ກອງທັບປະຊາຊົນລາວ

ວັນພຸດ, ວັນທີ 08 ທັນວາ 2021



ມື້ນີ້ກວດພົບຜູ້ຕິດເຊືື້ອໃໝ່ 1.336 ຄົນ (ຕິດເຊື້ອພາຍໃນ ມີ 1.330 ຄົນ ແລະ ນໍາເຂົ້າ 06 ຄົນ)
ເວລາອອກຂ່າວ: 2021-11-24 12:45:51 | ຜູ້ຂຽນ : admin1 | ຈຳນວນຄົນເຂົ້າຊົມ: 409 | ຄວາມນິຍົມ:



ວັນທີ 24 ພະຈິກ ປີ 2021 ນີ້, ໂດຍໄດ້ຮັບການມອບໝາຍຈາກ ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄການລະບາດພະຍາດໂຄວິດ-19, ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ລາຍງານໃຫ້ຮັບຊາບ ກ່ຽວກັບສະພາບການລະບາດຂອງພະຍາດ COVID-19 ຢູ່ ສປປ ລາວ ມາຮອດວັນທີ 23 ພະຈິກ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 6.489 ຕົວຢ່າງ, ໃນນັ້ນ ກວດພົບຜູ້ຕິດເຊືື້ອໃໝ່ 1.336 ຄົນ (ຕິດເຊື້ອພາຍໃນ ມີ 1.330 ຄົນ ແລະ ຕິດເຊື້ອນໍາເຂົ້າ 06 ຄົນ). ຂໍ້ມູນໂດຍຫຍໍ້ກ່ຽວກັບການຕິດເຊືື້ອພາຍໃນໃໝ່ ທັງໝົດ 1.330 ຄົນ ຈາກ 18 ແຂວງ ເຊີ່ງຈະລຽງລຳດັບຈາກແຂວງທີ່ມີກໍລະນີຫຼາຍຫາໜ້ອຍ ເຊິ່ງມີລາຍລະອຽດ ດັ່ງນີ້: 1. ນະຄອນຫຼວງ 712 ຄົນ ໃນ 146 ບ້ານ ແລະ 8 ເມືອງ: ເມືອງຈັນທະບູລີ 67 ຄົນ ຈາກ 25 ບ້ານ, ເມືອງສີໂຄດຕະບອງ 165 ຄົນ ຈາກ 42 ບ້ານ, ເມືອງໄຊເສດຖາ 144 ຄົນ ຈາກ 42 ບ້ານ, ເມືອງສີສັດຕະນາກ 105 ຄົນ ຈາກ 26 ບ້ານ, ເມືອງນາຊາຍທອງ 29 ຄົນ ຈາກ 13 ບ້ານ, ເມືອງໄຊທານີ 117 ຄົນ ຈາກ 37 ບ້ານ, ເມືອງຫາດຊາຍຟອງ 55 ຄົນ ຈາກ 24 ບ້ານ, ເມືອງສັງທອງ 1 ຄົນ ຈາກ 1 ບ້ານ, ຕ່າງແຂວງ 3 ຄົນ, ເຫຼືອນັ້ນ ກຳລັງສືບຕໍ່ເອົາຂໍ້ມູນ. 2. ຜົ້ງສາລີ ມີ 137 ຄົນ ໃນ 8 ບ້ານ ແລະ 5 ເມືອງ. 3. ຫຼວງພະບາງ ມີ 93 ຄົນ ໃນ 35 ບ້ານ ແລະ 10 ເມືອງ. 4. ຈຳປາສັກ ມີ 65 ຄົນ ໃນ 33 ບ້ານ ແລະ 7 ເມືອງ. 5. ສະຫວັນນະເຂດ ມີ 62 ຄົນ ໃນ 27 ບ້ານ ແລະ 8 ເມືອງ. 6. ແຂວງວຽງຈັນ ມີ 58 ຄົນ ໃນ 35 ບ້ານ ແລະ 8 ເມືອງ. 7. ບໍ່ແກ້ວ ມີ 44 ຄົນ ໃນ 22 ບ້ານ ແລະ 2 ເມືອງ. 8. ບໍລິຄຳໄຊ ມີ 40 ຄົນ ໃນ 22 ບ້ານ ແລະ 5 ເມືອງ. 9. ໄຊຍະບູລີ ມີ 31 ຄົນ ໃນ 10 ບ້ານ ແລະ 2 ເມືອງ. 10. ອຸດົມໄຊ ມີ 19 ຄົນ ໃນ 9 ບ້ານ ແລະ 2 ເມືອງ. 11. ຫົວພັນ ມີ 18 ຄົນ ໃນ 12 ບ້ານ ແລະ 4 ເມືອງ. 12. ສາລະວັນ ມີ 18 ຄົນ ໃນ 9 ບ້ານ ແລະ 3 ເມືອງ. 13. ອັດຕະປື 11 ຄົນ ໃນ 6 ບ້ານ ແລະ 1 ເມືອງ. 14. ຫຼວງນ້ຳທາ ມີ 9 ຄົນ, ໃນ 5 ບ້ານ ແລະ 1 ເມືອງ. 15. ຄຳມ່ວນ ມີ 4 ຄົນ ໃນ 4 ບ້ານ ແລະ 2 ເມືອງ. 16. ເຊກອງ ມີ 4 ຄົນ ໃນ 4 ບ້ານ ແລະ 3 ເມືອງ. 17. ໄຊສົມບູນ ມີ 3 ຄົນ ໃນ 3 ບ້ານ ແລະ 2 ເມືອງ. 18. ຊຽງຂວາງ ມີ 2 ຄົນ ໃນ 2 ບ້ານ ແລະ 1 ເມືອງ. ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດມີຈໍານວນ 6 ຄົນ ຈາກ ສະຫວັນນະເຂດ 2 ແລະ ນະຄອນ ຫຼວງ 04 ຄົນ ເຊິ່ງທັງໝົດໄດ້ຖືກເກັບຕົວຢ່າງ ແລະ ສົ່ງໄປຈໍາກັດບໍລິເວນຢູ່ສູນຈໍາກັດບໍລິເວນ. ເມື່ອຜົນກວດເປັນບວກ ພວກກ່ຽວໄດ້ຖືກນຳສົ່ງໄປສະຖານທີ່ປິ່ນປົວທີ່ກໍານົດໄວ້. ມາຮອດວັນທີ 24 ພະຈິກ 2021 ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 65,818 ຄົນ, ເສຍຊີວິດສະສົມ 142 ຄົນ (ໃໝ່ 05), ປິ່ນປົວຫາຍດີ ແລະ ກັບບ້ານໃນມື້ວານ ມີ 903 ຄົນ ແລະ ກໍາລັງປິ່ນປົວ 11.028  ລາຍລະອຽດຜູ້ເສຍຊີວິດໃໝ່ 05 ຄົນ ມີດັ່ງນີ້: ຜູ້ທີ 1). ເພດຊາຍ, ອາຍຸ 32 ປີ, ອາຊີບ ກຳມະກອນ, ບ້ານສີຫອມ, ເມືອງຈັນທະບູລີ, ນະຄອນຫລວງ. - ປະຫັວດພະຍາດປະຈໍາຕົວ: ຄົນເຈັບຜ່ານມາແຂງແຮງດີ ແຕ່ສູບຢາປະຈຳ - ຂໍ້ມູນສັກຢາວັກຊີນ (ສອບຖາມຄືນ) - ວັນທີ່ 09 ພະຈິກ 2021: ລົດຕໍາຜູ້ກ່ຽວ ແລ້ວໄດ້ເຂົ້າມານອນປີ່ນປົວ ຢູ່ພະແນກ ICU ຂອງໂຮງໝໍມິດຕະພາບ ແລ້ວຄົນເຈັບ ໄດ້ແຍ່ທໍ່ຊ່ວຍຫາຍໃຈ - ວັນທີ 10 ພະຈິກ 2021: ເກັບຕົວຢ່່າງມາກວດຊອກຫາພະຍາດໂຄວິດ-19 ດ້ວຍ Gene x-pert ຢູ່ໂຮງໝໍມິດຕະພາບ ແລະ ພົບກວດພົບເຊື້ອ, ຄົນນເຈັບຢູ່ໃນອາການ Coma ແຍ່ທໍ່ຊ່ວຍຫາຍໃຈ - ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ່ 10-23 ພະຈິກ 2021, ເປັນເວລາ 14 ວັນ - ເວລາ 10:18 ນາທີ່ ຂອງວັນທີ່ 23 ະຈິກ 2021: ຄົນເຈັບ ໄດ້ເສຍຊີວິດ ຜູ້ທີ 2). ເພດຍິງ, ອາຍຸ 70 ປີ, ອາຊີບ: ຜູ້ເຖົ້າ, ບ້ານໂຊກຄຳ, ເມືອງໄຊເສດຖາ, ນະຄອນຫລວງ - ປະຫວັດພະຍາດປະຈໍາຕົວ: ເປັນພະຍາດໄຂ່ຫລັງຊຸດໂຊມ ແຕ່ປີ 2018 ໄດ້ຟອກໄຂ່ຫລັງ 2-3ເທື່ອ/ອາທິດ, - ຍັງບໍ່ທັນໄດ້ຮັບການສັກຢາວັກຊີນ - ວັນທີ 18 ພະຈິກ 2021: ຄົນເຈັບອິດເມື່ອຍ, ກິນຫຍັງກໍ່ຮາກ ແລ້ວມາກວດຢູ່ສຸກເສີນຂອງໂຮງໝໍມິດຕະພາບ ພ້ອມທັງເກັບຕົວຢ່່າງມາກວດຊອກຫາພະຍາດໂຄວິດ-19 ດ້ວຍ Ag RDT ແມ່ນພົບເຊື້ອ ແລ້ວຮັບເຂົ້ານອນປີ່ນປົວຢູ່ໂຮງຫມໍມິດຕະພາບ - ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 18-23 ພະຈິກ 2021, ເປັນເວລາ 06 ວັນ - ມາຮອດເວລາ 15:48 ນາທີຂອງວັນທີ່ 23 ພະຈິກ 2021: ຄົນເຈັບ ໄດ້ເສຍຊີວິດ ຜູ້ທີ 3). ລະຫັດກໍລະນີຕິດເຊື້ອ 61284: ເພດຊາຍ, ອາຍຸ 23 ປີ, ອາຊີບ: ກໍາມະກອນ, ບ້ານທົ່ງປົ່ງ, ເມືອງສີໂຄດຕະບອງ, ນະຄອນຫຼວງວຽງຈັນ - ພະຍາດຜ່ານມາ: ບໍ່ເຄີຍກວດ - ຍັງບໍ່ທັນໄດ້ສັກຢາວັກຊີນ - ວັນທີ 21 ພະຈິກ 2021: ເກັບຕົວຢ່່າງມາກວດຊອກຫາພະຍາດໂຄວິດ-19 ດ້ວຍ Gene x-pert ຢູ່ພະແນກສຸກເສີນຂອງໂຮງໝໍມະໂຫສົດ ແລະ ພົບກວດພົບເຊື້ອ, ຜ່ານການຕິດຕາມເປັນເວລາ 01 ຄືນ ຂອງວັນທີ 21 ພະຈິກ 2021 ຢູ່ໂຮງໝໍມະໂຫສົດ ຊື່ງຄົນເຈັບຢູ່ໃນສະພາບສະຕິບໍ່ດີ ແລະ ໄດ້ພົວພັນເພື່ອສົ່ງຄົນເຈັບ ມາປິ່ນປົວຢູ່ໂຮງໝໍມິດຕະພາບ - ຕອນເວລາ 20:10 ນາທີ ຂອງວັນທີ່ 22 ພະຈິກ 2021: ໄດ້ຮັບຄົນເຈັບທີ່ສົ່ງມາແຕ່ໂຮງໝໍມະໂຫສົດ ແລະ ຄົນເຈັບມາຮອດໂຮງໝໍມິດຕະພາບ ມີອາການຄົນເຈັບບໍ່ໄດ້ສະຕິ (SGC=1+2+1), ສະພາບຮ່າງກາຍກ່ຳແຫຼ້, ໜ່ວຍຕາທັງສອງດູນອອກມາ, TA: 110/70, P:151, T: 38.5, RR: 62, SO2: 50% on Mask oxygen - ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 22-23 ພະຈິກ 2021, ເປັນເວລາ 02 ວັນ - ມາຮອດເວລາ 03:28 ນາທີຂອງວັນທີ່ 23 ພະຈິກ 2021: ຄົນເຈັບ ໄດ້ເສຍຊີວິດ ຜູ້ທີ 4). ເພດຊາຍ, ອາຍຸ 47 ປີ, ບ້ານນໍ້າຫຸມ, ເມືອງນາຊາຍທອງດ ນະຄອນຫລວງ - ພະຍາດປະຈໍາຕົວ: ເບົາຫວານ ມາໄດ້ 07 ປີ ຕິດຕາມປີ່ນປົວນໍາຄຼີນິກ ແລະ ຄວາມດັນເລືອດສູງ ແຕ່ກິນຢາບໍ່ປົກກະຕິ - ໄດ້ສັກຢາວັກຊີນ J&J - ວັນທີ 18 ພະຈິກ 2021: ຜົນກວດພົບເຊື້ອພະຍາດໂຄວິດ-19 ແລ້ວ ໄດ້ເຂົ້າມາປີ່ນປົວ ຢູ່ສູນສີໄຄ - ມາຮອດວັນທີ 22 ພະຈິກ 2021: ຄົນເຈັບມີອາການອິດເມື່ອຍ, ແໜ້ນໜ້າເອີກ, ມີອາການໄອແກມເລືອດອອກມາ ແລະ ຫາຍໃຈຫອບ ແລະ ເວລາ 21:00 ໂມງ ຂອງມື້ດຽວກັນ ໄດ້ມາຮອດໂຮງໝໍເສດຖາທິລາດ ດ້ວຍອາການອິດເມື່ອຍ, ຫາຍໃຈຫອບ, ຈືດມ້ານ, ກໍາແຫລ້ ແລະ ອົກຊີໃນເລືອດ 59% - ມາຮອດເວລາ 9:00ໂມງ ຂອງວັນທີ 23 ພະຈິກ 2021: ຄົນເຈັບໄດ້ເສຍຊີວິດ ແລະ ລວມການປີ່ນປົວ ໄດ້ 12 ຊົ່ວໂມງ ຜຸ້ທີ 5). ເພດຊາຍ, ອາຍຸ 72 ປີ, ບ້ານນາຄູນ, ເມືອງນາຊາຍທອງດ ນະຄອນຫລວງ - ພະຍາດປະຈໍາຕົວ: ເບົາຫວານ, ຄວາມດັນເລືອດສູງ ແລະ ໄຂ່ຫຼັງຊຸດໂຊມ - ບໍ່ໄດ້ສັກຢາວັກຊີນ - ວັນທີ 19 ພະຈິກ 2021: ຄົນເຈັບ ໄດ້ມາກວດຢູ່ໂຮງໝໍ 103 ດ້ວຍອາການໄອ, ແໜ້ນໜ້າເອີກ ແລະ ຫາຍໃຈຝຶດ ພ້ອມທັງເກັບຕົວຢ່າງມາກວດພົບເຊື້ອພະຍາດໂຄວິດ-19 ແລະ ຜົນກວດພົບເຊື້ອ ແລ້ວ ໄດ້ເຂົ້ານອນປີ່ນປົວ ຢູ່ໂຮງໝໍ 103 - ໄລຍະເວລານອນປີ່ນປົວ ຢູ່ໂຮງໝໍດັ່ງກ່າວ ແຕ່ວັນທີ 19-23 ພະຈິກ 2021, ເປັນເວລາ 05 ມື້ - ມາຮອດເວລາ 17:30 ໂມງຂອງວັນທີ 23 ພະຈິກ 2021: ຄົນເຈັບ ໄດ້ເສຍຊີວິດ ຂໍສະແດງຄວາມເສຍໃຈນຳຄອບຄົວຜູ້ທີ່ເສຍຊີວິດ ມານະທີ່ນີ້ດ້ວຍ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ