ກອງທັບປະຊາຊົນລາວ

ວັນສຸກ, ວັນທີ 17 ກັນຍາ 2021



ກອງພົນທີ2 ປະກາດການຈັດຕັ້ງຂັ້ນພະແນກ ແລະ ເຜີຍແຜ່ວຽກງານປະກັນສັງຄົມ (ສະບັບປັບປຸງ)
ເວລາອອກຂ່າວ: 2021-09-14 12:34:12 | ຜູ້ຂຽນ : admin2 | ຈຳນວນຄົນເຂົ້າຊົມ: 607 | ຄວາມນິຍົມ:



ວັນທີ 9 ກັນຍາ 2021ນີ້, ກອງພົນທີ 2 ໄດ້ຈັດພິທີ ປະກາດການຈັດຕັ້ງຂັ້ນພະແນກ ແລະ ເຜີຍແຜ່ວຽກງານປະກັນສັງຄົມ (ສະບັບປັບປຸງ) ໂດຍການເປັນປະທານຂອງ ສະຫາຍ ພົນຈັດຕະວາ ວຽງແກ້ວ ສີສຸລາດ ຫົວໜ້າການເມືອງກອງພົນທີ 2 ມີບັນດາສະຫາຍຄະນະຫ້ອງ, ພະແນກການທີ່ກ່ຽວຂ້ອງ, ຄະນະພັກ ຄະນະບັນຊາກົມກອງອ້ອມຂ້າງ ແລະ ພະນັກງານທີ່ໄດ້ຮັບໜ້າທີ່ໃໝ່ເຂົ້າຮ່ວມ. ໃນພິທີ ສະຫາຍ ພັນໂທ ບຸນຍືນ ວິໄລພັນ ຫົວໜ້າພະແນກພະນັກງານ ຫ້ອງການເມືອງ ກອງພົນທີ2 ໄດ້ຂື້ນຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການສັບຊ້ອນພະນັກງານ ຂັ້ນພະແນກການ ທີ່ຂື້ນກັບກອງພົນທີ 2 ໂດຍອີງຕາມກົດໝາຍກອງທັບປະຊາຊົນລາວ ( ສະບັບປັບປຸງ ) ໃນພາກທີ II ໝວດທີ 4 ມາດຕາ 26 ວ່າດ້ວຍການຍົກຍ້າຍນາຍທະຫານ, ອີງຕາມແຜນການປັບປຸງບູລະນະການຈັດຕັ້ງນໍາພາ- ບັນຊາໃນກໍາລັງປະກອບອາວຸດ ໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາ ແລະ ສ້າງສາພັດທະນາປະເທດຊາດ ໃນນັ້ນຕົກລົງ ແຕ່ງຕັ້ງ ສະຫາຍ ພັນຕີ ມິດຕະພອນ ຈັນທະວິໄລ ເປັນຫົວໜ້າພະແນກໄອຍາການ, ແຕ່ງຕັ້ງ ສະຫາຍ ພັນຕີ ບຸນລຽບ ວິໄລສັກ ເປັນຮອງຫົວໜ້າພະແນກ ບໍລິຫານສັງລວມ ສໍານັກງານກອງພົນທີ 2 ແລະ ປະກາດພະນັກງານຊ່ວຍວຽກຂັ້ນພະແນກການທີ່ຂື້ນກັບກອງພົນທີ 2 ຈໍານວນໜື່ງ. ໃນພິທີຍັງໄດ້ຮັບຟັງ ຄຳສັ່ງແຈ້ງການຂອງກະຊວງປ້ອງກັນປະເທດ ວ່າດ້ວຍການເພີ່ມທະວີມາດຕະການປ້ອງກັນ,ຄວບຄຸມ ແລະ ສະກັດກັ້ນພະຍາດລະບາດໂຄວິດ 19 ແລະ ເຜີຍແຜ່ຄໍາສັ່ງແນະນໍາເພີ່ມເຕີມຂອງກະຊວງປ້ອງກັນປະເທດກ່ຽວກັບການຈັດຕັ້ງປະຕິບັດກົດໝາຍປະກັນສັງຄົມ ແລະ ແຈ້ງການກ່ຽວກັບການຈັດຕັ້ງປະຕິບັດຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການປະກັນສຸຂະພາບຕາມລະບົບປະກັນສັງຄົມກອງທັບ (ສະບັບປັບປຸງ) ໃນໂອກາດດຽວກັນ, ສະຫາຍຫົວໜ້າການເມືອງກອງພົນທີ 2 ໄດ້ມີຄໍາຄິດຄໍາເຫັນໂອ້ລົມ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍ ຕໍ່ຜູ້ທີ່ໄດ້ຮັບໜ້າທີ່ໃໝ່ ແລະ ເນັ້ນໜັກໃຫ້ແຕ່ລະສະຫາຍຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນທີ່ໄດ້ຮັບການມອບໝາຍ, ເອົາໃຈໃສ່ປັບປຸງແບບແຜນວິທີເຮັດວຽກໃຫ້ສອດຄ່ອງ ບົ້ນພຶ້ນຖານປະຕິບັດຫຼັກການລວມສູນປະຊາທິປະໄຕ, ເອົາໃຈໃສ່ໃນການເຝິກຝົນຫຼໍ່ຫຼອມຕົນເອງ ຕັ້ງໜ້າປະກອບສ່ວນເຂົ້າໃນວຽກງານປັບປຸງກໍ່ສ້າງກົມກອງໃຫ້ມີໃບໜ້າອັນໃໝ່ ແລະ ມີຄວາມເຂັ້ມແຂງ-ໜັກແໜ້ນໃນທຸກດ້ານ ແລະ ພ້ອມກັນນຳເອົາເນື້ອໃນເອກະສານທີ່ໄດ້ເຜີຍແຜ່ຄັ້ງນີ້ ໄປຈັດຕັ້ງເຜີຍແຜ່ໃຫ້ພະນັກງານ-ນັກຮົບ ຢູ່ກົມກອງຂອງຕົນ ໄດ້ຮັບຮູ້ ແລະ ເຂົ້າໃຈຢ່າງຈະແຈ້ງ. ໂດຍ: ສຸວັນໂນ ທະລັງສີ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ