ວັນຈັນ, ວັນທີ 02 ທັນວາ 2024
ບໍລິສັດ ໂຈ້ ບຸນມີ ກຣຸບ ມອບເງິນອຸປະຖໍາ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ
ເວລາອອກຂ່າວ: 2019-01-08 15:44:02 | ຜູ້ຂຽນ : ໂກແລ້ມ ອະໄພຍະວົງ | ຈຳນວນຄົນເຂົ້າຊົມ: 412 | ຄວາມນິຍົມ: 
ໃນຕອນເຊົ້າ ວັນທີ 8 ມັງກອນ 2019 ນີ້, ຢູ່ທີ່ ຫ້ອງຮັບແຂກ ກົມເສດຖະກິດ ກະຊວງປ້ອງກັນປະເທດ. ທ່ານນາງ ບຸນມີ ບັງອອນແສງເດດ ປະທານ ບໍລິສັດ ໂຈ້ ບຸນມີ ກຣຸບ (Jo Bounmy Group)ໄດ້ນຳເອົາເງິນສົດຈຳນວນ 100.000.000 ກີບ (ໜຶ່ງຮ້ອຍລ້ານກີບ) ມາມອບໃຫ້ກະຊວງປ້ອງກັນປະເທດ ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ (20 ມັງກອນ 1949 - 20 ມັງກອນ 2019), ກ່າວຮັບໂດຍ ທ່ານ ພົນຈັດຕະວາ ຄຳມີ ຫລ້າບຸນທັນ ຄະນະພັກອົງການຫ້ອງວ່າການກະຊວງ, ຫົວໜ້າກົມເສດຖະກິດ ກະຊວງປ້ອງກັນປະເທດ, ພ້ອມດ້ວຍພາກສ່ວນທີ່ກ່ຽວຂ້ອງ ທັງສອງຝ່າຍ ເຂົ້າຮ່ວມເປັນສັກຂີພພະຍານ.
ທ່ານ ພົນຈັດຕະວາ ຄໍາມີ ຫລ້າບຸນທັນ ໄດ້ຕາງໜ້າໃຫ້ຄະນະນໍາ, ພະນັກງານ-ນັກຮົບ ກະຊວງປ້ອງກັນປະເທດ ສະແດງຄວາມຂອບອົກຂອບໃຈ ແລະ ຕີລາຄາສູງ ຕໍ່ປະທານບໍລິສັດ ໂຈ້ ບຸນມີ ກຣຸບ ພ້ອມຄະນະ ທີ່ເຫັນໄດ້ຄວາມໝາຍ ຄວາມສໍາຄັນ ຂອງວັນສ້າງຕັ້ງກອງທັບປະຊາຊົນລາວ ເຊິ່ງໄດ້ຊຸກຍູ້ອຸປະຖໍາເງິນໃນຄັ້ງນີ້ ແລະ ໃຫ້ຄໍາໝັ້ນສັນຍາວ່າ ຈະນຳເອົາເງິນຈຳນວນດັ່ງກ່າວ ປະກອບສ່ວນເຂົ້າໃນການສະເຫລີມສະຫລອງ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ໃຫ້ເມີບັນຍາກາດຟົດຟື້ນກວ້າງຂວາງ, ພ້ອມທັງ, ມອບໃບສົມມະນາຄຸນຂອງກະຊວງປ້ອງກັນປະເທດ ໃຫ້ ປະທານບໍລິສັດ ໂຈ້ ບຸນມີ ກຣຸບ ຢ່າງສົມກຽດ.
ໂດຍ: ບຸນທະວີ ອິນທະມິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
