ກອງທັບປະຊາຊົນລາວ

ວັນພະຫັດ, ວັນທີ 28 ຕຸລາ 2021



ລັດຖະມົນຕີກະຊວງປ້ອງກັນປະເທດຕ້ອນຮັບເອກອັກຄະລັດຖະທູດແຫ່ງ ສປ ຈີນປະຈຳ ສປປ ລາວ ຄົນໃໝ່
ເວລາອອກຂ່າວ: 2018-11-14 21:47:45 | ຜູ້ຂຽນ : ພິດສະໄໝ ສອນວິໄລ | ຈຳນວນຄົນເຂົ້າຊົມ: 8 | ຄວາມນິຍົມ:



ໃນວັນທີ 13 ພະຈິກ 2018 ນີ້, ຢູ່ທີ່ກະຊວງປ້ອງກັນປະເທດ, ທ່ານ ພົນໂທ ຈັນສະໝອນ ຈັນຍາ ລາດ ກຳມະການກົມການເມືອງ ສູນກາງພັກ, ລັດຖະມົນຕີກະຊວງ ປ້ອງກັນປະເທດໄດ້ຕ້ອນຮັບ ການເຂົ້າຢ້ຽມຂໍ່ານັບຂອງທ່ານ ຈຽງ ຈ້າຍ ຕົງ ເອກອັກຄະລັດ ຖະທູດ ວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈໍາ ສປປ ລາວ ຄົນໃໝ່. ທ່ານ ພົນໂທ ຈັນສະໝອນ ຈັນຍາລາດ ໄດ້ກ່າວສະແດງ ຄວາມຕ້ອນຮັບອັນອົບອຸ່ນຕໍ່ທ່ານ ຈຽງ ຈ້າຍ ຕົງ ເອກອັກຄະລັດ ຖະທູດ ສປ ຈີນ ແລະ ຕີລາຄາສູງ ຕໍ່ໝາກຜົນຂອງການພົວພັນ ຮ່ວມມືຊ່ວຍເຫຼືອເຊິ່ງກັນ ແລະ ກັນ ຂອງສອງພັກ ສອງລັດ ສອງ ກອງທັບ ແລະ ປະຊາຊົນສອງ ຊາດ ລາວ-ຈີນ ໃນໄລຍະຜ່ານ ມາ ເຊິ່ງຍາມໃດກໍຢູ່ຄຽງຂ້າງກັນ, ຊ່ວຍເຫຼືອເຊິ່ງກັນ ແລະ ກັນຕະ ຫຼອດມາ, ເປັນຕົ້ນໄດ້ມີການພົວ ພັນຮ່ວມມືຊ່ວຍເຫຼືອ ແລະ ແລກ ປ່ຽນບົດຮຽນຮ່ວມກັນ, ສປ ຈີນ ໄດ້ໃຫ້ການຊ່ວຍເຫຼືອພັດທະນາ ເສດຖະກິດ-ສັງຄົມຂອງ ສປປ ລາວໃນຫຼາຍຂົງເຂດ ໂດຍສະ ເພາະແມ່ນຂົງເຂດວຽກງານພັດ ທະນາຊັບພະຍາກອນມະນຸດ, ການຮ່ວມມືລະຫວ່າງສອງກະ ຊວງປ້ອງກັນປະເທດ ລາວ- ຈີນ ເຊິ່ງໄດ້ກາຍເປັນການປະ ກອບສ່ວນອັນສຳຄັນເຂົ້າໃນ ການປັບປຸງກອງທັບປະຊາຊົນ ລາວໃຫ້ນັບມື້ມີຄວາມໜັກແໜ້ນ ເຂັ້ມແຂງ. ໂອກາດນີ້ທ່ານ ເອກອັກຄະ ລັດຖະທູດ ສປ ຈີນ ຄົນໃໝ່ກໍໄດ້ ກ່າວສະແດງຄວາມຂອບອົກ ຂອບໃຈເປັນຢ່າງສູງຕໍ່ທ່ານລັດ ຖະມົນຕີກະຊວງປ້ອງກັນປະເທດ ທີ່ໄດ້ໃຫ້ການຕ້ອນຮັບອັນອົບອຸຸ່ນ ໃນຄັ້ງນີ້ ພ້ອມທັງໄດ້ທົບທວນ ຄືນເຖິງສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ສອງຊາດ ຈີນ-ລາວ ໃນໄລຍະທີ່ ຜ່ານມາ ເຊິ່ງໄດ້ນຳເອົາຜົນປະ ໂຫຍດ ຕົວຈິງມາ ໃຫ້ແກ່ປະຊາຊົນ ສອງປະເທດ ແລະ ສະແດງ ຄວາມຫວັງວ່າການມາປະຕິບັດ ໜ້າທີ່ການທູດຢູ່ ສປປ ລາວ ໃນ ຄັ້ງນີ້ຈະສືບຕໍ່ເຮັດໃຫ້ສາຍພົວພັນ ມິດຕະພາບ ແລະ ການຮ່ວມມື ຂອງສອງປະເທດມີຄວາມແໜ້ນ ແຟ້ນ ແລະ ຂະຫຍາຍຕົວຂຶ້ນກວ່າ ເກົ່າ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ