ວັນຈັນ, ວັນທີ 02 ທັນວາ 2024
ທ່ານ ພົນຕີ ປອ.ທອງລອຍ ສີລິວົງ ໂອ້ລົມນາຍທະຫານທີ່ໄດ້ຮັບການເລື່ອນຊັ້ນໃໝ່
ເວລາອອກຂ່າວ: 2019-01-08 15:46:02 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 439 | ຄວາມນິຍົມ: 
ໃນວັນທີ 8 ມັງກອນ 2019 ນີ້ ທ່ານ ພົນຕີ ປອ.ທອງລອຍ ສີລິວົງ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວຫນ້າກົມໃຫຍ່ການເມືອງກອງທັບ ໄດ້ໂອ້ລົມນາຍທະຫານທີ່ໄດ້ຮັບການເລື່ອນຊັ້ນຈາກພັນຕີຂື້ນພັນໂທ ຈຳນວນ 172 ສະຫາຍ ທີ່ມາຈາກກຳລັງຫຼວງ ແລະ ກຳລັງທ້ອງຖີ່ນ ໃນທົ່ວກອງທັບ.
ໂອກາດນີ້ ທ່ານ ພົນຕີ ປອ. ທອງລອຍ ສີລິວົງ ໄດ້ກ່າວວ່າ: ການເລື່ອນຊັ້ນໃນຄັ້ງນີ້ ແມ່ນກຽດສັກສີອັນສູງສົ່ງແລະ ມີຄວາມຫມາຍສໍາຄັນ ເພາະມັນໄດ້ຢັ້ງຢືນໃຫ້ເຫັນເຖິງການເຕີບໃຫຍ່ຂະຫຍາຍຕົວຂອງພະນັກງານໃນກອງທັບ, ທັງແມ່ນການປະຕິບັດນະໂຍບາຍຂອງພັກແລະ ກົດຫມາຍວ່າດ້ວຍນາຍທະຫານກອງທັບປະຊາຊົນລາວໃຫ້ມີຄວາມຖືກຕ້ອງຕາມເງື່ອນໄຂຕົວຈິງຂອງແຕ່ລະສະຫາຍ. ພ້ອມກັນນີ້ ກໍແມ່ນໝາກຜົນແຫ່ງການເຝິກຝົນຫຼໍ່ຫຼອມຕົນເອງຜ່ານຂະບວນການປະຕິບັດໜ້າທີ່ຕົວຈິງ ກໍຄືໝາກຜົນແຫ່ງຄວາມບຸກບືນອົດທົນຜ່ານຜ່າອຸປະສັກແລະ ຂໍ້ຫຍຸ້ງຍາກ, ປະກອບສ່ວນຢ່າງຕັ້ງຫນ້າເຂົ້າໃນການປັບປຸງກໍ່ສ້າງກອງທັບໃຫ້ມີການເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບ.
ທ່ານ ພົນຕີ ປອ. ທອງລອຍ ສິລິວົງ ຍັງໄດ້ເນັ້ນໜັກໃຫ້ນາຍທະຫານທີ່ໄດ້ຮັບການເລື່ອນຊັ້ນໃໝ່, ພ້ອມກັນສືບຕໍ່ມີສະຕິເຝິກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ຍົກສູງສະຕິຕໍ່ການຈັດຕັ້ງ, ມີລະບຽບວິໄນເຂັ້ມງວດ ດໍາລົງຊີວິດຕ້ອງປອດໃສຂາວສະອາດ, ບໍ່ສວຍໂອກາດໃຊ້ຖານະຫນ້າທີ່ຂອງຕົນ ໄປໃນທາງທີ່ຜິດ ເພື່ອຜົນປະໂຫຍດສ່ວນຕົວ, ພະຍາຍາມຄົ້ນຄວ້າທຸກວິທີທາງເພື່ອປັບປຸງແບບແຜນວິທີເຮັດວຽກໃຫ້ດີ ເຄົາລົບ ແລະ ປະຕິບັດຫຼັກການລວມສູນປະຊາທິປະໄຕ, ເຮັດວຽກເປັນຫມູ່ຄະນະ, ບຸກຄົນຮັບຜິດຊອບ. ສ້າງໃຫ້ໄດ້ຄວາມສາມັກຄີເປັນປຶກແຜ່ນແຫນ້ນຫນາ, ກ້າວຂຶ້ນເຮັດສໍາເລັດໜ້າທີ່ການເມືອງຂອງຕົນດ້ວຍໝາກຜົນສູງກວ່າເກົ່າ.
ໂດຍ.ອາຫວຸ້ນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
