ກອງທັບປະຊາຊົນລາວ

ວັນພຸດ, ວັນທີ 27 ຕຸລາ 2021



ປຶກສາຫາລືການແບ່ງຄວາມຮັບຜິດຊອບປ່າສະຫງວນແຫ່ງຊາດພູເຂົາຄວາຍ ແລະ ພູພະນັງ
ເວລາອອກຂ່າວ: 2021-10-13 14:39:12 | ຜູ້ຂຽນ : admin1 | ຈຳນວນຄົນເຂົ້າຊົມ: 8 | ຄວາມນິຍົມ:



ວັນທີ 13 ຕຸລາ 2021 ນີ້, ຢູ່ທີ່ສະໂມສອນກະຊວງກະສິກຳ ແລະ ປ່າໄມ້ ໄດ້ຈັດກອງປະຊຸມປຶກສາຫາລືກ່ຽວກັບການແບ່ງຄວາມຮັບຜິດຊອບການຄຸ້ມຄອງປ່າສະຫງວນແຫ່ງຊາດພູເຂົາຄວາຍ ແລະ ປ່າສະຫງວນແຫ່ງຊາດພູພະນັງ ລະຫວ່າງກະຊວງກະສິກຳ ແລະ ປ່າໄມ້ ແລະ ກະຊວງປ້ອງກັນປະເທດ ໂດຍການເປັນປະທານຮ່ວມຂອງທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ແລະ ທ່ານ ພົນຕີ ປອ ວົງຄຳ ພົມມະກອນ ຮອງລັດຖະມົນຕີກະຊວງປ້ອງກັນປະເທດ, ມີບັນດາກົມທີ່ກ່ຽວຂ້ອງຂອງສອງກະຊວງ ແລະ ຫ້ອງວ່າການສຳນັກງານນາຍົກ, ຕະຫຼອດຮອດຜູ້ເຂົ້າຮ່ວມກອງປະຊຸມຜ່ານລະບົບທາງໄກຂັ້ນສູນກາງ ແລະ ທ້ອງຖີ່ນເຂົ້າຮ່ວມ. ກອງປະຊຸມໃນຄັ້ງນີ້, ສອງກະຊວງໄດ້ຜັດປ່ຽນກັນຂຶ້ນນຳສະເໜີສະພາບລວມ, ຂໍ້ຄົງຄ້າງ, ສິ່ງທ້າທາຍ ໃນການຄຸ້ມຄອງ ແລະ ການສະກັດກັ້ນການບຸກລຸກປ່າສະຫງວນແຫ່ງຊາດພູພະນັງ-ພູເຂົາຄວາຍໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ. ຈາກນັ້ນ, ກໍໄດ້ຜ່ານຮ່າງບົດບັນທຶກການແບ່ງຄວາມຮັບຜິດຊອບລະຫວ່າງ 2 ກະຊວງ ແລະ ພ້ອມກັນປຶກສາຫາລື, ມີຄຳເຫັນໃສ່ຮ່າງບົດບັນທຶກໃຫ້ມີເນື້ອໃນລະອຽດ ແລະ ຖືກຕ້ອງກັບໜ້າທີ່ບົດບາດຂອງກະຊວງກະສິກຳ ແລະ ປ່າໄມ້ ແລະ ກະຊວງປ້ອງກັນປະເທດ ໃນການຄຸ້ມຄອງປ່າສະຫງວນສອງແຫ່ງດັ່ງກ່າວໃຫ້ເປັນເອກະພາບກັນ ເພຶ່ອໃຫ້ຖືກຕ້ອງຕາມລະບຽບການ ແລະ ເປັນການຍົກສູງ ປະສິດທິຜົນໃນການຄຸ້ມຄອງ ແລະປົກປັກຮັກສາ ປ່າໄມ້ໃນເຂດດັ່ງກ່າວໃຫ້ດີຂຶ້ນກວ່າເກົ່າ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ