ກອງທັບປະຊາຊົນລາວ
 
ວັນສຸກ, ວັນທີ 29 ມີນາ 2024

  

ກວດພົບຜູ້ຕິດເຊື້ອໃໝ່ ທັງໝົດ 127 ຄົນ ຕິດເຊື້ອໃນຊຸມຊົນ 54 ຄົນ
ເວລາອອກຂ່າວ: 2021-09-14 14:54:21 | ຜູ້ຂຽນ : admin2 | ຈຳນວນຄົນເຂົ້າຊົມ: 296 | ຄວາມນິຍົມ:



ອີງຕາມການ ດຣ. ລັດສະໝີ ວົງຄໍາຊາວ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຖະແຫຼງຂ່າວ ກ່ຽວກັບ ສະພາບໂຄວິດ-19 ຢູ່ ສປປ ລາວ, ໃນທົ່ວໂລກ ແລະ ບາງຂໍ້ແນະນຳເພິ່ມເຕີມ ປະຈໍາວັນທີ 14 ກັນຍາ 2021 ໃຫ້ຮູ້ວ່າ: ສະພາບການລະບາດພະຍາດໂຄວິດ-19 ຢູ່ ສປປ ລາວ, ມາຮອດວັນທີ 13 ກັນຍາ 2021,ໄດ້ກວດວິເຄາະທັງໝົດ 3,985 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 127 ຄົນ ໃນນັ້ນຕິດເຊື້ອໃນຊຸມຊົນ 54 ຄົນ ເປັນຜູ້ສຳຜັດໃກ້ຊິດກັບຜູ້ຕິດເຊື້ອທີ່ຜ່ານມາ ແລະ ກໍລະນີນໍາເຂົ້າ ມີ 73 ຄົນ ເຊິ່ງ ມາຈາກ ແຂວງສະຫວັນນະເຂດ 24 ຄົນ, ນະຄອນຫຼວງ 11 ຄົນ, ຄຳມ່ວນ 30 ຄົນ, ສາລະວັນ 6 ຄົນ ແລະ ຫຼວງພະບາງ 2​ ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກຕ່າງປະເທດ ເຂົ້າຕາມຈຸດຜ່ານແດນສາກົນ. ສໍາລັບການຕິດເຊື້ອໃນຊຸມຊົນ ຢູ່ນະຄອນຫຼວງວຽງຈັນ ແລະ ບັນດາແຂວງແມ່ນມີລາຍລະອຽດດັ່ງນີ້: ສະຫວັນນະເຂດ 4 ຄົນ: ບ້ານອຸດົມວິໄລ 02 ຄົນ (ສາມີ-ພັນລະຍາ) ມາເປັນກໍາມະກອນກໍ່ສ້າງຢູ່ເຮືອນຂອງພະນັກງານແພດ ທີ່ເຮັດວຽກຢູ່ຕຶກເດັກຂອງໂຮງຫມໍແຂວງສະຫວັນນະເຂດ. ເຈົ້າໜ້າທີ່ຕໍາຫລວດຄ້າຍຄຸມຂັງ 01 ຄົນ ບ້ານຫົວເມືອງເໜືອ 01 ຄົນ ຈຳປາສັກ 13 ຄົນ: ທັງໝົດແມ່ນຈຸ້ມກໍລະນີທີ່ກ່ຽວຂ້ອງກັບເມືອງປະທຸມພອນ ນະຄອນຫຼວງວຽງຈັນ 24 ຄົນ: ບ້ານ ອາມອນ, ເມືອງໄຊເສດຖາ 02 ຄົນ (ພໍ່ ແລະ ລູກ) ບ້ານ ດອນນົກຂຸ້ມ 02 ຄົນ ບ້ານ ດົງນາໂຊກໃຕ້, ເມືອງ ສີໂຄດ 01 ຄົນ (ນັກສຶກສາ, ແຕ່ພັກຮຽນ ເຮັດວຽກເສີມຢູ່ຮ້ານ Mini BigC ສາຂາແຖວທະນາຄານກາງ) ຜູ້ກ່ຽວພັກຢູ່ຫ້ອງແຖວດຽວກັນ ກັບກໍລະນີຕິດເຊື້ອ ທີ່ລາຍງານວັນທີ 11 ກັນຍາ ບໍ່ໄດ້ສຳຜັດໂດຍກົງ ບໍ່ໄດ້ພົບກັນ, ຜູ້ກ່ຽວພັກຢູ່ຫ້ອງເບິ 10 ແລະ ຜູ້ຕິດເຊື້ອພັກຢູ່ຫ້ອງເບີ 12 ໝາຍເຫດ: ຢູ່ຫ້ອງນຳກັນ 3 ຄົນລວມທັງຜູ້ກ່ຽວ, ໝູ່ 2 ຄົນໄດ້ເກັບຕົວຢ່ງພ້ອມກັນ ຢູ່ບຶງຂະຫຍອງວັນທີ 13 ກັນຍາ 2021 ບ້ານ ໄຊສະຫວ່າງ, ເມືອງ ໄຊທານີ 02 ຄົນ (ທັງ 2 ຄົນແມ່ນ ຄົນໄທ, ເປັນວິຊາການ ຊ່າງແປງຈັກ ຂອງໂຮງງານຕັດຫຍິບ ອິນເຕີເມັດ ແຟຊັນ) ບ້ານຮ່ອງໄກ່ແກ້ວ, ເມືອງຈັນທະບູລີ 03 ຄົນ (ຄອບຄົວດຽວກັນ, ທັງໝົດບໍ່ມີອາການ, ທັງສາມຄົນເດີນທາງໄປຮ່ວມເຮືອນດີ ຢູ່ບ້ານສາງນ້ຳມັນ, ນະຄອນປາກເຊ ວັນທີ 3-10 ກັນຍາ 2021 ພ້ອມກັນກັບ 9 ຄົນ ທີ່ລາຍງານມື້ວານນີ້, ໃນຄອບຄົວມີອີກ 4 ຄົນ ທີ່ເປັນຜູ້ສຳຜັດໃກ້ຊິດ: ເມຍ, ລູກອີກ 2 ຄົນ ແລະ ແມ່ເຖົ້າ ທີ່ຈະໄປກວດມື້ນີ້) ບ້ານ ດອນກະຊາຍ, ເມືອງຫາດຊາຍຟອງ 4 ຄົນ (ເປັນຄອບຄົວດຽວກັນ ພໍ່ແມ່ ແລະລູກ ເດີນທາງ ໄປເຮືອນດີ ບ້ານສາງນໍ້າມັນ, ນະຄອນປາກເຊ ເຊັ່ນດຽວກັນ) ບ້ານ ຫ້ວຍຫົງ, ເມືອງ ຈັນທະບູລີ 01 ຄົນ, ອາຊີບ: ຂັບລົດທ່ອງທ່ຽວ, ປະຫວັດເດີນທາງ ໄປເຮືອນດີ ບ້ານສາງນໍ້າມັນ, ນະຄອນປາກເຊ ໄລຍະວັນທີ 4-6 ກັນຍາ 2021, ຊ່ວງກັບມານະຄອນຫລວງວຽງຈັນ ໃນວັນທີ 11 ຜູ້ກ່ຽວ ໄປຊ່ວຍວຽກເຮືອນດີ ບ້ານ ໂພນເຄັງ (ຂັບລົດຮັບສົ່ງຄູບາ) ແຕ່ງານສົ່ງສະການ ແມ່ນຢູ່ຮ່ອງສຸພາບ ບ້ານ ດົງໝາກຄາຍ 01 ຄົນ, ເພດຍິງ, ພະນັກງານຊັບພະຍາກອນນໍ້າ ມີປະຫວັດ ເດີນທາງໄປເຮືອນດີຢູ່ ບ້ານສ້າງນ້ຳມັນ, ນະຄອນປາກເຊ ໃນຊ່ວງຕົ້ນເດືອນ 9, ຫລັງຈາກກັບມານະຄອນຫຼວງ ຊ່ວງວັນທີ 7-10 ກັນຍາ ຜູ້ກ່ຽວໄປວຽກປົກກະຕິ (ເພື່ອນຮ່ວມງານທີ່ນັ່ງຢູ່ຫ້ອງດຽວກັນປະມານ 10 ຄົນ) ໝາຍເຫດ: ຄົນໃນຄອບຄົວມີ 5 ຄົນ , ຕິດເຊື້ອແລ້ວ 2 ຄົນ ຍັງແຕ່ລູກ 3 ຄົນ (ອາຍຸ 15 ປີ ເພດຍິງ, ອາຍຸ 12 ປີ ເພດຊາຍ: ມີໄຂ້ ວັນທີ 10 ກັນຍາ ແລະ ອາຍຸ 3 ປີ ເພດຊາຍ) ວັນທີ 10 ກັນຍາ: ຜູ້ກ່ຽວໄດ້ໄປຮັບເອົາລູກຊາຍ ອາຍຸ 12 ປີ ຢູ່ແຂວງວຽງຈັນ ເມືອງໂພນໂຮງ ບ້ານໂພນງາມ. ກຸ່ມຕະຫລາດ ດົງໝາກຄາຍ , ເມືອງໄຊທານີ ທັງໝົດ 06 ຄົນ (ເຊື່ອມໂຍງກັບຜູ້ ຂາຍຜັກ ຕະຫລາດດອນໜູນ ທີ່ລາຍງານຕິດເຊື້ອ ໃນອາທິດຜ່ານມາ) ບ້ານ ດ່ານຊ້າງ, ບ້ານ ໂນແສງຈັນ ແລະ ບ້ານ ລາດຄວາຍ ຄຳມ່ວນ 9 ຄົນ:​ ເມືອງໜອງບົກ 7 ຄົນ: ບ້ານ ດົງບູນ 1 ຄົນ, ບ້ານ ດົງຂວາງ 1 ຄົນ ແລະ ບ້ານໂພນເມືອງ 5 ຄົນ ເມືອງມະຫາໄຊ: ບ້ານໂພນສະອາດ 2 ຄົນ ສາລະວັນ 4 ຄົນ: ທັງໝົດເປັນຄອບຄົວດຽວກັນ ຢູ່ບ້ານນາໂດນ, ເມືອງສາລະວັນ ຊື່ງໄດ້ພົວພັນໃກ້ຊິດກັບພະນັກງານທີ່ຕິດເຊື້ອ ແລະ ໄດ້ລາຍງານໃນວັນທີ 05 ກັນຍາ 2021. ເຂດສ່ຽງ/ສະຖານທີ່ ທີ່ຜູ້ຕິດເຊື້ອໄດ້ເດີນທາງໄປ ປະຈຳວັນທີ 14 ກັນຍາ 2021 ພະແນກຊັບພະຍາກອນນະຄອນຫຼວງ ດົງໝາກຄາຍ (ລະຫວ່າງວັນທີ 7 ຫາ ວັນທີ 10/9/21) ຮ້ານອາເມຊອນ ສາຂາທາດຫຼວງ (ວັນທີ 11/9/21) ຮ້ານໂປກິ ເກົາຫຼີຢູ່ແຖວ ດົງໂດກ (ວັນທີ 11/9/21) ບໍລິສັດຮຸ່ງອາລຸນ ສາຂາບ້ານທ່າດິນແດງ (ວັນທີ 13/9/21) ຮ້ານ Mini BigC ສາຂາແຖວທະນາຄານກາງ (ສະຖານທີ່ຜູ້ຕິດເຊື້ອເຮັດວຽກ) ບໍລິສັດ ອິນຕິເມດ ແຟຊັນ (Intimate fashion ເປັນໂຮງງານຕັດຫຍິບ) ບ້ານໄຊສະຫວ່າງ, ເມືອງ ໄຊທານີ (ສະຖານທີ່່ຜູ້ຕິດເຊື້ອເຮັດວຽກ) ປະຈຸບັນ ຜູ້ຕິດເຊື້ອໃໝ່ທັງໝົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກຳນົດໄວ້. ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 17,682 ຄົນ, ເສຍຊີວິດສະສົມ 16 ຄົນ ແລະ ຄົນເຈັບກໍາລັງປິ່ນປົວ ທັງໝົດ 4,414 ຄົນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ