ກອງທັບປະຊາຊົນລາວ

ວັນສຸກ, ວັນທີ 30 ຕຸລາ 2020



ເຈົ້າແຂວງໄຊຍະບູລີ ເນັ້ນໃຫ້ຄະນະສະຫະພັນນັກຮົບເກົ່າຊຸດໃໝ່ ເອົາໃຈໃສ່ 5 ບັນຫາສຳຄັນ
ເວລາອອກຂ່າວ: 2020-08-07 09:36:32 | ຜູ້ຂຽນ : admin3 | ຈຳນວນຄົນເຂົ້າຊົມ: 35 | ຄວາມນິຍົມ:



ໃນໂອກາດທີ່ ທ່ານ ພົງສະ ຫວັນ ສິດທະວົງ ກໍາມະການສູນ ກາງພັກ ເລຂາພັກແຂວງ ເຈົ້າ ແຂວງໆໄຊຍະບູລີ ໄດ້ໂອ້ລົມຕໍ່ ກອງປະຊຸມໃຫຍ່ຜູ້ແທນສະຫະ ພັນນັກຮົບເກົ່າແຂວງໄຊຍະບູລີ ຄັ້ງທີ IV ໃນວັນທີ 4 ສິງຫາ 2020 ນີ້, ທີ່ຫ້ອງປະຊຸມໃຫຍ່ ເມືອງໄຊຍະບູລີ, ເຊິ່ງທ່ານໄດ້ ເນັ້ນ 5 ບັນຫາສໍາຄັນໃຫ້ຄະນະ ບໍລິຫານງານສະຫະພັນນັກຮົບ ເກົ່າແຂວງໄຊຍະບູລີ ຊຸດໃໝ່ ເອົາໃຈໃສ່ 5 ບັນຫາສຳຄັນດັ່ງ ນີ້: 1. ການສຶກສາອົບຮົມການ ເມືອງ-ແນວຄິດ ເຖິງວ່າໄດ້ເຮັດ ປົກກະຕິຕໍ່ເນື່ອງ ດ້ວຍຫຼາຍຮູບ ຫຼາຍວິທີກໍ່ຕາມແຕ່ການເຊື່ອມ ຊຶມ, ຈັດຕັ້ງຜັນຂະຫຍາຍແນວ ທາງນະໂຍບາຍຂອງພັກ, ລະບຽບກົດໝາຍຂອງລັດ, ມະຕິ, ຄໍາສັ່ງ ແລະ ບັນດາເອກະສານ ສໍາຄັນຂອງຊາດ, ຂອງພັກ ໃຫ້ ຖັນແຖວສະມາຊິກນັກຮົບເກົ່າ ຍັງບໍ່ທັນທົ່ວເຖິງ; ການຊຸກຍູ້ຂະ ບວນການແຂ່ງຂັນ 3 ດີ 6 ຮັກ ສາຂອງນັກຮົບເກົ່າ ບາງເມືອງຍັງບໍ່ທັນມີຂະບວນການຟົດຟື້ນ; ການເກັບກຳຂໍ້ມູນຂ່າວສານ, ຂຽນຂ່າວ, ສົ່ງຂ່າວຍັງເຮັດບໍ່ທັນ ໄດ້ເປັນປົກກະຕິ, 2. ການປັບປຸງ ກົງຈັກການຈັດຕັ້ງສະຫະພັນນັກ ຮົບເກົ່າຢູ່ບາງເມືອງ ຍັງພົບ ຄວາມຫຍຸ້ງຍາກ ແລະ ບໍ່ທັນໄປ ຕາມແຜນການ, 3. ດ້ານວຽກ ງານຕິດຕາມ, ກວດກາ, ຊຸກຍູ້ຊີ້ ນຳຍັງບໍ່ທັນແຂງແຮງ; ການຄົ້ນ ຄວ້າແກ້ໄຂສະພາບປະກົດການ ຫຍໍ້ທໍ້ ແລະ ຄຳສະເໜີ ຂອງພະນັກ ງານ, ສະມາຊິກນັກຮົບເກົ່າບໍ່ທັນ ເດັດຂາດ ແລະ ຊັກຊ້າແກ່ຍາວ, 4. ການປັບປຸງແບບແຜນວິທີເຮັດ ວຽກຂອງຄະນະບໍລິຫານງານ ນັກຮົບເກົ່າບາງຂັ້ນຍັງເຮັດບໍ່ທັນ ໄດ້ດີເປັນຕົ້ນການຫັນເອົາແນວ ທາງ, ມະຕິຄຳສັ່ງມາເປັນແຜນ ການ, ໂຄງການເຂົ້າໃນການຈັດ ຕັ້ງປະຕິບັດຍັງຊັກຊ້າ; ການປະ ຕິບັດລະບອບສ່ອງແສງລາຍ ງານ, ຂໍທິດຊີ້ນຳຈາກຂັ້ນເທິງ ຍັງເຮັດບໍ່ທັນໄດ້ດີເທົ່າທີ່ຄວນ, 5. ການຊີ້ນຳຊຸກຍູ້ວຽກງານແກ້ ໄຂຊີວິດການເປັນຢູ່ບໍ່ທັນແຂງ ແຮງ, ການຜະລິດສ້າງເສດຖະ ກິດຄອບຄົວຂອງຖັນແຖວສະມາຊິກນັກຮົບເກົ່າສ່ວນຫຼາຍ ແມ່ນເຮັດໄດ້ພໍກຸ້ມຢູ່ກຸ້ມກິນ, ຍັງ ບໍ່ທັນຜະລິດເປັນສິນຄ້າ; ການ ສ້າງຕັ້ງ ແລະ ຂະຫຍາຍວຽກ ງານກອງທຶນ ເພື່ອແກ້ໄຂຄວາມ ທຸກຍາກຍັງບໍ່ທັນກວ້າງຂວາງ. ກອງປະຊຸມດັ່ງກ່າວໄດ້ພ້ອມກັນ ຄົ້ນຄວ້າຢ່າງເລິກເຊິ່ງ ແລະ ໄດ້ຮັບຮອງເອົາບົດລາຍງານ ການເມືອງທັງສອງພາກ ແລະ ບົດສໍາຫຼວດການນຳພາລວມ ຂອງຄະນະບໍລິຫານງານສະຫະ ພັນນັກຮົບເກົ່າ, ພ້ອມດຽວກັນກໍ່ ໄດ້ໃຊ້ສິດປະຊາທິປະໄຕ ເພື່ອ ປ່ອນບັດເລືອກຕັ້ງເອົາຄະນະ ບໍລິຫານງານສະຫະພັນນັກຮົບ ເກົ່າຊຸດໃໝ່ ໂດຍມີຜູ້ຮັບສະໝັກ ທັງໝົດ 17 ສະຫາຍ, ຍິງ 1 ສະ ຫາຍ, ເລືອກໄດ້ 15 ສະຫາຍ ຍິງ 1 ສະຫາຍ, ກອງປະຊຸມຄັ້ງປະ ຖົມມະລຶກ ໄດ້ເລືອກເອົາ ສະຫາຍ ພັນໂທ ບຸນເຄນ ບົວລະຄອນ ເປັນ ປະທານສະຫະພັນນັກຮົບເກົ່າ ແຂວງ, ສະຫາຍ ພັນໂທ ນາງ ດວງສີ ກັນທະຍາໂນ ເປັນຮອງ ປະທານສະຫະພັນນັກຮົບເກົ່າ ແລະ ສະຫາຍ ຮ້ອຍເອກ ພົມປັນ ສຸດທິໂວຫານ ເປັນຮອງປະທານ ທັງເປັນປະທານກວດກາສະຫະ ພັນນັກຮົບເກົ່າ, ການເລືອກຕັ້ງໃນ ຄັ້ງນີ້ໄດ້ດຳເນີນໄປຢ່າງມີປະຊາ ທິປະໄຕສະແດງເຖິງສະຕິປັນຍາ ແລະ ຄວາມສາມັກຄີເປັນເອກະ ພາບທີ່ເປັນມູນເຊື້ອອັນດີງາມ ຂອງພັກ, ຂອງສະຫະພັນນັກຮົບ ເກົ່າແຂວງບັນດາສະຫາຍຄະນະ ບໍລິຫານງານຊຸດໃໝ່ຍັງຈະຕ້ອງ ໄດ້ສຸມທຸກສະຕິປັນຍາ, ກຳລັງວັງ ຊາ, ຄວາມສາມັກຄີເປັນຈິດໜຶ່ງ ໃຈດຽວກັນເພື່ອພາລະກິດອັນສູງ ສົ່ງ ແລະ ໜັກໜ່ວງທີ່ກອງປະຊຸມ ໃຫຍ່ຄັ້ງນີ້ມອບໝາຍໃຫ້. ໂດຍ: ອຸ່ນເຮືອນ ໂພທິລັກ






 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ