ກອງທັບປະຊາຊົນລາວ

ວັນພະຫັດ, ວັນທີ 29 ກໍລະກົດ 2021



ທະຫານແຂວງຫຼວງນ້ຳທາ ສຸມກຳລັງຊ່ວຍເຫຼືອປະຊາຊົນທີ່ປະສົບໄພນ້ຳຖ້ວມ
ເວລາອອກຂ່າວ: 2021-07-22 11:05:32 | ຜູ້ຂຽນ : admin2 | ຈຳນວນຄົນເຂົ້າຊົມ: 9 | ຄວາມນິຍົມ:



ພາຍຫຼັງທີ່ມີຝົນຕົກໜັກຕິດ ຕໍ່ກັນເປັນເວລາຫຼາຍວັນ ໄດ້ເຮັດ ໃຫ້ແມ່ນໍ້າຫຼາຍສາຍຍຶ່ງຂຶ້ນຢ່າງ ໄວວາໄຫຼເຂົ້າຖ້ວມເຮືອນ, ໄຮ່, ນາ, ຮົ້ວສວນ ຂອງພໍ່ແມ່ປະຊາຊົນ ຫຼາຍບ້ານພາຍໃນເມືອງຫຼວງນໍ້າ ທາ ຄື: ບ້ານຫຼວງ, ບ້ານຂອນ, ດອນຄູນ, ທ່າອໍ້, ນໍ້າແງ້ນ, ນາລື ແລະ ບ້ານໃໝ່, ຕໍ່ກັບເຫດການ ດັ່ງກ່າວຕອນເຊົ້າຂອງວັນທີ 21 ກໍລະກົດ 2021 ນີ້, ຄະນະນໍາກອງບັນຊາການທະຫານແຂວງ ຫຼວງນໍ້າທາ ໄດ້ຈັດກອງປະຊຸມ ດ່ວນ ແລະ ມອບໝາຍໜ້າທີ່ໃຫ້ ສະຫາຍ ພັນໂທ ບຸນຄໍາ ຈັນວິວັນ ຕໍ ຮອງຫົວໜ້າຫ້ອງເສນາທິ ການ ກອງບັນຊາການທະຫານ ແຂວງຫຼວງນໍ້າທາ ນໍາເອົາກໍາ ລັງອ້າຍນ້ອງທະຫານຈາກກອງ ຮ້ອຍ 28, ກອງຮ້ອຍ 25 ແລະ ນັກຮຽນນາຍສີບ ຈໍານວນ 150 ກວ່າສະຫາຍ ເຂົ້າຊ່ວຍເຫຼືອພໍ່ ແມ່ປະຊາຊົນທີ່ໄດ້ຮັບຜົນກະທົບ ຈາກໄພພິບັດນໍ້າຖ້ວມໃນຄັ້ງນີ້ທັນທີ. ສະຫາຍ ພັນໂທ ບຸນຄໍາ ຈັນວິ ວັນຕໍ ໃຫ້ຮູ້ວ່າ: ພໍໄດ້ຮູ້ຂ່າວພວກ ເຮົາກໍໄດ້ກະກຽມກໍາລັງພົນ, ພາ ຫະນະພ້ອມທັງປະສານສົມທົບ ກັບອໍານາດການປົກຄອງທ້ອງ ຖິ່ນ ແລະ ນໍາເອົາກໍາລັງທະຫານ ຈໍານວນ 150 ກວ່າສະຫາຍ ລົງ ແຈກຢາຍຊ່ວຍເຫຼືອປະຊາຊົນ ແຕ່ລະບ້ານທີ່ຖືກຜົນກະທົບໂດຍ ເລັ່ງດ່ວນ ເພື່ອເຄື່ອນຍ້າຍປະຊາ ຊົນ, ເຄື່ອງຂອງຕ່າງໆ ແລະ ສັດ ລ້ຽງໄປໄວ້ທີ່ເຂດປອດໄພຢ່າງ ທັນເວລາ, ນອກນີ້ ຍັງໄດ້ມີການ ເຝົ້າລະວັງ, ຕິດຕາມສະພາບ ຢ່າງໃກ້ຊິດ ແລະ ກະກຽມກໍາລັງ, ພາຫະນະເຂົ້າຊ່ວຍເຫຼືອປະຊາ ຊົນທັນທີທີ່ນໍ້າໄຫຼຖ້ວມບ້ານ ເຮືອນຂອງປະຊາຊົນ ແລະ ຈະ ສືບຕໍ່ຊ່ວຍເຫຼືອປະຊາຊົນຈົນ ກວ່າຈະກັບຄືນສູ່ສະພາບປົກ ກະຕິ. ໂດຍ: ສົມສະນຸກ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ