ກອງທັບປະຊາຊົນລາວ

ວັນເສົາ, ວັນທີ 01 ຕຸລາ 2022



ຄະນະຜູ້ແທນອົງການໄອຍະການທະຫານຂັ້ນສູງກອງທັບ ສປ ຈີນ ຢ້ຽມຢາມ ແລະ ເຮັດວຽກຢູ່ ສປປ ລາວ
ເວລາອອກຂ່າວ: 2019-12-11 09:14:49 | ຜູ້ຂຽນ : admin3 | ຈຳນວນຄົນເຂົ້າຊົມ: 1 | ຄວາມນິຍົມ:



ໃນວັນທີ 7 ທັນວາ 2019 ນີ້, ສະຫາຍ ພົນຕີ ຈຽງຫົງຈຸນ ຫົວໜ້າອົງການໄອຍະການທະຫານຂັ້ນສູງ ກອງທັບປົດປ່ອຍ ປະຊາຊົນຈີນພ້ອມຄະນະໄດ້ເດີນ ທາງມາຢ້ຽມຢາມ ແລະ ເຮັດ ວຽກຢູ່ອົງການໄອຍະການທະຫານພາກເໜືອກອງທັບປະຊາຊົນລາວ ຢູ່ທີ່ຫ້ອງປະຊຸມຂອງ ກອງບັນຊາການທະຫານແຂວງ ຫຼວງພະບາງ ໂດຍໄດ້ຮັບການ ຕ້ອນຮັບຢ່າງອົບອຸ່ນຈາກ ສະ ຫາຍ ພັນເອກ ໄຊພອນ ຄຸນທິດາ ເລຂາໜ່ວຍພັກ ຫົວໜ້າອົງການ ໄອຍະການທະຫານພາກເໜືອ ພ້ອມຄະນະ, ມີ ສະຫາຍ ພັນໂທ ຄໍາ ຫຼ້າ ນັນທະລັດ ຮອງຫົວໜ້າອົງ ການໄອຍະການທະຫານຂັ້ນສູງ ກອງທັບປະຊາຊົນລາວ ແລະ ຜູ້ຕາງໜ້າຈາກພາກສ່ວນທີ່ກ່ຽວ ຂ້ອງທັງສອງພາກສ່ວນເຂົ້າ ຮ່ວມ. ໃນໂອກາດນີ້ ສະຫາຍ ພັນເອກ ໄຊພອນ ຄຸນທິດາ ຫົວໜ້າອົງ ການໄອຍະການທະຫານພາກ ເໜືອ ກໍໄດ້ຕາງໜ້າຄະນະພັກ-ຄະນະບັນຊາອົງການໄອຍະ ການໄດ້ລາຍງານເຖິງພາລະບົດ ບາດ, ສິດ ແລະ ໜ້າທີ່ຂອງອົງ ການໄອຍະການທະຫານພາກ ເໜືອທີ່ມີພາລະບົດບາດໃນການ ຕິດຕາມກວດກາການເຄົາລົບ ແລະ ປະຕິບັດກົດໝາຍໃຫ້ຖືກ ຕ້ອງເປັນເອກະພາບ, ຄຸ້ມຄອງ ທາງດ້ານການຈັດຕັ້ງຕິດຕາມ ການກວດກາການປະຕິບັດສິດ ແລະ ໜ້າທີ່ຂອງອົງການໄອຍະ ການທະຫານຂັ້ນລຸ່ມ, ຕິດຕາມ ກວດກາການດໍາເນີນຄະດີອາຍາ ຂອງອົງການສືບສວນຂອງເຈົ້າ ໜ້າທີ່ທະຫານຢູ່ໃນຂອບເຂດຄວາມຮັບຜິດຊອບຂອງພາກ, ທີ່ກ່ຽວຂ້ອງ, ລະບົບການຈັດຕັ້ງ ຂອງອົງການໄອຍະການທະ ຫານພາກເໜືອມີຖານະທຽບ ເທົ່າກອງພັນໃຫ່ຍປະກອບມີ 4 ພະແນກ, ມີຈໍານວນພົນທັງໝົດ 40 ສະຫາຍ, ວຸດທິການສຶກສາ ຈົບກົດໝາຍ ປະລິນຍາຕີ 35 ສະຫາຍ, ຊັ້ນສູງ 3 ສະຫາຍ, ຊັ້ນຕົ້ນ 1 ສະຫາຍ, ແລະ ພະນັກ ງານບໍລິຫານຈໍານວນໜື່ງ, ມີບັນ ດາອົງການໄອຍະການກົມກອງ ຂຶ້ນກັບຈໍານວນ 6 ກົມກອງ, ມີ 2 ກອງພົນ, 1 ໂຮງຮຽນ ແລະ 6 ແຂວງ ມີຖານະເປັນພະ ແນກປະຈໍາຢູ່ແຕ່ລະກົມກອງ, ເຮັດໜ້າທີ່ຕິດຕາມກວດກາການ ເຄົາລົບ ແລະ ປະຕິບັດກົດໝາຍ ໃຫ້ຖືກຕ້ອງ, ເປັນເອກະພາບຢູ່ໃນຂອບເຂດຂອງຕົນມີຈໍານວນພົນ 40 ສະຫາຍ, ການກໍ່ສ້າງ ແລະ ບໍາລຸງພະນັກງານໄດ້ຖືເປັນບັນຫາສໍາຄັນເພື່ອເຮັດສໍາເລັດໜ້າທີ່ການເມືອງ ໂດຍຖືເອົາການສຶກສາອົບຮົມທາງດ້ານການເມືອງ-ແນວຄິດໃຫ້ພະນັກງານສະມາ ຊິກພັກ-ນັກຮົບກົມກອງຂອງຕົນ ໃຫ້ມີຄຸນທາດການເມືອງໜັກ ແໜ້ນ, ເຂັ້ມແຂງດ້ານການ ຈັດຕັ້ງ, ມີຄຸນສົມບັດສິນທໍາປະ ຕິວັດ, ມີຈັນຍາບັນ, ຈັນຍາທໍາ ແລະ ມີຄວາມຮັບຜິດຊອງສູງຕໍ່ໜ້າ ທີ່ວຽກງານ. ໃຫ້ຄະນະຜູ້ແທນ ດັ່ງກ່າວໄດ້ຮັບຊາບໂດຍຫຍໍ້ ຈາກນັ້ນທັງສອງຝ່າຍກໍໄດ້ແລກ ປ່ຽນຖອດຖອນບົດຮຽນກ່ຽວ ກັບການຈັດຕັ້ງປະຕິບັດໜ້າທີ່ ວຽກງານຂອງອົງການໄອຍະ ການທະຫານພາກເໜືອກອງທັບ ປະຊາຊົນລາວ ແລະ ອົງການໄອຍະການທະຫານຂັ້ນສູງກອງທັບປົດປ່ອຍປະຊາຊົນຈີນນໍາກັນຕື່ມອີກ. ທັ້ງນີ້ກໍເພື່ອເປັນການເພີ້ມພູນ ຄູນສ້າງສາຍພົວພັນການຮ່ວມມືລະຫ່ວາງສອງພັກ, ສອງລັດ, ສອງກອງທັບ ໂດຍສະເພາະ ແມ່ນອົງການໄອຍະການທະ ຫານພາກເໜືອກອງທັບປະຊາ ຊົນລາວ ແລະ ອົງການໄອຍະ ການທະຫານຂັ້ນສູງກອງທັບປົດ ປ່ອຍປະຊາຊົນຈີນໃຫ້ຂຽວສົດງົດງາມໝັ້ນຄົງທະນົງແກ່ນຕະ ຫຼອດກາລະນານ, ໃນຕອນທ້າຍ ພິທີທັງສອງຝ່າຍຍັງໄດ້ມອບ ຂອງຂັວນທີ່ລະນຶກໃຫ້ກັນ ແລະ ກັນຕື່ມອີກ. ໂດຍ: ສົມພອນ ສຸວັນທອນ-ໄຊຍະສອນ ລັດຕະນະວົງ.




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ