ກອງທັບປະຊາຊົນລາວ

ວັນພະຫັດ, ວັນທີ 29 ກໍລະກົດ 2021



ວິທະຍາຄານກົມມະດຳ ເປີດກອງປະຊຸມ ອະນຸກຳມະການ ສອບເສັງລະດັບຊາດ ຄັ້ງ​ທີ 2
ເວລາອອກຂ່າວ: 2021-06-17 15:43:34 | ຜູ້ຂຽນ : admin2 | ຈຳນວນຄົນເຂົ້າຊົມ: 137 | ຄວາມນິຍົມ:



ວັນ​ທີ 17 ມິ​ຖຸນາ 2021 ນີ້ ວິທະຍາຄານກົມມະດໍາ ເປີດກອງປະຊຸມອະນຸກຳມະການ ສອບ ເສັງລະດັບຊາດສົກຮຽນ 2020-2021 ຄັ້ງທີ 2 ຂຶ້ນຢ່າງເປັນທາງການ. ​ພາຍໃຕ້ການເປັນປະທານ ຂອງ ທ່ານ ພົນ​ຕີ ສາຍ​ໃຈ ກົມມະ​ສິດ ຮອງ​ຫົວໜ້ກົາ​ມ​ໃຫຍ່​ເສນາ​ທິການ​ ກອງທັບ​ປະຊາຊົນ​ລາວ, ມີບັນດາຄະນະກົມໃຫຍ່ກົມນ້ອຍ ກົມວິຊາສະເພາະ ອ້ອມ ຂ້າງຂອງກະຊວງ ປ້ອງກັນປະເທດ ພ້ອມດ້ວຍຄະນະພັກ-ຄະນະອຳນວຍການ ແລະ ຄະນະວິຊາຄູ ວິທະຍາຄານເຂົ້າຮ່ວມ. ສະຫາຍ ພັນ​ໂທ ພອນ​ສະຫວັນ ສີ​ບຸນ​ເຮືອງ ຮອງຫົວໜ້າຫ້ອງ ອົບຮົມ-ກໍ່ສ້າງ ວິທະຍາຄານ​ກົມມະ​ດຳ ກໍໄດ້ຂຶ້ນຜ່ານບົດລາຍງານ ການ​ສອບ​​ເສັງ​ຈົບ​ຊັ້ນ​ລະດັບ​ຊາດ ນັກຮຽນກໍ່ສ້າງ ມະຫາວິທະຍາໄລ ການທະຫານ ປີທີ່ 4 ຊຸດທີ 16 ຈໍານວນ 10 ເຫຼົ່າຮົບ ຢູ່ ວ.ກ ຕໍ່ກອງປະຊຸມ ຄັ້ງທີ່ 2 ຕາມ​ລະບຽບ​ຫຼັກການ ຂອງ​ໂຮງຮຽນ ກອງທັບ​ປະຊາຊົນ​ລາວ ທີ່​ໄດ້​ຮຽນ​ຈົບ​ຫຼັກສູດ ​ໃນ​ການ​ສອບ​ເສັງ ​ເພື່ອ​ຢັ້ງຢືນ​ຄວາມ​ຮູ້ - ຄວາມ​ສາມາດ ຜ່ານ​ການ​ເຄື່ອນ​ໄຫວ​ສອບ​ເສັງ​ລະດັບ​ຊາດ ​ແຕ່​ວັນ​ທີ 7-11 ມິຖຸນາ 2021 ​ເປັນ​ຕົ້ນ​ມາ ​ເຊິ່ງມີ​ບັນດາ​ນັກຮຽນ​ເຂົ້າ​ສອບ​ເສັງ​ຕົວ​ຈິງ 217 ສະຫາຍ, ທີ່​ກົມ​ໃຫຍ່​ເສນາ​ທິການ​ໄດ້​ອະນຸມັດ ສະບັບ​ເລກທີ 1039/ກສນ, ນະຄອນຫຼວງວຽງ​ຈັນ ວັນ​ທີ 28 ​ພຶດສະພາ 2020 ​ແລະ ສາມາດ ຢັ້ງຢືນ​ຜົນ​ການ​ສອບ​ເສັງ ຂອງ​ນັກ​ສຶກສາ​ຄື​ດັ່ງ​ນີ້ ​ເຫຼົ່າ ທະຫານ​ຣາບ ໄດ້8,8 ຄະ​ແນນ, ​ເຫຼົ່າການ​ເມືອງ ໄດ້8,7 ຄະແນນ, ​ເຫຼົ່າຣົບ ລົດ​ຕັງ​-ຍານ​ເກາະ ໄດ້ 8,65 ຄະ​ແນນ, ​ເຫຼົ່າຣົບ​ປືນ ​ໃຫຍ່​ໜ້າດິນ ໄດ້​ 8,25 ຄະ​ແນນ, ​ເຫຼົ່າຣົບ​ປ້ອງ​ກັນອາກາດ ໄດ້​ 8,51 ຄະ​ແນນ, ​ເຫຼົ່າລົບ​ຊ່າງ​ແສງ ໄດ້ 8,61 ຄະ​ແນນ, ​ເຫຼົ່າຣົບ ສື່ສານ ໄດ້ 8,40 ຄະ​ແນນ,​ ​ເຫຼົ່າຣົບ ສືບ​ຂ່າວ ໄດ້ 8,48 ຄະ​ແນນ, ​ເຫຼົ່າຣົບ​ຕີ​ພິ​ເສດ​ ໄດ້ 8,63 ຄະ​ແນນ, ​ເຫຼົາ​ຣົບເຄມີ ໄດ້ 8,62 ຄະ​ແນນ,​ ບັນດາຜູ້ເຂົ້າຮ່ວມກອງປະຊຸມ ໄດ້ພ້ອມ ກັນຄົ້ນຄວ້າ ປຶກສາຫາລື ເຖິງບັນດາເນື້ອໃນ ຂອງທຸກພາກສ່ວນ ນັກ​ສຶກສາ ຈົ່ງ​ຍົກ​ສູງ ຄວາມ​ຮັບຜິດຊອບ ຕໍ່ໜ້າ​ທີ່​ການ​ເມືອງໃຫ້​ສູງ​ຂຶ້ນ ຖື​ເອົາ​ການຝຶກ​ຝົນ​ກໍ່ສ້າງ​ຕົນ​ເອງ ​ໃຫ້​ມີ​ຄວາມ​ເຂັ້ມ​ແຂງ , ມີຄຸນທາດ ການເມືອງໜັກແໜ້ນ, ມີຄຸນສົມບັດ-ສິນທຳປະຕິວັດ, ມີຄວາມດຸໝັ່ນ ຄົ້ນຄວ້າ ຊອກຮູ້ຮ່ຳຮຽນ, ປະຕິບັດໄດ້ຂໍ້ກຳນົດ ກົດລະບຽບ ຂອງກອງທັບ ກໍຄື ຂໍ້ກຳນົດ ວ.ກ ວາງອອກຢ່າງເຂັ້ມງວດ ​ແລະ ພ້ອມ​ກັນຍາ​ດ​ເອົາ​ຄະ​ແນນ​ດີ ຄະ​ແນນ​ເກັ່ງ​ ​ເຂົ້າ​ໃສ່​ໃບ​ປະກາ​ດສະ​ນີຍະ​ບັດ ​ໃຫ້​ມີ​ຄຸນ​ນະພາ​ບສູງ. ຂ່າວ : ວັນນະເລດ ລໍວັນໄຊ ພາບ : ລຸນ​ທອງ ສີ​ບຸນເຮືອງ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ