ວັນຈັນ, ວັນທີ 02 ທັນວາ 2024
ຄະນະພັກກອງພັນໃຫຍ່ລົດຕັງ-ຍານເກາະ 661 ດຳເນີນກອງປະຊຸມໃຫຍ່ຄັ້ງທີ່ I ຂອງຕົນ
ເວລາອອກຂ່າວ: 2019-01-09 09:13:24 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 349219595 | ຄວາມນິຍົມ: 
ວັນທີ 7 ມັງກອນ 2018 ນີ້, ຄະນະພັກກອງພັນໃຫຍ່ລົດ ຕັງ-ຍານເກາະ 661 ໄດ້ດໍາເນີນ ກອງປະຊຸມໃຫຍ່ຄັ້ງທີ I ຂອງ ຕົນ ເພື່ອຕີລາຄາການຊີ້ນໍາ-ນໍາ
ພາໃນໄລຍະຜ່ານມາ ໂດຍການ
ເຂົ້າຮ່ວມເປັນປະທານຂອງສະ
ຫາຍພົນຈັດຕະວາ ປະສິດ ທ່ຽງ ທໍາ ກໍາມະການຄະນະພັກກະ ຊວງ ຮອງຫົວຫນ້າກົມໃຫຍ່ເສ ນາທິການກອງທັບ, ມີຄະນະພັກຮາກຖານ, ຄະນະໜ່ວຍພັກຂຶ້ນ ກັບ ແລະ ແຂກຖືກເຊີນເຂົ້າຮ່ວມ.
ພັນເອກ ສາຍລົມ ໄຊຍະສຸກ ເລຂາຄະນະພັກ ຫົວຫນ້າການ ເມືອງກອງພັນໃຫຍ່ລົດຕັງ- ຍານເກາະ 661 ຂຶ້ນຜ່ານບົດ ລາຍງານການເມືອງທັງສອງ ພາກ ໂດຍໄດ້ຍົກໃຫ້ເຫັນຫມາກ ຜົນທີ່ເປັນພື້ນຖານຫລາຍດ້ານ ລວມທັງບັນຫາທີ່ຍັງຄົງຄ້າງ ຈະຕ້ອງໄດ້ສືບຕໍ່ປັບປຸງແກ້ໄຂ ແລະ ບົດຮຽນທີ່ຖອດຖອນໄດ້ ຜ່ານການເຄື່ອນໄຫວຊີ້ນໍາ-ນໍາ ພາຕໍ່ຂົງເຂດວຽກງານຕ່າງໆ ປິ່ນອ້ອມ 4 ໜ້າທີ່ໃຫຍ່ 26 ແຜນ ງານທີ່ຄະນະພັກກະຊວງປ້ອງ ກັນປະເທດວາງອອກ ໂດຍຄະ ນະພັກໄດ້ຖືສໍາຄັນວຽກງານສຶກ ສາອົບຮົມການເມືອງນໍາພາ ແນວຄິດ ໃຫ້ພະນັກງານ-ນັກ ຮົບດ້ວຍຫຼາຍຮູບການຢ່າງເປັນ ປົກກະຕິຕໍ່ເນື່ອງ ເຊິ່ງໄດ້ເຮັດ ໃຫ້ພະນັກງານ-ສະມາຊິກພັກ ມີ ຄຸນທາດການເມືອງຫນັກແໜ້ນ ແລະ ເປັນເຈົ້າການເຂົ້າຮ່ວມຂະ ບວນການຕ່າງໆທີ່ກົມກອງຈັດ ຂຶ້ນຢ່າງເປັນຂະບວນການຟົດ ຟື້ນ, ພ້ອມທັງໄດ້ເອົາໃຈໃສ່ປັບ ປຸງກໍ່ສ້າງພັກໃຫ້ມີຄວາມປອດ ໃສ,ໜັກແໜ້ນ,ເຂັ້ມແຂງ,ໃນທຸກ ດ້ານກາຍເປັນແກນນໍາໃນທຸກຂົງ ເຂດວຽກງານຂອງກົມກອງຖືສໍາ ຄັນວຽກງານຄຸ້ມຄອງຖັນແຖວ ສະມາຊິກພັກ, ຍາມໃດກໍໄດ້ຕັ້ງ ໜ້າສຶກສາອົບຮົມໃຫ້ສະມາຊິກ ພັກແຕ່ລະສະຫາຍໃຫ້ມີທັດສະນະ ຫຼັກໝັ້ນ, ເປັນແບບຢ່າງນໍາໜ້າ ພາທາງໃນທຸກຂົງເຂດວຽກງານ, ອີກດ້ານໜຶ່ງກໍໄດ້ຮັກສາລະບອບ ດໍາເນີນຊີວິດການເມືອງຂອງຄະ ນະພັກ ແລະ ຈຸພັກຢ່າງສະໝໍ່າສະ ເໝີ ຖືເອົາໂອກາດດັ່ງກ່າວຕໍານິ ກໍ່ສ້າງຕົນເອງ ແລະ ໝູ່ຄູ່ເພື່ອ ຊ່ວຍເຫຼືອກັນ ຜ່ານການຈັດຕັ້ງ ເຄື່ອນໄຫວໃນຜ່ານມາ, ຈຶ່ງເຮັດ ໃຫ້ຄຸນະພາບຂອງຄະນະພັກ, ໜ່ວຍພັກ ແລະ ສະມາຊິກພັກໄດ້ ຮັບການຍົກສູງຖັນແຖວສະມາ ຊິກພັກມີຄວາມປອດໃສຂາວ ສະອາດ, ສະແດງອອກໃນການ ຕີລາຄາແບ່ງປະເພດ ໜ່ວຍພັກ ແລະ ສະມາຊິກພັກໄດ້ມີ 2 ຄະ ນະພັກຮາກຖານ ແລະ 15 ໜ່ວຍ
ພັກ ສາມາດຮັບຮອງເປັນຄະນະ ພັກຮາກຖານ ແລະ ໜ່ວຍພັກ ປອດໃສ,ເຂັ້ມແຂງ,ຫນັກແຫນ້ນ, ປະເພດແຂງມີ 3 ຄະນະພັກຮາກ ຖານ, 8 ໜ່ວຍ, ສະມາຊິກພັກແຂງ ຮອບດ້ານກວມເອົາ 63,10%,
ແຂງກວມເອົາ 28,47%, ພ້ອມ ນີ້ກໍຂະຫຍາຍມະຫາຊົນກ້າວໜ້າ ເຂົ້າພັກສໍາຮອງໄດ້ 23 ສະຫາຍ ແລະ ເລື່ອນສໍາຮອງຂຶ້ນສົມບູນ 19 ສະຫາຍ, ນອກຈາກນີ້ຂົງ
ເຂດວຽກງານເຮັດໃຫ້ປະເທດ ຊາດມີຄວາມສະຫງົບຄະນະພັກ ກໍໄດ້ເອົາໃຈໃສ່ຊີ້ນໍາ-ນໍາພາພະ ນັກງານ-ນັກຮົບເຄື່ອນໄຫວ ເຮັດສໍາເລັດໜ້າທີ່ໃນການປ້ອງ ກັນຄວາມສະຫງົບຕາມຄໍາສັ່ງ ຂອງຂັ້ນເທິງ, ສົມທົບແຫນ້ນກັບ ອໍານາດການປົກຄອງອ້ອມຂ້າງ ພ້ອມກັນຕ້ານສະກັດກັ້ນ ແລະ ແກ້ໄຂບັນຫາປາກົດການຫຍໍ້ທໍ້ ຕ່າງໆ ອັນໄດ້ເຮັດໃຫ້ສະພາບ ພາຍໃນຂອບເຂດກົມກອງຮັບ ຜິດຊອບມີຄວາມສະຫງົບໂດຍ ພື້ນຖານ, ນອກຈາກວຽກງານ ດັ່ງທີ່ກ່າວມານັ້ນ ຂົງເຂດວຽກ ງານຕ່າງໆປິ່ນອ້ອມໜ້າທີ່ການ ເມືອງກົມກອງກໍໄດ້ຮັບການຈັດ ຕັ້ງປະຕິບັດໄດ້ຮັບໝາກຜົນສູງ.
ກອງປະຊຸມຍັງໄດ້ປ່ອນບັດ ຄັດເລືອກເອົາຄະນະພັກກອງພັນ ໃຫຍ່ 661 ຊຸດໃໝ່ຈໍານວນ 9 ສະຫາຍ ກອງປະຊຸມຄັ້ງປະຖົມ ມະລຶກໄດ້ເປັນເອກະສັນຄັດ ເລືອກເອົາ ພັນເອກ ສາຍລົມ ໄຊຍະສຸກ ເປັນເລຂາຄະນະພັກ, ພັນເອກ ຄໍາປານ ແພງພັນ ເປັນ ຮອງເລຂາ ແລະ ພັນໂທ ພູວົງ ທິບພະຈອນ ເປັນປະທານກວດ ກາ ພ້ອມທັງໄດ້ປ່ອນບັດຄັດ ເລືອກເອົາຄະນະຜູ້ແທນເພື່ອ ໄປເຂົ້າຮ່ວມກອງປະຊຸມໃຫຍ່ ຄະນະພັກຂັ້ນເທິງ, ຈາກນັ້ນກໍ ໄດ້ຮັບຟັງການໂອ້ລົມໃຫ້ທິດ ຊີ້ນໍາຫຼາຍບັນຫາສໍາຄັນຈາກ ສະຫາຍ ພົນຈັດຕະວາ ປະສິດ ທ່ຽງທໍາ ເພື່ອເປັນແນວທາງໃຫ້ ແກ່ຄະນະພັກຊຸດໃໝ່ສືບຕໍ່ຊີ້ນໍາ- ນໍາພາກົມກອງໃນຕໍ່ໜ້າອີກດ້ວຍ.
ໂດຍ: ຍ້ອມເພັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
