, ໄລ ຍະຜ່ານມາໄດ້ມີເຫດການໄພພິ ບັດເກີດຂຶ້ນຢູ່ໃນຂອບເຂດທົ່ວປະເທດຈໍານວນທັງໝົດ 59 ຄັ້ງໃນນັ້ນລວມມີນໍ້າຖ້ວມ, ລົມ ພະຍຸ, ໄຟໄໝ້, ຟ້າຜ່າ ແລະ ແຜ່ນ ດິນໄຫວ, ມີ 9 ແຂວງ, 16 ເມືອງ, 40 ບ້ານທີ່ໄດ້ຮັບຜົນກະທົບ, ໄພ ພິບັດທີ່ເກີດຂຶ້ນໄດ້ສົ່ງຜົນກະທົບ ໂດຍກົງຕໍ່ປະຊາ ຊົນຈໍານວນ 62 ຄອບຄົວ, 847 ຄົນ, ບາດເຈັບ 1 ຄົນ, ສ້າງຄວາມເສຍຫາຍຕໍ່ຂະແໜງການສັງຄົມ, ການຜະລິດ ແລະ ໂຄງລ່າງພື້ນຖານຕ່າງໆ ຄິດເປັນມູນຄ່າເສຍຫາຍທັງໝົດ ປະມານ 208.190.000 ກີບ. ນອກຈາກໄພພິບັດດັ່ງກ່າວ,ບັນ ຫາການລະບາດຂອງພະ ຍາດໂຄ ວິດ-19 ໄດ້ມີທ່າອ່ຽງເພີ່ມຂຶ້ນ ຢ່າງໄວວາ ແລະ ກວ້າງຂວາງ ອັນໄດ້ສົ່ງຜົນກະທົບຢ່າງໜັກ ໜ່ວງຕໍ່ເສດຖະກິດ-ສັງຄົມ ແລະ ສ້າງຄວາມສູນເສຍຢ່າງຫຼວງ ຫຼາຍຕໍ່ຊີວິດ, ຊັບສິນຂອງພົນລະ ເມືອງລາວ. ຕໍ່ໜ້າສະພາບການ ດັ່ງກ່າວ, ຄະນະກຳມະການວຽກ ງານຄຸ້ມຄອງໄພພິບັດກະຊວງ ປ້ອງກັນປະເທດ, ໂດຍສະເພາະ ກອງເສນາທິການຄະນະກໍາມະ ການຄຸ້ມຄອງໄພພິບັດກະຊວງ ປ້ອງກັນປະເທດ ໄດ້ເປັນເຈົ້າ ການປະສານສົມທົບກັບບັນດາ ກະຊວງ ແລະ ອົງການປົກຄອງ ທ້ອງຖິ່ນ ເຮັດວຽກງານກຽມ ພ້ອມປ້ອງກັນ ແລະ ຕອບໂຕ້ໄພ ພິບັດໃຫ້ທັນກັບສະພາບການ ແລະ ມີປະສິດທິຜົນ, ໄດ້ມອບ ໝາຍໃຫ້ກົມກອງທະຫານຢູ່ແຕ່ ລະທ້ອງຖິ່ນບ່ອນເກີດໄພພິບັດເປັນເຈົ້າການວ່ອງໄວຈັດຕັ້ງກໍາລັງ ແລະ ນໍາໃຊ້ພາຫະນະ, ອຸປະກອນທີ່ມີ, ປະສານສົມທົບກັບຂະແໜງການທີ່ກ່ຽວຂ້ອງໃນ ທ້ອງຖິ່ນເຂົ້າຊ່ວຍເຫຼືອຜູ້ປະສົບໄພ, ຊີ້ນໍາຄະນະກໍາມະການຄຸ້ມຄອງໄພພິບັດແຕ່ລະຂັ້ນເຮັດ ວຽກງານກຽມພ້ອມຕອບຕ້ານ ແລະ ຫຼຸດຜ່ອນຄວາມສ່ຽງໄພ ພິບັດເຮັດໃຫ້ວຽກງານກອບກູ້ຜູ້ ປະສົບໄພ ແລະ ຊ່ວຍເຫຼືອສຸກ ເສີນຕາມຂອບເຂດຄວາມຮັບ ຜິດຊອບຂອງແຕ່ລະກົມກອງ ແລະ ຕາມການມອບໝາຍຂອງ ຂັ້ນເທິງ ໄດ້ຮັບການຈັດຕັ້ງປະ ຕິບັດຢ່າງມີປະສິດທິຜົນ, ຈາກ ໄພພິບັດທີ່ເກີດຂຶ້ນໃນຜ່ານມາ ໄດ້ນໍາໃຊ້ກໍາລັງທົ່ວກອງທັບເຂົ້າຊ່ວຍເຫຼືອທັງໝົດ 683 ສະຫາຍ ແລະ ນໍາໃຊ້ລົດຈໍານວນ 32 ຄັນ. ໄປພ້ອມກັບການຊ່ວຍເຫຼືອກອບ ກູ້ໄພພິບັດ ຄະນະກໍາມະການ ຄຸ້ມຄອງໄພພິບັດກະຊວງປ້ອງ ກັນປະເທດ ຍັງໄດ້ເຂົ້າຮ່ວມຫຼາຍ ກອງປະຊຸມສໍາຄັນທີ່ກ່ຽວກັບ ວຽກງານຄຸ້ມຄອງໄພພິບັດ, ພ້ອມທັງໄດ້ກະກຽມການເຝິກ ຊ້ອມກອບກູ້ໄພພິບັດຮ່ວມ 3 ກອງທັບ ລາວ-ຫວຽດນາມ-ກໍາ ປູເຈຍ (ສໍາເລັດດ້ານເນື້ອໃນ), ສ່ວນບັນດາກົມກອງ, ເຫຼົ່າຮົບ ຈໍານວນໜຶ່ງ ກໍໄດ້ຈັດຕັ້ງບໍາລຸງ ຍົກລະດັບດ້ານວຽກງານຊອກ ຄົ້ນ-ກອບກູ້ຜູ້ປະສົບໄພພິບັດຢູ່ ກັບທີ່, ເຂົ້າຮ່ວມເຝິກອົບຮົມ-ເຝິກ ຊ້ອມເທິງແຜນທີ່-ແຜນຮ່າງ, ກົນໄກການປະສານງານ ແລະ ການປະຕິບັດການຕອບໂຕ້ເຫດ ການໄພພິບັດສຸກເສີນ ລະຫວ່າງ ກອງທັບກັບພົນລະເຮືອນ ເພື່ອ ກຽມຄວາມພ້ອມຊ່ວຍເຫຼືອຜູ້ ປະສົບໄພພິບັດໃນຕໍ່ໜ້ານີ້ໃຫ້ ໄດ້ຮັບໝາກຜົນສູງ. ໃນກອງປະ ຊຸມບັນດາປະທານ ແລະ ຄະນະ ກຳມະການຄຸ້ມຄອງໄພພິບັດກະ ຊວງປ້ອງກັນປະເທດ ໄດ້ພ້ອມ ກັນປະກອບຄໍາຄິດເຫັນໃສ່ບົດ ສະຫຼຸບ ແລະ ທິດທາງແຜນການ ໃນຕໍ່ໜ້າ, ຍົກໃຫ້ເຫັນດ້ານດີທີ່ ເຮັດໄດ້ ແລະ ຊອກວິທີການປັບປຸງແກ້ໄຂບັນຫາທີ່ຍັງຄົງຂ້າງ ໃຫ້ດີຂຶ້ນ, ພ້ອມທັງໄດ້ປະກາດ ແຕ່ງຕັ້ງຄະນະກໍາມະການຄຸ້ມ ຄອງໄພພິບັດກະຊວງປ້ອງກັນ ປະເທດ ແລະ ຄະນະກອງເສນາ ທິການ, ປະກາດແຕ່ງຕັ້ງຄະນະ ຊີ້ນໍາ ແລະ ຄະນະຮັບຜິດຊອບ ແກ້ໄຂຜົນກະທົບຈາກໄພພິບັດ ຕໍ່ໂຄງລ່າງພື້ນຖານຂອງກະຊວງ ປ້ອງກັນປະເທດ (ສະ ບັບປັບປຸງ ໃໝ່) ຕື່ມອີກ. ໂດຍ: ນາງ ຍ້ອມເພັດ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ