ກອງທັບປະຊາຊົນລາວ

ວັນສຸກ, ວັນທີ 17 ກັນຍາ 2021



ໂຮງໝໍທະຫານແຂວງຈໍາປາສັກ ໄດ້ຮັບຢາປົວພະຍາດ ຈາກກອງທັບປະຊາຊົນຫວຽດນາມ
ເວລາອອກຂ່າວ: 2021-09-13 16:21:17 | ຜູ້ຂຽນ : admin2 | ຈຳນວນຄົນເຂົ້າຊົມ: 1161 | ຄວາມນິຍົມ:



ພິທີມອບ-ຮັບຢາປົວພະຍາດຈາກໂຮງໝໍບໍລິສັດມິດຕະພາບ 206 ກອງບັນຊາການທະຫານເຂດ 5 ກອງທັບປະຊາຊົນຫວຽດນາມໃຫ້ແກ່ໂຮງໝໍທະຫານແຂວງຈໍາປາສັກກອງທັບປະຊາຊົນລາວຈັດຂຶ້ນຢູ່ທີ່ຫ້ອງປະຊຸມຂອງໂຮງໝໍທະຫານແຂວງ ໃນຫວ່າງບໍ່ດົນມານີ້ ໂດຍການຕ້ອນຮັບຢ່າງອົບອຸ່ນຂອງ ສະຫາຍ ພັນໂທ ຖາວອນ ສິນທະປະເສີດ ຜູ້ອໍານວຍການໂຮງໝໍ ທະຫານແຂວງຈໍາປາສັກ ມີສະຫາຍ ພັນເອກ ລັດຕະນະວົງ ຫລວງກິ່ງ  ຫົວໜ້າຫ້ອງພາລາທິການທະຫານແຂວງຈໍາປາສັກພ້ອມຄະນະພັກ-ຄະນະບັນຊາ 5 ຫ້ອງກອງບັນຊາການເຂົ້າຮ່ວມເປັນສັກຂີພິຍານ.    ຕາງໜ້າກ່າວມອບໂດຍ ທ່ານ ຟາມແອັງຕວັນ ຜູ້ອໍານວຍການບໍລິສັດມິດຕະພາບ 206 ແລະ ທ່ານ ເວືອງວັນທູ ຜູ້ອໍານວຍການໂຮງໝໍບໍລິສັດມິດຕະພາບ 206  ແລະ ຕາງໜ້າກ່າວຮັບໂດຍ ທ່ານ ພັນເອກ ລັດຕະນະວົງ ຫລວງກິ່ງ . ເຄື່ອງທີ່ນໍາມາມອບໃຫ້ໃນຄັ້ງນີ້ມີຄື: ຜ້າປິດປາກ 4 ຊັ້ນ 5000 ອັນ, ຢາຂ້າເຊື້ອ 300 ກ່ອງ, ຊົບມືຢາງການແພດ 30 ກັບ, ເຄື່ອງນຸ່ງການແພດ 200 ຊຸດ, ຢາປິ່ນປົວພະຍາດທົ່ວໄປ 2 ແກັດ, ລວມມູນຄ່າທັງໝົດ 95,720,000 ກີບ       ທ່ານ ພັນເອກ ລັດຕະນະວົງ ຫລວງກິ່ງ ໄດ້ຕາງໜ້າໃຫ້ຄະນະພັກ-ຄະນະບັນຊາກ່າວສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງຕໍ່ທ່ານ ຟາມແອັງຕວັນ ພ້ອມຄະນະກໍຄືໂຮງໝໍບໍລິສັດມິດຕະພາບ 206 ກອງບັນຊາການທະຫານເຂດ 5 ກອງທັບປະຊາຊົນຫວຽດນາມທີ່ຍາມໃດກໍເຫັນໄດ້ຄວາມໝາຍຄວາມສໍາຄັນ ແລະ ເປັນຫ່ວງເປັນໃຍຕໍ່ກອງບັນຊາການທະຫານແຂວງຈໍາປາສັກຢູ່ສະເໝີເຊິ່ງມັນໄດ້ສະແດງໃຫ້ເຫັນເຖີງຄວາມຮັກແພງອັນເລີກເຊິ່ງ ແລະ ສາຍພົວພັນແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງກອງທັບກໍຄືປະຊາຊົນສອງຊາດລາວ-ຫວຽດນາມ-ຫວຽດນາມລາວທີ່ມີສາຍສໍາພັນອັນໝັ້ນຄົງທະນົງແກ່ນ ແລະ ນັບມື້ເພີ່ມພູນຄູນສ້າງຈະເລີນງອກງາມຍິ່ງໆຂື້້ນ. ຂ່າວ-ພາບ: ວິໄລພອນ ວົງວິສອນ ບັນນາທິການຂ່າວ: ທິບມະນີວັນ ຄໍາວິເສດ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ