ກອງທັບປະຊາຊົນລາວ

ວັນພຸດ, ວັນທີ 27 ຕຸລາ 2021



ຜົນສຳເລັດກອງຊຸມໃຫຍ່ ຄັ້ງທີ VIII ຂອງໜ່ວຍພັກໂຮງຮຽນທະຫານທ້ອງຖິ່ນແຂວງອຸດົມໄຊ
ເວລາອອກຂ່າວ: 2021-10-14 10:25:17 | ຜູ້ຂຽນ : admin2 | ຈຳນວນຄົນເຂົ້າຊົມ: 9 | ຄວາມນິຍົມ:



ກອງປະຊຸມໃຫຍ່ຄັ້ງທີ VIII ຂອງໜ່ວຍພັກໂຮງຮຽນທະຫານທ້ອງຖິ່ນແຂວງອຸດົມໄຊ ໄດ້ຈັດຂຶ້ນໃນຕອນວັນທີ 12 ຕຸລາ 2021, ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ຄຳຢີນ ແສງສຸລີ ກຳມະການພັກແຂວງ ເລຂາພັກ ຫົວໜ້າການເມືອງກອງບັນຊາກການທະຫານແຂວງ ມີຄະນະພັກ-ຄະນະບັນຊາ ພະແນກການກ່ຽວຂ້ອງ ແຂກເຊີນ ແລະພະນັກງານສະມາຊິກພັກ ສົມບູນສຳຮອງເຂົ້າຮ່ວມ.     ກອງປະຊຸມໃຫຍ່ ຄັ້ງທີ VIII ຂອງໜ່ວຍພັກໂຮງຮຽນທະຫານທ້ອງຖິ່ນແຂວງອຸດົມໄຊ ໄດ້ຮັບຮອງເອົາບົດລາຍງານການເມືອງທັງ 2 ພາກແລະ ບົດສໍາຫຼວດການນໍາພາຂອງຄະນະພັກຊຸດເກົ່າ, ແລະໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ ແລະສາເຫດ, ບົດຮຽນໃນການນຳພາ-ຊີ້ນຳ ແລະ ການຈັດຕັ້ງປະຕິບັດມະຕິຂອງກອງປະຊຸມໃຫຍ່ໃນຊຸມປີຜ່ານມາ, ພ້ອມນີ້ກອງປະຊຸມຍັງໄດ້ເປັນເອກະສັນຮັບຮອງເອົາທິດທາງແຜນການ 5 ປີ ຕໍ່ໜ້າ ນັບແຕ່ປີ 2021 ຮອດປີ 2026, ຈະ ສູ້ຊົນເຮັດໃຫ້ກົມກອງມີສະຖຽນລະພາບທາງດ້ານການເມືອງຢ່າງໜັກແໜ້ນ, ສຸ່ມໃສ່ຫັນເອົາກຳລັງລົງສູ່ຮາກຖານຢ່າງແຂງແຮງ ຮັບປະກັນບໍລິເວນກົມກອງຕັ້ງທັບໃຫ້ມີຄວາມສະຫງົບປອດໄພ ມີຄວາມເປັນລະບຽບຮຽບຮ້ອຍ ສ້າງຄວາມສະດວກເອື້ອອຳນວຍໃຫ້ແກ່ການພັດທະນາ-ເສດຖະກິດສັງຄົມຂອບເຂດກົມກອງຮັບຜິດຊອບ, ສຸມໃສ່ປັບປຸງກໍ່ສ້າງກຳລັງໃຫ້ມີຄວາມໜັກແໜ້ນເຂັ້ມແຂງຮອບດ້ານໃຫ້ສົມກັບເປັນກຳລັງແຂງແກ່ນຂອງພັກ, ຂອງປະເທດຊາດ, ຕັ້ງໜ້າປັບປຸງກໍ່ສ້າງພັກ-ພະນັກງານ, ເສີມຂະຫຍາຍມູນເຊື້ອດຸໝັ່ນ ບົນຈິດໃຈເພິ່ງຕົນເອງ ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ ແນໃສ່ເຮັດໃຫ້ຊີວິດການເປັນຢູ່ຂອງພະນັກງານ-ນັກຮົບນັບມື້ໄດ້ຮັບການຍົກສູງຂື້ນ ເພື່ອຮັບປະກັນໃຫ້ແກ່ການເຄື່ອນໄຫວເຮັດໜ້າທີ່ການເມືອງທີ່ພັກ-ລັດ, ປະຊາຊົນມອບໝາຍໃຫ້.    ໃນໂອກາດດຽວກັນນີ້ຜູ້ແທນກອງປະຊຸມໄດ້ໃຊ້ສິດປະຊາທິປະໄຕຂອງຕົນ ປ່ອນບັດເລືອກເອົາຄະນະພັກຊຸດໃໝ່. ກອງປະຊຸມຄັ້ງປະຖົມມະລຶກໄດ້ເຫັນດີເປັນເອກະສັນເລືອກເອົາ ສະຫາຍ ພັນຕີ ຄຳໄຊ ໄຊຍະຄຳ ເປັນເລຂາໜ່ວຍພັກ ,ສະຫາຍ ພັນໂທ ສົມພອນ ອຸ່ນຄຳທິບ ເປັນຮອງເລຂາ, ສະຫາຍ ພັນໂທ ສີວົງໄຊ ມະນີໄຊ ເປັນປະທານກວດກາ, ສະຫາຍ ພັນໂທ ບຸນປອນ ໄຊຈະເລີນ, ສະຫາຍ ພັນຕີ ບຸນຊື່ນ ແກ້ວປະເສີດ, ສະຫາຍ ພັນຕີ ພອນແກ້ວ ດາລາເພັດ ແລະ ສະຫາຍ ພັນຕີ ຄຳວັນ ໄຊຍະແສງ ເປັນຄະນະ. ກອງປະຊຸມ ໄດ້ຮັບຟັງການໂອ້ລົມຂອງ ສະຫາຍ ພົນຈັດຕະວາ ຄຳຢີນ ແສງສຸລີ  ເຊິ່ງສະຫາຍໄດ້ກ່າວສະແດງ ຄວາມຍ້ອງຍໍຊົມເຊີຍ ພ້ອມທັງເນັ້ນໜັກໃຫ້ສືບຕໍ່ສຶກສາອົບຮົມການເມືອງແນວຄິດເຮັດໃຫ້ພະນັກງານສະມາຊິກພັກ ນັກຮົບມີຄຸນທາດການເມືອງໜັກແໜ້ນ ມີຄວາມຮູ້ ຄວາມສາມາດ ​ມີຄວາມກ້າວໜ້າ ກຳແໜ້ນບັນດາຫຼັກການ ນິຕິກຳ ແນວທາງຂອງພັກ ໃຫ້ໜັກແໜ້ນ ເອົາໃຈໃສ່ຈັດຕັ້ງປະຕິບັດໜ້າທີ່ການເມືອງຂອງຕົນໃຫ້ດີ ຍົກສູງສະຕິລະວັງຕົວກຽມພ້ອມຕະຫຼອດເວລາ ປັບປຸງແບບແຜນວິທີເຮັດວຽກຕາມຫຼັກການຂອງພັກ ເພີ່ມທະວີຄວາມສາມັກຄີພາຍໃນໃຫ້ໜັກແໜ້ນ ພ້ອມກັນນຳເອົາທິດທາງແຜນການໄປຈັດຕັ້ງປະຕິບັດໃຫ້ປະກົດຜົນເປັນຈິງ. ໂດຍ: ທະນູວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ