ກອງທັບປະຊາຊົນລາວ

ວັນຈັນ, ວັນທີ 08 ມີນາ 2021



ກອງພັນ 233 ເປັນເຈົ້າການປ້ອງກັນເວນຍາມ ໃຫ້ແກ່ບັ້ນເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ມີຄວາມສະຫງົບປອດໄພ 100%
ເວລາອອກຂ່າວ: 2021-02-21 17:02:21 | ຜູ້ຂຽນ : admin2 | ຈຳນວນຄົນເຂົ້າຊົມ: 7 | ຄວາມນິຍົມ:



ດັ່ງທີ່ຮູ້ກັນແລ້ວວ່າ ໃນວັນ ທີ 21 ກຸມພາ 2021 ແມ່ນວັນ ທີ່ປວງຊົນລາວຜູ້ມີສິດເລືອກຕັ້ງ ຫຼັ່ງໄຫຼກັນໄປໃຊ້ສິດປະຊາທິ ປະໄຕ ເລືອກຕັ້ງເອົາ ສະມາຊິກ ສະພາແຫ່ງຊາດ (ສສຊ) ຊຸດທີ IX ແລະສະມາຊິກສະພາປະຊາຊົນ ຂັ້ນແຂວງ (ສສຂ) ຊຸດທີ II ຢ່າງເປັນຂະບວນຟົດຟື້ນຫ້າວຫັນ ເຊິ່ງໄດ້ດໍາເນີນໄປຢ່າງມີຄວາມ ສະຫງົບຮຽບຮ້ອຍເຮັດໃຫ້ ບັ້ນ ເລືອກຕັ້ງຄັ້ງນີ້ສຳເລັດຢ່າງຈົບ ງາມ, ສ້າງໄດ້ຄວາມເຊື່ອ ໝັ້ນ ຈາກປະຊາຊົນ ແລະ ຜູ້ມາໃຊ້ສິດ ເລືອກຕັ້ງ, ທັງໝົດນີ້ແມ່ນໝາກ ຜົນແຫ່ງການປະຕິບັດແນວ ທາງປ້ອງກັນຊາດ-ປ້ອງກັນ ຄວາມ ສະຫງົບ ທົ່ວປວງຊົນລາວ ຮອບດ້ານຂອງພັກ ແລະ ຍ້ອນ ຄວາມເປັນເຈົ້າການເຮັດວຽກ ງານປ້ອງກັນຄວາມສະຫງົບ ຮຽບຮ້ອຍຂອງກຳລັງປ້ອງ ກັນຊາດ-ປ້ອງກັນຄວາມສະ ຫງົບ, ກໍາລັງກອງຫຼອນ ແລະ ການປະກອບສ່ວນຊຸກຍູ້ວັດຖຸ, ກໍາລັງໃຈຈາກປະຊາຊົນຊັ້ນຄົນ ຕ່າງໆ ຈຶ່ງເຮັດໃຫ້ບັ້ນເລືອກຕັ້ງ ຄັ້ງນີ້ມີຄວາມສະຫງົບປອດໄພ 100 % ສະຫາຍ ພັນໂທ ຄໍາໄພ ສໍາ ມະວົງ ຫົວໜ້າການເມືອງຄະ ນະຊີ້ນໍາລວມວຽກງານປ້ອງ ກັນກອງພັນ 233 ທັງເປັນຫົວ ໜ້າຄະນະຮັບຜິດຊອບໜ່ວຍ ປ່ອນບັດເລືອກຕັ້ງທີ 195 ຂອງ ເມືອງໄຊທານີ ໄດ້ໃຫ້ຮູ້ວ່າ: ໂດຍ ປະຕິບັດຕາມການຕົກລົງຂອງ ຄະນະຮັບຜິດຊອບລວມໃນການ ປ້ອງກັນຄວາມສະຫງົບຮຽບຮ້ອຍໃຫ້ແກ່ການເລືອກຕັ້ງສະ ມາຊິກສະພາແຫ່ງຊາດ ຊຸດທີ IX ແລ ສະມາຊິກສະພາປະຊາຊົນ ຂັ້ນແຂວງ ຊຸດທີ II ນີ້ ໃຫ້ມີ ຄວາມຮັບປະກັນ 100 % ນັ້ນ, ເວົ້າລວມ, ເວົ້າສະເພາະ ກອງພັນ 233 ພວກເຮົາ ແມ່ນໄດ້ສ້າງແຜນ ງານສະເພາະ ໃນການຮັກສາ ຄວາມສະຫງົບຢູ່ແຕ່ລະຈຸດທີ່ສໍາ ຄັນ ໃນຂອບເຂດຮັບຜິດຊອບ ພ້ອມທັງໄດ້ມີການປະສານງານ ກັບຄະນະຮັບຜິດຊອບລວມ ແລະ ອໍານາດການປົກຄອງຂັ້ນຕ່າງໆ ໃນການກະກຽມຄວາມພ້ອມ ແຕ່ຫົວທີ ເພື່ອຮັບໃຊ້ວຽກງານ ປ້ອງກັນຄວາມສະຫງົບທັງ ກ່ອນ ແລະ ໃນໄລຍະດຳເນີນ ການເລືອກຕັ້ງ. ພ້ອມກັນນັ້ນ, ກໍໄດ້ມີການກຽມຄວາມພ້ອມ ທາງກຳລັງ, ເຄື່ອງມືຮັບໃຊ້ວິ ຊາສະເພາະ ແລະ ອື່ນໆ ໃນພາ ວະຄົບຖ້ວນ. ຜ່ານການເຄື່ອນໄຫວຕາມພາ ລະບົດບາດ ແລະ ໜ້າທີ່ ທີ່ໄດ້ຮັບ ມອບໝາຍຈາກ ພັກ-ລັດ ຂັ້ນເທິງ ກົມກອງພວກເຮົາໄດ້ປັບປຸງລະ ບົບປະຈຳການຢ່າງເປັນລະບົບ ຄົບຊຸດໂດຍໄດ້ສ້າງແຜນຄາດກະ ກໍລະນີທີ່ຈະເກີດຂຶ້ນ ແລະ ໄດ້ ຈັດຕັ້ງນຳໃຊ້ກຳລັງແບ່ງອອກ ເປັນ 2 ພາກສ່ວນ ຄື: ພາກສ່ວນ ເຮັດໜ້າທີ່ປ້ອງກັນຈຸດປ່ອນ ບັດຕົວຈິງ ແລະ ພາກສ່ວນເຮັດ ໜ້າທີ່ປ້ອງກັນເວນຍາມສາລະ ເວ ພາຍນອກ. ສັງລວມແລ້ວ ຕະຫຼອດ ໄລຍະບັ້ນການເລືອກຕັ້ງຄັ້ງນີ້ ໃນ ຂອບເຂດຕົນຮັບຜິດຊອບແມ່ນ ສາມາດຮັກສາໄດ້ຄວາມສະຫງົບ ປ້ອງໄພ 100 %. ທັງນີ້ ກໍຍ້ອນ ມີຂັ້ນເທິງທີ່ກ່ຽວຂ້ອງຫຼາຍ ພາກສ່ວນໄດ້ເອົາໃຈໃສ່ໃກ້ຊິດ ຕິດແທດ ແລະ ຊີ້ນຳບັນຊາບັນ ດາກຳລັງປ້ອງກັນຊາດ-ປ້ອງ ກັນຄວາມສະຫງົບ ເອົາໃຈໃສ່ ປະຕິບັດໜ້າທີ່ດ້ວຍຄວາມຮັບຜິດ ຊອບສູງ ແລະ ພໍ່ແມ່ປະຊາຊົນ ຊັ້ນຄົນຕ່າງໆ ກໍລ້ວນແຕ່ໄດ້ເປັນ ຫູເປັນຕາຊ່ວຍກັນຕິດຕາມທຸກ ການເຄື່ອນໄຫວຂອງອິດທິກຳ ລັງປໍລະປັກ ແລະ ພວກກຸ່ມຄົນ ບໍ່ຫວັງດີຢ່າງເຂັ້ມແຂງ. ໂດຍ: ໂຊເລ້ ບຸນເຮືອງ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ