ກອງທັບປະຊາຊົນລາວ

ວັນອັງຄານ, ວັນທີ 26 ມັງກອນ 2021



ທະຫານແຂວງສາລະວັນ ມອບເງິນອຸດໜູນໃຫ້ຄອບຄົວພະນັກງານທີ່ເສຍຊີວິດ
ເວລາອອກຂ່າວ: 2021-01-13 20:48:03 | ຜູ້ຂຽນ : | ຈຳນວນຄົນເຂົ້າຊົມ: 21 | ຄວາມນິຍົມ:



ວັນທີ 12 ມັງກອນ 2021 ນີ້, ຢູ່ທີ່ກອງບັນຊາການທະຫານ ແຂວງສາລະວັນ ໄດ້ຈັດພິທີມອບ ເງິນອຸດໝູນ ໃຫ້ແກ່ຄອບຄົວພະ ນັກງານ-ນັກຮົບ ທີ່ເສຍຊີວິດ ຈໍານວນ 7 ສະຫາຍ, ລວມເງິນ ທັງໝົດ 258.145.850 ກີບ, ໂດຍກ່າວມອບຂອງ ສະຫາຍ ພັນໂທ ຈັນທະວົງ ໄຊສົງຄາມກຳມະການຄະນະພັກກອງບັນ ຊາການທະຫານແຂວງ ຮອງ ຫົວໜ້າຫ້ອງການເມືອງ ກອງ ບັນຊາການທະຫານແຂວງສາ ລະວັນ ຜູ້ຊີ້ນຳວຽກງານປະກັນ ສັງຄົມ, ມີພະແນກນະໂຍບາຍ, ພະແນກປະກັນສັງຄົມ, ພະແນກ ພະນັກງານ, ພະແນກກຳລັງພົນ, ຄະນະພັກ-ຄະນະບັນຊາກົມກອງ ແລະ ຄອບຄົວຂອງພະນັກງານ- ນັກຮົບທີ່ເສຍຊີວິດເຂົ້າຮ່ວມ. ສະຫາຍ ພັນໂທ ນາງ ພູວົງ ຈັນທະລັງສີ ຮອງຫົວໜ້າພະແນກ ປະກັນສັງຄົມ ຫ້ອງການເມືອງ ກອງບັນຊາການທະຫານແຂວງ ສາລະວັນ ໄດ້ຂຶ້ນອະທິບາຍຊີ້ແຈ້ງ ກ່ຽວກັບການຄິດໄລ່ເງິນອຸດໜູນ ໃຫ້ພະນັກງານ-ນັກຮົບ ທີ່ເສຍ ຊີວິດ ໂດຍປະຕິບັດຕາມກົດໝາຍ ວ່າດ້ວຍ ການປະກັນສັງຄົມ ສະ ບັບເລກທີ 54 / ສພຊ ລົງວັນທີ 27 ມີຖຸນາ 2018 ແລະ ຂໍ້ຕົກລົງຂອງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ສະ ບັບເລກທີ 2030 / ຮສສ ລົງວັນ ທີ 4 / ພຶດສະພາ 2015 ວ່າດ້ວຍ ການຈັດຕັ້ງປະຕິບັດວຽກງານ ປະກັນສັງຄົມ ຢູ່ກະຊວງປ້ອງກັນ ປະເທດ ໂດຍອີງໃສ່ພາລະບົດ ບາດ, ໜ້າທີ່ການເມືອງຂອງກອງ ທັບປະຊາຊົນລາວ ທີ່ມີການເຄື່ອນ ໄຫວ ເຮັດໜ້າທີ່ຕາມການຈັດຕັ້ງ ຂັ້ນເທິງມອບໝາຍໃຫ້ເພື່ອໃຫ້ ຄອບຄົວຂອງບັນດາ ສະຫາຍພະ ນັກງານ-ນັກຮົບ ທີ່ເສຍຊີວິດໄດ້ ຮັບຮູ້ເຂົ້າໃຈກ່ຽວກັບການປະຕິ ບັດນະໂຍບາຍ ໃຫ້ພະນັກງານ-ນັກ ຮົບໃນກອງທັບປະຊາຊົນລາວ. ໃນໂອກາດກ່າວມອບເງິນ ດັ່ງກ່າວ ສະຫາຍ ພັນໂທ ຈັນທະ ວົງ ໄຊສົງຄາມ ໄດ້ມີຄຳເຫັນໂອ້ ລົມຕໍ່ຄອບຄົວພະນັກງານ-ນັກຮົບທີ່ເສຍຊີວິດໄດ້ຮັບຮູ້ເຂົ້າໃຈ ຕໍ່ແນວທາງນະໂຍບາຍຂອງພັກ- ລັດ ກໍຄືແນວທາງແຜນນະໂຍບາຍ ຂອງກະຊວງປ້ອງກັນປະເທດ ທີ່ມີຕໍ່ນາຍ ແລະ ພົນທະຫານໃນ ກອງທັບປະຊາຊົນລາວ ເວົ້າ ລວມ, ເວົ້າສະເພາະແມ່ນຄວາມ ເປັນຫວ່ງ, ເປັນໃຍຂອງຄະນະ ພັກ-ຄະນະບັນຊາຂອງກອງບັນ ຊາການທະຫານແຂວງສາລະ ວັນທີ່ມີຕໍ່ພະນັກງານ-ນັກຮົບ ທີ່ເສຍຊີວິດ, ເຊິ່ງບັນດາສະຫາຍ ເລົ່ານັ້ນລ້ວນແລ້ວແຕ່ມີບຸນຄຸນ ແລະ ຜົນງານຄຸນງາມດີທີ່ໄດ້ ປະກອບສວ່ນເຂົ້າໃນພະລະກິດ ປະຕິວັດຊາດ, ການປົກປັກຮັກສາ ແລະ ສ້າງສາພັດທະນາປະເທດ ຊາດ ກໍຄືສ້າງກຳລັງໃນກອງທັບ ໃຫ້ມີຄວາມເຂັ້ມແຂງ ແລະ ໜັກ ແໜ້ນ ຕະຫຼອດໄລຍະທີ່ດຳລົງຊີວິດຢູ່ໃນກົມກອງ. ໂດຍ: ຂາວທອງ ໄຊຍະ ທິລາດ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ