ກອງທັບປະຊາຊົນລາວ

ວັນຈັນ, ວັນທີ 12 ເມສາ 2021



ກອງພັນ 563 ຈັດຕັ້ງມອບໃບຢັ້ງຢືນ ໜ່ວຍພັກປອດໃສ ເຂັ້ມແຂງ ໜັກແໜ້ນ
ເວລາອອກຂ່າວ: 2021-04-07 11:11:38 | ຜູ້ຂຽນ : admin1 | ຈຳນວນຄົນເຂົ້າຊົມ: 2 | ຄວາມນິຍົມ:



ໃນວັນທີ 5 ເມສາ 2021 ນີ້, ຢູ່ທີ່ສະໂມສອນກອງພັນ 563 ກອງພົນທີ 3 ໄດ້ຈັດພິທີມອບໃບ ຢັ້ງຢືນນາມມະຍົດໜ່ວຍພັກ ປອດ ໃສ ເຂັ້ມແຂງ ໜັກແໜ້ນ ໂດຍການ ເຂົ້າຮ່ວມຂອງ ສະຫາຍ ພັນເອກ ບຸນຫຼາຍ ອຸດົມຮຸນ ຄະນະພັກປະ ທານກວດກາ ຫົວໜ້າຫ້ອງການ ເມືອງກອງພົນທີ 3, ມີຄະນະພັກ ຮາກຖານ, ຄະນະໜ່ວຍພັກ ຕະ ຫຼອດຮອດພະນັກງານສະມາຊິກ ພັກທົ່ວກົມກອງເຂົ້າຮ່ວມ. ສະຫາຍ ພັນໂທ ຄຳພອນ ສີ ຕາວໂຍນ ເລຂາຄະນພັກຮາກ ຖານກອງພັນ 563 ໄດ້ຂຶ້ນຜ່ານ ບົດສະຫຼຸບວ່າດ້ວຍການສ້າງ ກອງຮາກຖານເຂັ້ມແຂງ ໜ່ວຍ ພັກປອດໃສ ເຂັ້ມແຂງ ໜັກແໜ້ນ ຕະຫຼອດໄລຍະ1 ປີຜ່ານມາ, ໂດຍຍົກໃຫ້ເຫັນຜົນງານດ້ານດີ, ດ້ານອ່ອນ ແລະ ບາງບົດຮຽນທີ່ ຖອດຖອນໄດ້ຕະຫຼອດໄລຍະ 1 ປີຜ່ານມາ, ຄະນະພັກແຕ່ລະຂັ້ນໄດ້ເອົາໃຈໃສ່ຊີ້ນໍາຂະບວນການ ກໍ່ສ້າງໜ່ວຍພັກ ປອດໃສ ເຂັ້ມ ແຂງ ໜັກແໜ້ນ ເປັນຕົ້ນແມ່ນ ການປັບປຸງກໍ່ສ້າງພັກຕາມ 3 ຫຼັກການ 5 ທິດນຳຂອງຄະ ນະບໍລິຫານງານສູນກາງພັກ ວາງອອກ, ໃນນີ້ ຄະນະພັກກອງ ພັນ 563 ປະກອບມີ 4 ໜ່ວຍພັກຂຶ້ນກັບມີສະມາຊິກພັກ ທັງໝົດ 57 ສະຫາຍ, ແຂງ 48 ສະຫາຍ, ກາງ 8 ສະຫາຍ, ພ້ອມນີ້ ກໍໄດ້ ຜ່ານບົດທິດທາງແຜນການປະ ຈຳປີ 2021 ຕື່ມອີກ. ໂອກາດນີ້ຜູ້ເຂົ້າຮ່ວມກໍໄດ້ປະກອບຄຳເຫັນໃສ່ບົດສະຫຼຸບ ແລະ ບົດທິດທາງແຜນການເພື່ອເຮັດໃຫ້ຖືກຕ້ອງ ແທດເໝາະກັບສະພາບເງື່ອນໄຂຕົວຈິງຂອງກົມກອງ. ສະຫາຍ ພັນຕີ ວັນດີ ສັງສີ ນວນ ຊ່ວຍວຽກພະແນກຈັດຕັ້ງ ພັກໄດ້ຜ່ານຂໍ້ຕົກລົງຂອງຄະນະ ພັກກະຊວງປ້ອງກັນປະເທດສະ ບັບເລກທີ 984/ຄພກປທ ລົງ ວັນທີ 16 ກຸມພາ 2021 ວ່າດ້ວຍ ການມອບໃບຢັ້ງຢືນວ່າດ້ວຍ ການຮັບຮອງໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ໜ່ວຍ ໜ່ວຍພັກທີ່ຂຶ້ນກັບຄະນະພັກ ຮາກຖານກອງພັນ 563 ຈຳນວນ 4 ໜ່ວຍພັກຢ່າງສົມກຽດ, ພ້ອມ ທັງໄດ້ຜ່ານຂໍ້ແຂ່ງຂັນວ່າດ້ວຍ ຂະບວນການກໍ່ສ້າງໜ່ວຍພັກ ເຂັ້ມແຂງ ໜັກແໜ້ນ ປະຈຳປີ 2021 ຕື່ມອີກ. ໃນພິທີ ສະຫາຍ ພັນເອກ ບຸນ ຫຼາຍ ອຸດົມຮຸນ ຫົວໜ້າຫ້ອງການ ເມືອງກອງພົນທີ 3 ໄດ້ໂອ້ລົມ ເຊິ່ງກ່ອນອື່ນສະຫາຍໄດ້ສະ ແດງຄວາມຍ້ອງຍໍຊົມເຊີຍຕໍ່ຜົນ ງານທີ່ບັນດາສະຫາຍພະນັກ ງານສະມາຊິກພັກຍາດມາໄດ້ ຕະຫຼອດໄລຍະຜ່ານມາ ພ້ອມທັງ ຮຽກຮ້ອງໃຫ້ຄະນະພັກ, ພະນັກ ງານສະມາຊິກພັກແຕ່ລະສະ ຫາຍຍົກສູງນ້ຳໃຈຮັບຜິດຊອບ ມີສະຕິຕໍ່ການຈັດຕັ້ງໂດຍສະ ເພາະແມ່ນການປັບປຸງກໍ່ສ້າງ ຕົນເອງ ການປະຕິບັດກົດລະ ບຽບຂອງພັກຢ່າງເຂັ້ມງວດ, ຕັ້ງ ໜ້າປັບປຸງກໍ່ສ້າງພັກໃຫ້ ປອດໃສ ເຂັ້ມແຂງ ໜັກແໜ້ນຖືເອົາການ ຕຳນິຕິຊົມເປັນບັນຫາສຳຄັນ ຕ້ານ ແລະ ສະກັນກັ້ນປະກົດ ການຫຍໍ້ທໍ້ພາຍໃນພັກ, ຕັ້ງໜ້າ ເສີມຂະຫຍາຍມູນເຊື້ອຂອງພັກໃນດ້ານທີ່ພົ້ນເດັ່ນປັບປຸງແກ້ໄຂ ຂໍ້ຄົງຄາງເພື່ອເຮັດໃຫ້ພັກກາຍ ເປັນແບບຢ່າງໃນການຊີ້ນຳ-ນຳ ພາໃນທຸກຄົງເຂດວຽກງານເຮັດ ການນຳພາຂອງຄະນະພັກແຕ່ ລະຂັ້ນນັບມື້ມີຄວາມເຂັ້ມເຂງ ຂຶ້ນກວ່າເກົ່າ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ