ກອງທັບປະຊາຊົນລາວ

ວັນຈັນ, ວັນທີ 18 ມັງກອນ 2021



ສະຖາບັນອະນາໄມກັນພະຍາດ ແລະ ສົ່ງເສີມສູຂະພາບກອງທັບປາຖະກະຖາມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ
ເວລາອອກຂ່າວ: 2018-11-14 08:49:16 | ຜູ້ຂຽນ : ພິດສະໄໝ ສອນວິໄລ | ຈຳນວນຄົນເຂົ້າຊົມ: 22 | ຄວາມນິຍົມ:



ວັນທີ 8 ພະຈິກ 2018 ນີ້, ທີ່ ສະໂມສອນສະຖາບັນອະນາໄມ ກັນພະຍາດ ແລະ ສົ່ງເສີມສຸຂະ ພາບກອງທັບໄດ້ຈັດຕັ້ງປາຖະ ກະຖາຫວນຄືນມູນເຊື້ອວັນສ້າງ ຕັ້ງກອງທັບ ປະຊາຊົນລາວ ຄົບ ຮອບ 70 ປີ (20/01/1949- 20/01/2019 ) ໂດຍການເປັນ ປະທານ ແລະ ປາຖະກະຖາ ຂອງທ່ານ ພົນຈັດຕະວາ ຄໍາເພັດ ສີຊານົນ ກໍາມະການຄະນະພັກ ກະຊວງປ້ອງກັນປະເທດ, ຮອງ ຫົວໜ້າກົມໃຫຍ່ພະລາທິການ ກອງທັບ, ມີບັນດາສະຫາຍໃນ ຄະນະພັກ-ຄະນະບັນຊາ, ພະນັກ ງານ-ນັກຮົບພາຍໃນກົມກອງ ເຂົ້າຮ່ວມ . ທ່ານ ພົນຈັດຕະວາ ຄໍາເພັດ ສີຊານົນ ໄດ້ຍົກໃຫ້ເຫັນປະຫວັດ ມູນເຊື້ອແຫ່ງການກໍາເນີດ, ສູ້ຮົບ ມີໄຊ ແລະ ເຕີບໃຫຍ່ຂະຫຍາຍ ຕົວຂອງກອງທັບປະຊາຊົນລາວ ໃນຕະຫຼອດໄລຍະ 70 ປີຜ່ານມາ ໂດຍສະເພາະແມ່ນໃນໄລຍະ ເງຶ່ອນໄຂສະພາບແວດລ້ອມທີ່ພາ ໃຫ້ກໍາເນີດເກີດຂຶ້ນຂອງກອງທັບ ປະຊາຊົນລາວ, ການຕໍ່ສູ້ກູ້ຊາດ ຕ້ານກັບຈັກກະພັດຜູ້ຮຸກຮານທັງ ເກົ່າ ແລະ ໃໝ່ເປັນເວລາຍືດເຍື້ອ ຍາວນານຜ່ານຜ່າອຸປະສັກນາໆ ປະການຢ່າງລະອິດລະອ້ຽວ ຂ້ຽວຂາດ, ເສຍສະຫຼະທັງຊີວິດ ແລະ ເລືອດເນື້ອເຫື່ອໄຄ ທຸກສິ່ງ ທຸກຢ່າງແມ່ນເພື່ອອຸທິດໃຫ້ແກ່ ການກອບກູ້ເອົາປະເທດຊາດ ແລະ ປົດປ່ອຍປະຊາຊົນອອກ ຈາກແອກປົກຄອງຂອງຈັກກະ ພັດຜູ້ຮຸກຮານ,ນໍາເອົາຄວາມ ເປັນເອກະລາດ,ອິດສະຫຼະພາບ, ຄວາມຢູ່ດີກິນດີມາສູ່ປະເທດຊາດ ແລະ ປະຊາຊົນລາວບັນດາເຜົ່າ, ທັງປຸກລຸກຂົນຂວາຍ, ນໍາພາປະ ຊາຊົນລາວບັນດາເຜົ່າລຸກຮຶ້ຂຶ້ນຕໍ່ ສູ້ທັງປັບປຸງກໍ່ສ້າງຂະຫຍາຍກໍາ ລັງໃຫ້ເຕີບໃຫຍ່ເຂັ້ມແຂງສູ້ຮົບມີ ໄຊເປັນແຕ່ລະໄລຍະຈົນກ້າວໄປ ສູ່ການປົດປ່ອຍປະເທດຊາດຢ່າງ ສົມບູນໃນປີ 1975, ກອງທັບ ປະຊາຊົນລາວ ໄດ້ຍົກສູງຄວາມ ເປັນເຈົ້າການປັບປຸງກໍ່ສ້າງກໍາ ລັງໃຫ້ເຕີບໃຫຍ່ເຂັ້ມແຂງ ແລະ ມີຄວາມທັນສະໄໝ, ນໍາພາປະ ຊາຊົນລາວບັນດາເຜົ່າປົກປັກຮັກ ສາ ແລະ ບູລະນະສ້າງສາພັດທະ ນາປະເທດຊາດໃຫ້ມີຄວາມຈະ ເລີນຮັ່ງມີ, ເຂັ້ມແຂງເປັນກ້າວໆ ມາ. ທັງນີ້ກໍເພື່ອແນໃສ່ເຮັດໃຫ້ ບັນດາຜູ້ສືບຖອດຄົນຮຸ່ນຫຼັງລະ ນຶກຄືນວິລະກໍາອັນລໍ້າເລີດ, ຜົນ ງານ ແລະ ໄຊຊະນະອັນຍິ່ງ ໃຫຍ່ຂອງກອງທັບປະຊາຊົນ ລາວ, ຈົດຈໍາມູນເຊື້ອອັນດີງາມ ດັ່ງກ່າວ, ພ້ອມກັນສ້າງກອງ ທັບ ໃຫ້ເປັນທີ່ເພິ່ງ ແລະ ໄວ້ເນື້ອເຊື່ອ ໃຈກາຍເປັນແວ່ນແຍງໃສ່ແຈ້ງ ໃຫ້ແກ່ປະຊາຊົນລາວບັນດາເຜົ່າ. ໂດຍ: ອ້ອຍພັນ ແພງບຸນມີ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ