ວັນພະຫັດ, ວັນທີ 05 ທັນວາ 2024
ກອງພັນ 619 ແລະ 634 ຊ້ອມຮົບ ບັນຊາ-ເສນາ 1 ຂັ້ນ 1 ຝ່າຍເທິງແຜນທີ່
ເວລາອອກຂ່າວ: 2020-12-28 08:33:28 | ຜູ້ຂຽນ : admin3 | ຈຳນວນຄົນເຂົ້າຊົມ: 428 | ຄວາມນິຍົມ: 
v ໃນວັທີ 14 ທັນວາ 2020 ຜ່ານມານີ້, ກອງພັນປືນໃຫຍ່ໜ້າ ດິນ 619 ແລະ 634 ທີ່ຂຶ້ນກັບ ກອງພົນທີ 4 ໄດ້ຈັດພິທີເປີດ ຊ້ອມຮົບບັນຊາ-ເສນາ1 ຂັ້ນ 1 ຝ່າຍເທິງແຜນທີ່, ພູມີປະເທດ ແລະ ການຫັດແອບເຄື່ອນທີ່ ກຳລັງຍິງລູກປືນແທ້ປະຈຳ ປີ 2020 ຕາມແຜນການຂອງ ກົມກອງ, ໂດຍການເຂົ້າຮ່ວມ ສະຫາຍ ພັນເອກ ຕ່າງຕາ ຕາດເວີນຄຳ ຫົວໜ້າການທະ ຫານກອງພົນທີ 4, ມີຄະນະພັກ -ຄະນະບັນຊາ, ອະນຸກຳມະການ ຈັດຕັ້ງຊ້ອມຮົບ, ຄະນະພັກ - ຄະນະບັນຊາ 619 ແລະ 634 ຕະຫຼອດຮອດພະນັກງານ-ນັກຮົບວິຊາ ສະເພາະທັງ 2 ກົມກອງເຂົ້າຮ່ວມ.
ສະຫາຍ ພັນໂທ ບຸນເຮືອງຄຳມິ່ງສະຫວັດ ຮອງຫົວໜ້າຫ້ອງເສນາທິການ ກອງພົນ ທີ 4 ໄດ້ຜ່ານແຜນການຊ້ອມຮົບ ບັນຊາ-ເສນາ 1 ຂັ້ນ 1 ຝ່າຍເທິງ ແຜນທີ່, ພູມີປະເທດ ແລະ ການຫັດແອບກຳລັງຍິງລູກປືນແທ້ປີ 2020 ຂອງກອງພັນປືນ ໃຫຍ່ໜ້າດີນ 619 ແລະ 634 ທີ່ຂຶ້ນ ກັບກອງພົນທີ 4, ຕາມແຜນ ການ ໄດ້ສະເໜີບັນດາຫົວບົດ ກ່ຽວກັບການຊ້ອມຮົບ, ຈຸດປະ ສົງຄາດໝາຍ, ບັນດາບາດກ້າວ ແຕ່ລະໄລຍະຂອງການອົບຮົມ-ຫັດແອບ, ການກຳນົດຂອບເຂດ ສະຖານທີ່ການຫັດແອບຊ້ອມ ຮົບ, ການບັນຈຸກຳລັງເປັນໂຄງ ປະກອບ ແລະ ການຈັດຕັ້ງປະ ຕິບັດພາກທິດສະດີ ແລະ ພາກ ປະຕິບັດຕົວຈິງຂອງເຫຼົ່າຮົບ ວິຊາສະເພາະປືນໃຫຍ່ໜ້າດິນ ກອງພັນ619 ແລະ 634 ຈຸດ ປະສົງໃນການຊ້ອມຮົບເພື່ອ ເປັນພື້ນຖານໃຫ້ພະນັກງານ-ນັກຮົບ 2 ກົມກອງໃນການ ເຄື່ອນໄຫວປະຕິບັດໜ້າທີ່ວຽກ ງານກຽມພ້ອມສູ້ຮົບ, ທັງເປັນ ການເອກະພາບທາງດ້ານທິດ ສະດີ ແລະ ພາກປະຕິບັດຕົວຈິງ ວິຊາສະເພາະເຫຼົ່າຮົບປືນໃຫຍ່ ໜ້າດິນ, ຫຼັກການທາງ ດ້ານການ ທະຫານ, ກຳແໜ້ນພື້ນຖານ, ຫຼັກ ການ ແລະ ໝູນໃຊ້ຢ່າງມີຫົວຄິດປະດິດສ້າງໃຫ້ມີຄວາມສຳເລັດ ໃນການປະຕິບັດໜ້າທີ່ວຽກງານໃນສະເພາະໜ້າ ແລະ ຍາວນານ.
ໂອກາດນີ້ ສະຫາຍ ພັນເອກ ຕ່າງຕາ ຕາດເວີນຄຳໄດ້ໂອ້ລົມແລະ ຮຽກຮ້ອງໃຫ້ຄະນະຊີ້ນຳ, ອະນຸກຳມະການຊ້ອມຮົບ, ຄະນະພັກ-ຄະນະບັນຊາ ທັງສອງກົມກອງຕະຫຼອດຮອດພະນັກ ງານບັນຊາ-ນໍາພາ, ຈັດຕັ້ງເຝິກ ຊ້ອມຫັດແອບຊ້ອມຮົບໃຫ້ໄດ້ ຮັບປະສິດທິພາບສູງ ແລະ ເພີ່ມ ທະວີບົດບາດໃນການຊີ້ນຳ- ນໍາພາຂອງຕົນໃຫ້ສູງກວ່າເກົ່າ, ຍົກສູງຄວາມສາມັກຄີພາຍໃນ- ພາຍນອກໃຫ້ເປັນປຶກແຜ່ນແກ່ນ ສານ, ເອົາໃຈໃສ່ປະຕິບັດຂໍ້ ກຳ ນົດ, ກົດລະບຽບຂອງກອງທັບ ກໍຄືຂອງກົມກອງວາງອອກ, ປະຕິບັດຕາມຕາຕະລາງ, ໂມງເວ ລາຢ່າງເຂັ້ມງວດ, ຮັກສາຄວາມປອດໄຟໃນບັ້ນຊ້ອມຮົບຢ່າງຄັກ ແນ່ ເພື່ອຫຼີກລ່ຽງບັນຫາທີ່ຈະຕາມ ມາໃຫ້ທ່ວງທັນໃນສະເພາະໜ້າ ແລະ ຍາວນານ, ສຸມທຸກເຫື່ອແຮງ ແລະ ສະຕິປັນຍາຂອງຕົນ ເຂົ້າ ໃນບັ້ນຊ້ອມຮົບບັນຊາ - ເສນາ 1 ຂັ້ນ 1 ຝ່າຍ ເທິງແຜນທີ່ພູມີປະເທດ ແລະ ຫັດແອບເຄື່ອນທີ່ກຳລັງ ຍິງລູກປືນແທ້ປີ 2020 ໃຫ້ໄດ້ຮັບໝາກຜົນສູງກວ່າເກົ່າ ແລະ ຮັບ ປະກັນຄວາມປອດໄຟ 100 %.
ໂດຍ: ໂພຄຳ ພອນປະເສີດ
ພາບ: ສຸລິວັນ ແສນບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
