ກອງທັບປະຊາຊົນລາວ

ວັນພຸດ, ວັນທີ 20 ມັງກອນ 2021



ເຄື່ອນຍ້າຍອັດຖິຜູ້ທີ່ມີຄຸນງາມຄວາມດີຕໍ່ປະເທດຊາດໄປສະຖິດໄວ້ຢູ່ສຸສານນັກຮົບປະຕິວັດແຫ່ງຊາດ
ເວລາອອກຂ່າວ: 2021-01-10 14:25:32 | ຜູ້ຂຽນ : admin2 | ຈຳນວນຄົນເຂົ້າຊົມ: 44 | ຄວາມນິຍົມ:



ພິທີເຄື່ອນຍ້າຍອັດຖິຂອງ ນາຍທະຫານຂັ້ນສູງ, ວິລະຊົນ ແຫ່ງຊາດ, ນັກຮົບແຂ່ງຂັນແຫ່ງ ຊາດ ແລະ ພະນັກງານປະຕິວັດ ອາວຸໂສ ໄປສະຖິດໄວ້ຢູ່ສຸສານ ນັກຮົບປະຕິວັດແຫ່ງຊາດ ຫຼັກ 24 ໄດ້ຈັດຂຶ້ນຢ່າງສົມກຽດ ໃນ ວັນທີ 8 ມັງກອນ 2021 ນີ້, ໂດຍ ການເຂົ້າຮ່ວມຂອງສະຫາຍ ພົນ ຕີ ສອນທອງ ພົມລາວົງ ກຳມະ ການຄະນະປະຈໍາພັກກະຊວງ, ຮອງຫົວໜ້າກົມໃຫຍ່ການເມືອງ ກອງທັບ, ມີບັນດາສະຫາຍ ຄະ ນະນໍາກົມໃຫຍ່, ຄະນະຮັບຜິດ ຊອບ, ພ້ອມດ້ວຍຄອບຄົວຍາດ ຕິພີ່ນ້ອງຂອງນາຍທະຫານຂັ້ນ ສູງ, ວິລະຊົນແຫ່ງຊາດ, ນັກຮົບ ແຂ່ງຂັນແຫ່ງຊາດ ແລະ ພະນັກ ງານປະຕິວັດອາວຸໂສຜູ້ທີ່ເສຍສະ ຫຼະເລືອດເນື້ອເພື່ອປະເທດຊາດ ເຂົ້າຮ່ວມ. ໂອກາດນີ້, ສະຫາຍ ພົນຈັດ ຕະວາ ສີທາ ດວງມາລາ ກຳມະ ການຄະນະພັກກົມໃຫຍ່ ຫົວໜ້າ ກົມນະໂຍບາຍກົມໃຫຍ່ການ ເມືອງກອງທັບໄດ້ກ່າວສະດຸດີ ວ່າ: ເພື່ອປະຕິບັດຕາມແນວທາງ ນະໂຍບາຍຂອງພັກ-ລັດ ຕໍ່ຜູ້ມີຜົນ ງານ, ຄຸນງາມຄວາມດີຕໍ່ປະເທດ ຊາດ ແລະ ສະແດງເຖິງຄວາມ ຄິດຮອດຄິດເຖິງ, ອາໄລອາວອນ ຂອງຄອບຄົວ, ຍາດຕິພີ່ນ້ອງ, ການຈັດຕັ້ງພັກ-ລັດ ແລະ ປະ ຊາຊົນບັນດາເຜົ່າ, ຕໍ່ບັນດາສະ ຫາຍວິລະ ຊົນແຫ່ງຊາດ, ນັກຮົບ ແຂ່ງຂັນແຫ່ງຊາດ, ນາຍທະຫານ ຂັ້ນສູງ, ພະນັກງານປະຕິວັດອາ ວຸໂສ ທີ່ມີຜົນງານ, ມີຄຸນງາມ ຄວາມດີໃນພາລະກິດຕໍ່ສູ້ປົດ ປ່ອຍຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ທີ່ໄດ້ເສຍຊີວິດໄປແລ້ວນັ້ນ, ກະ ຊວງປ້ອງກັນປະເທດ ພ້ອມດ້ວຍ ຄອບຄົວຍາດຕິພີ່ນ້ອງ ຈຶ່ງໄດ້ຈັດ ພິທີອັນສົມກຽດນີ້ຂຶ້ນ ເພື່ອນຳເອົາ ອັດຖິຂອງບັນດາທ່ານອະດີດ ນາຍ ທະຫານຂັ້ນສູງ, ວິລະຊົນ ແຫ່ງຊາດ, ນັກຮົບແຂ່ງຂັນແຫ່ງ ຊາດ, ພະນັກງານປະຕິວັດອາວຸ ໂສເຫຼົ່ານັ້ນ, ຈາກທີ່ຕັ້ງເດີມມາ ສະຖິດໄວ້ຢູ່ສຸສານນັກຮົບປະຕິ ວັດແຫ່ງຊາດຫຼັກ 24 ຢ່າງສົມ ກຽດເປັນຊຸດທີ 12 ມີຈຳນວນ ທັງໝົດ 33 ອັດຖິ. ໃນນີ້ມີກົມໃຫຍ່ ການເມືອງກອງທັບ 4 ອັດຖິ, ກົມໃຫຍ່ເສນາທິການກອງທັບ 2 ອັດຖິ, ກົມໃຫຍ່ພະລາທິການ ກອງທັບ 3 ອັດຖິ, ກົມໃຫຍ່ເຕັກ ນິກກອງທັບ 1 ອັດຖິ, ກໍາລັງທ້ອງ ຖິ່ນ 1 ອັດຖິ ແລະ ບັນດາກົມກອງ ອ້ອມຂ້າງກຳລັງຫຼວງ 22 ອັດຖິ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ