ກອງທັບປະຊາຊົນລາວ

ວັນເສົາ, ວັນທີ 25 ກັນຍາ 2021



ຊາວໜຸ່ມ ທະຫານແຂວງໄຊຍະບູລີ ສະຫຼຸບຂໍ້ແຂ່ງຂັນ 4 ບຸກ
ເວລາອອກຂ່າວ: 2021-07-30 08:46:32 | ຜູ້ຂຽນ : admin2 | ຈຳນວນຄົນເຂົ້າຊົມ: 23 | ຄວາມນິຍົມ:



ພະແນກຊາວໜຸ່ມກອງ ບັນຊາການທະຫານແຂວງໄຊຍະ ບູລີ ໄດ້ສະຫຼຸບການປະຕິບັດຂໍ້ ແຂ່ງຂັນ 4 ບຸກ ໃນວັນທີ 20 ກໍລະກົດ 2021, ໂດຍການເປັນ ປະທານຂອງ ທ່ານ ໜູໄຊ ນໍກີຢາ ກໍາມະການສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງໄຊຍະບູລີ, ສະຫາຍ ພັນໂທ ລິດໄຊຍະ ຜາແກ້ວ ຫົວໜ້າຫ້ອງການເມືອງ ກອງບັນຊາການທະຫານແຂວງ ໄຊຍະບູລີ, ມີຄະນະພັກ-ຄະນະບັນ ຊາ, ຄະນະໜ່ວຍຊາວໜຸ່ມກົມ ກອງອ້ອມຂ້າງ ຕະຫຼອດຮອດ ສະມາຊິກຊາວໜຸ່ມເຂົ້າຮ່ວມ. ສະຫາຍ ພັນຕີ ສຸວັນທອນ ນ້ອຍຜາ ຫົວໜ້າພະແນກຊາວໜຸ່ມ ກອງບັນຊາການທະຫານແຂວງ ໄຊຍະບູລີ ໄດ້ຜ່ານບົດສະຫຼຸບຕີ ລາຄາຄືນການຈັດຕັ້ງປະຕິບັດຂໍ້ ແຂ່ງຂັນຊາວໜຸ່ມ 4 ບຸກ, ໃນໄລຍະ 1 ປີຜ່ານມາໂດຍສະເພາະແມ່ນ ຄະນະໜ່ວຍຊາວໜຸ່ມ ແລະ ສະ ມາຊິກຊາວໜຸ່ມແຕ່ລະກົມກອງ ໃນທົ່ວກອງບັນຊາການທະຫານ ແຂວງໄຊຍະບູລີ, ໄດ້ຍົກສູງ ຄວາມຮັບຜິດຊອບຕໍ່ໜ້າທີ່ການ ເມືອງຂອງຕົນ ເປັນເຈົ້າການໃນ ການປະຕິບັດໜ້າທີ່ວຽກງານທີ່ກົມກອງມອບໝາຍໃຫ້ ແລະ ຍັງ ໄດ້ພ້ອມກັນປັບປຸງກໍ່ສ້າງກົມ ກອງໃຫ້ມີຄວາມໜັກແໜ້ນ ເຂັ້ມ ແຂງໃນທຸກດ້ານ: ດ້ານການ ເມືອງ-ແນວຄິດໄດ້ 96%, ດ້ານ ການເຝິກຝົນຫຼໍ່ຫຼອມຮໍ່າຮຽນ ໄດ້ 94%, ດ້ານວຽກງານການຈັດ ຕັ້ງໄດ້ 95% ແລະ ດ້ານວິຊາຊີບ ສ້າງວຽກເຮັດງານທຳໄດ້ 95%. ນອກຈາກການປະຕິບັດໜ້າ ທີ່ວຽກງານວິຊາສະເພາະແລ້ວ ສະມາຊິກຊາວໜຸ່ມຍັງໄດ້ສ້າງ ເສດຖະກິດແກ້ໄຂຊີວິດການ ເປັນຢູ່ດ້ວຍການປູກຝັງ-ລ້ຽງສັດ ເປັນຕົ້ນປູກພືດເປັນສິນຄ້າ: ປູກ ສາລີ, ໝາກເດືອຍ, ມັນຕົ້ນໄດ້ 5 ໂຕນຕໍ່ປີ ແລະ ປູກພືດຕາມລະດູການສະໜອງເຂົ້າເຮືອນຄົວ ລວມໄດ້ 120 ກິໂລກຼາມຕໍ່ຄົນ ຕໍ່ປີ, ມີສັດລ້ຽງປະເພດງົວ 39 ໂຕ, ແບ້ 31 ໂຕ, ໝູ 7 ໂຕ, ສັດ ປີກ 5.806 ໂຕ, ລ້ຽງປາ 14.900 ໂຕ ແລະ ກົບ 2.000 ໂຕ. ສາມາດ ຄັດເລືອກໄດ້ຄະນະບໍລິຫານງານ ຊາວໜຸ່ມ 4 ບຸກ 16 ຄະນະ, ໜ່ວຍ ຮາກຖານ 4 ບຸກ 13 ໜ່ວຍ, ສະມາຊິກຊາວໜຸ່ມ ປະເພດແຂງ 1.110 ສະຫາຍ, ຍິງ 112 ສະ ຫາຍ ແລະ ກາງ 152 ສະຫາຍ, ຍິງ 3 ສະຫາຍ. ໂດຍ: ສົມຈີນ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ