ກອງທັບປະຊາຊົນລາວ

ວັນອາທິດ, ວັນທີ 13 ມິຖຸນາ 2021



ສອງອົງການຈັດຕັ້ງມາຫາຊົນກົມໃຫຍ່ພະລາທິການ ແລະ ກົມໃຫຍ່ເຕັກນິກ ມອບເຄື່ອງອຸປະໂພກ-ບໍລິໂພກ ໃຫ້ສະຖາບັນອະນາໄມກັນພະຍາດກອງທັບ
ເວລາອອກຂ່າວ: 2021-05-12 12:46:26 | ຜູ້ຂຽນ : admin1 | ຈຳນວນຄົນເຂົ້າຊົມ: 2 | ຄວາມນິຍົມ:



ໃນວັນທີ 10 ພຶດສະພາ 2021 ນີ້ ສອງອົງການຈັດຕັ້ງມາຫາຊົນຊາວຫນຸ່ມ-ແມ່ຍິງ ນໍາໂດຍ ສະຫາຍ ພັນໂທ ນາງ ນຸ່ນແກ້ວ ຄໍາມູງຄູນ ຫົວຫນ້າພະແນກສະຫະພັນແມ່ຍິງກົມໃຫຍ່ ພະລາທິການກອງທັບ ແລະ ສະຫາຍ ພັນໂທ ນາງ ວຽງສະຫວັນ ຊົມພູ ຫົວຫນ້າພະແນກສະຫະພັນ ແມ່ຍິງກົມໃຫຍ່ເຕັກນິກກອງທັບໄດ້ນໍາເອົານ້ໍາດຶ່ມຫົວເສືອ, ກາເຟ, ໂອວັນຕິນ, ເຂົ້າຫນົມ ແລະ ນົມສົ້ມ, ລວມມູນຄ່າທັງຫມົດ 2 ລ້ານກວ່າກີບໄປມອບໃຫ້ໃຫ້ສະຖາບັນອະນາໄມກັນພະຍາດກອງທັບ, ເຊິ່ງມີ ສະຫາຍ ພັນໂທ ດຣ ໂພສະເດັດ ເສນາມຸນຕີ ເລຂາຄະນະພັກຮາກຖານ, ຫົວຫນ້າການເມືອງສະຖາບັນອະນາໄມກັນພະຍາດ, ພ້ອມດ້ວຍຄະນະໃຫ້ການຕ້ອນຮັບ. ໂອກາດນີ້ ສະຫາຍ ພັນໂທ ນຸ່ນແກ້ວ ຄໍາມຸງຄຸນ ໄດ້ຕາງຫນ້າຄະນະ ກ່າວຄຳອວຍພອນ ແລະ ຍ້ອງຍໍຊົມເຊີຍບັນດາຜົນສໍາເລັດດ້ານຕ່າງໆ ທີ່ກົມກອງຍາດມາໄດ້ໃນໄລຍະຜ່ານມາ ເວົ້າລວມ, ເວົ້າສະເພາະແມ່ນຝາກຄວາມຢື້ຢາມຖາມຂ່າວ, ຝາກຄວາມເປັນຫ່ວງເປັນໃຍ ສຸຂະພາບຂອງບັນດາອ້າຍນ້ອງພະນັກງານວິຊາການແພດ ສະຖາບັນອະນາໄມກັນພະຍາດກອງທັບ ທີ່ກໍາລັງຕັ້ງຫນ້າປະກອບສ່ວນຜ່ານຜ່າຄວາມຫຍຸ້ງຍາກ ເຄຶ່ອນໄຫວລົງພາກສະຫນາມຕົວຈິງ ເພື່ອເຮັດວຽກງານປ້ອງກັນຄວບຄຸມ ແລະ ແກ້ໄຂພະຍາດ ໂຄວິດ-19 ທີ່ກໍາລັງແຜ່ລະບາດຢູ່ປະເທດເຮົາ, ເຊິ່ງເປັນວຽກງານສໍາຄັນ, ຮີບດ່ວນ, ທັງມີຄວາມສ່ຽງສູງ , ຈົ່ງສືບຕໍ່ເຮັດສໍາເລັດຫນ້າທີ່ການເມືອງທີ່ການຈັດຕັ້ງ, ກໍ່ຄືປະຊາຊົນໄດ້ມອບຫມາຍໃຫ້ ແລະ ຕາງຫນ້າຄະນະກ່າວຮັບເຄື່ອງໃນຄັ້ງນີ້ ສະຫາຍ ພັນໂທ ດຣ ໂພສະເດັດ ເສນາມຸນຕີ ໄດ້ສະແດງຄວາມຂອບໃຈເປັນຢ່າງສູງ ຕໍ່ສອງພາກສ່ວນອົງການຈັດຕັ້ງມາຫາຊົນກົມໃຫຍ່ພະລາທິການ ແລະ ກົມໃຫຍ່ເຕັກນິກກອງທັບ ທີ່ເຫັນໄດ້ຄວາມຫມາຍຄວາມສໍາຄັນ, ນໍາເອົາເຄື່ອງຂອງ, ຄວາມເປັນຫ່ວງເປັນໃຍ ມາກະຕຸກຊູຍູ້ອວຍພອນອ້າຍນ້ອງພະນັກງານ-ນັກຮົບ ກົມກອງພວກເຮົາ ແລະ ໄດ້ໃຫ້ຄໍາຫມັ້ນສັນຍາວ່າຈະນໍາເອົາເຄື່ອງຂອງດັ່ງກ່າວ ໄປແຈກຢາຍໃຫ້ບັນດາພະນັກງານ-ນັກຮົບພາຍໃນກົມກອງ ຢ່າງທົ່ວເຖິງ. ໂດຍ, ອ້ອຍພັນ ແພງບຸນມີ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ