ກອງທັບປະຊາຊົນລາວ

ວັນເສົາ, ວັນທີ 01 ຕຸລາ 2022



ສູນກາງສະຫະພັນແມ່ຍິງລາວ ປະດັບຫຼຽນໄຊ ແລະ ຍ້ອງຍໍຜົນງານ 5 ປີ
ເວລາອອກຂ່າວ: 2019-12-10 09:46:32 | ຜູ້ຂຽນ : admin3 | ຈຳນວນຄົນເຂົ້າຊົມ: 1 | ຄວາມນິຍົມ:



ພິທີປະດັບຫຼຽນໄຊ ແລະ ຍ້ອງຍໍຜົນງານ 5 ປີ ( 2015- 2019) ຂອງສູນກາງສະຫະພັນ ແມ່ຍິງລາວ ໄດ້ຈັດໃນວັນທີ 9 ທັນວາ ທີ່ສູນເຝິກອົບຮົມສູນກາງ ສະຫະພັນແມ່ຍິງລາວ ໂດຍການ ໃຫ້ກຽດເຂົ້າຮ່ວມເປັນປະທານ ຂອງທ່ານ ສອນໄຊ ສີພັນດອນ ກໍາມະການກົມການເມືອງສູນ ກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງແຜນການ ແລະ ການລົງທຶນ, ມີທ່ານ ນາງ ອິນລາວັນ ແກ້ວບຸນບັນ ກໍາມະ ການສູນກາງພັກ ປະທານສູນ ສູນກາງສະຫະພັນແມ່ຍິງລາວ ພ້ອມດ້ວຍພະນັກງານ ສູນກາງ ສະຫະພັນແມ່ຍິງລາວ ແລະ ແຂກ ຖືກເຊີນເຂົ້າຮ່ວມ. ທ່ານ ນາງ ອິນລາວັນ ແກ້ວ ບຸນພັນ ປະທານຄະນະບໍລິຫານ ງານສູນກາງສະຫະພັນແມ່ຍິງ ລາວ ໄດ້ຂຶ້ນລາຍງານຜົນງານພົ້ນເດັ່ນຂອງສູນກາງສະຫະພັນ ແມ່ຍິງລາວໄລຍະ 5 ປີຜ່ານມາ ວ່າ: ຕະຫຼອດໄລຍະ 5 ປີ ຜ່ານ ມາ ຄະນະບໍລິຫານງານສູນກາງ ສະຫະພັນແມ່ຍິງລາວໄດ້ເອົາໃຈ ໃສ່ຊີ້ນໍາ-ນໍາພາພະນັກງານ-ລັດ ຖະກອນພາຍໃນອົງການຈັດຕັ້ງ ຂອງຕົນປະຕິບັດໜ້າທີ່ໆພັກ-ລັດມອບໝາຍໃຫ້ຈົນສາມາດ ຍາດໄດ້ຜົນງານສໍາເລັດຫຼາຍ ດ້ານເປັນຕົ້ນວຽກງານການສຶກ ສາອົບຮົມການເມືອງ-ແນວຄິດ ແຕ່ລະຄັ້ງມີຜູ້ເຂົ້າຮ່ວມເກີນ 80% ຂຶ້ນໄປພິເສດ ໃນໂອກາດ ສະເຫຼີມຫຼອງເມືອງວຽງໄຊຖານ ທີ່ໝັ້ນການປະຕິວັດຄົບຮອບ 50 ປີ ແລະ ວັນສ້າງຕັ້ງກອງທັບ ປະຊາຊົນລາວຄົບຮອບ 70 ປີ ສະຫະພັນແມ່ຍິງລາວ ໄດ້ເປັນ ເຈົ້າການປຸກລະດົມສະມາຊິກ ແມ່ຍິງກໍຄືແມ່ຍິງລາວບັນດາເຜົ່າ ໃນຂອບເຂດທົ່ວປະເທດປະກອບ ສ່ວນດ້ານທຶນຮອນໂດຍຜ່ານ ໂຄງການ “ຈໍາປາຄໍາຮ່ວມນໍ້າໃຈ ພັດທະນາແມ່ຍິງ” ໃນການປັບ ປຸງບູລະນະຖໍ້າແມ່ຍິງລາວຮັກ ຊາດ ເຂົ້າຮ່ວມຂະບວນການຄາ ລະວານແມ່ຍິງລາວສູ່ເມືອງ ວຽງໄຊ ເປັນຂະບວນການທໍາອິດ ພ້ອມນັ້ນໃນປີ 2018 ທົ່ວປະເທດ ໄດ້ປະສົບໄພນໍ້າຖ້ວມໜັກກວ່າໝູ່ ແມ່ນຢູ່ເມືອງສະໜາມໄຊ ຄະນະ ນໍາສະຫະພັນແມ່ຍິງໄດ້ສ້າງຈຸດ ປະສານງານລວມ ແລະ ເປັນເຈົ້າ ການປຸກລະດົມທົ່ວປວງຊົນທັງ ພາຍໃນ ແລະ ຕ່າງປະເທດ ເພື່ອ ໃຫ້ການຊ່ວຍເຫຼືອ ແລະ ຢ້ຽມ ຢາມໃຫ້ກໍາລັງໃຈ ຄຽງຄູ່ກັນນັ້ນ ໄດ້ເຂົ້າຮ່ວມສ້າງຂະບວນການບໍ ລິຈາກເລືອດຮ່ວມກັບສູນເລືອດ ມີຜູ້ເຂົ້າຮ່ວມແຕ່ລະຄັ້ງປະມານ 500 ກວ່າທ່ານ, ໄດ້ສໍາເລັດການ ສ້າງ ແລະ ຜ່ານຮ່າງກົດໝາຍວ່າ ດ້ວຍຄວາມສະເໝີພາບຍິງ-ຊາຍ ຕໍ່ກອງປະຊຸມສະໄໝ ສາມັນເທື່ອທີ 8 ຂອງສະພາແຫ່ງຊາດຊຸດທີ VIII ນອກນີ້ຍັງໄດ້ຫັນລົງສູ່ຮາກ ຖານເພື່ອສ້າງຄອບຄົວ ແລະ ບ້ານແມ່ຍິງ 3 ດີ ຕິດພັນກັບການ ສ້າງບ້ານພັດທະນາຕາມທິດ 3 ສ້າງເຂົ້າສູ່ລວງເລິກ ດ້ວຍການ ຈັດສົ່ງພະນັກງານລົງກໍ່ສ້າງຮາກ ຖານຍູ້ແຮງຂະບວນການແຂ່ງ ຂັນຮັກຊາດ ແລະ ພັດທະນາຕາມ ຂໍ້ແຂ່ງຂັນບໍລິຫານລັດຂອງ ລັດຖະບານ ເອົາໃຈໃສ່ປະຕິບັດ 4 ບຸກທະລຸ ແລະ ການປະຕິບັດ ໜ້າທີ່ຂອງອົງການຈັດຕັ້ງມະ ຫາຊົນ ແລະ ອື່ນໆ. ຕໍ່ຜົນງານການເຄື່ອນໄຫວ ຂອງສູນກາງສະຫະພັນແມ່ຍິງ ລາວຕະຫຼອດໄລຍະ 5 ປີຜ່ານມາ ປະກອບມີ 13 ກົມກອງທີ່ຂຶ້ນກັບ ກົງຈັກຊ່ວຍວຽກໄດ້ຮັບການປະ ດັບຫຼຽນໄຊ ໃນນີ້, ຫຼຽນໄຊແຮງ ງານຊັ້ນ I ມີ 4 ກົມກອງ, ຫຼຽນໄຊ ແຮງງານຊັ້ນ II ມີ 6 ກົມກອງ ແລະ ຫຼຽນໄຊແຮງງານຊັ້ນ III ມີ 3 ກົມກອງ. ປະເພດບຸກຄົນດີເດັ່ນມີ ຫຼຽນໄຊແຮງງານຊັ້ນ I ມີ 14 ທ່ານ, ຫຼຽນໄຊແຮງງານຊັ້ນ II ມີ 25 ທ່ານ ແລະ ຫຼຽນໄຊແຮງງານ ຊັ້ນ III ມີ 22 ທ່ານ, ຫຼຽນກາແຮງ ງານ 51 ທ່ານ, ໃບຍ້ອງຍໍລັດຖະ ບານ 78 ທ່ານ ແລະ ໃບຍ້ອງຍໍ ຂອງສູນກາງສະຫະພັນແມ່ຍິງ ລາວ 56 ທ່ານ ເຊິ່ງໃຫ້ກຽດປະດັບ ຫຼຽນໄຊໃຫ້ກົມກອງ ຫຼຽນໄຊ ແຮງງານຊັ້ນ I ໃຫ້ບຸກຄົນ ໂດຍ ທ່ານ ສອນໄຊ ສີພັນດອນ ແລະ ໃຫ້ກຽດປະດັບຫຼຽນໄຊແຮງງານ ຊັ້ນ II, III, ຫຼຽນກາແຮງງານ ໂດຍ ທ່ານ ນາງ ອິນລາວັນ ແກ້ວ ບຸນພັນ ແລະ ມອບໃບຍ້ອງຍໍ ຂອງລັດຖະບານ, ໃບຍ້ອງຍໍຂອງ ສູນກາງສະຫະພັນແມ່ຍິງລາວ ຂອງທ່ານ ນາງ ບັນດິດ ປະທຸມວັນ ຮອງປະທານສູນກາງສະຫະພັນ ແມ່ຍິງລາວ. ທ່ານ ສອນໄຊ ສີພັນດອນ ໄດ້ ຍ້ອງຍໍຊົມເຊີຍຕໍ່ຜົນງານຂອງສູນ ກາງສະຫະພັນແມ່ຍິງລາວທີ່ ຍາດມາໄດ້ໃນຕະຫຼອດໄລຍະ 5 ປີ ແລະ ໄດ້ເນັ້ນໜັກໃຫ້ສູນກາງ ສະຫະພັນແມ່ຍິງເອົາໃຈໃສ່ຕຶ່ມ ເປັນຕົ້ນແມ່ນ ປີ 2020 ເປັນປີ ມ້ວນທ້າຍການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ ແມ່ຍິງລາວທົ່ວປະເທດຄັ້ງທີ VII ເພື່ອສ້າງຂະບວນການຂຳ່ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງພັກ ກອງປະຊຸມໃຫຍ່ຜູ້ ແທນແມ່ຍິງລາວທົ່ວປະເທດຄັ້ງທີ VIII. ຄະນະປະທານສູນກາງສະ ຫະພັນແມ່ຍິງລາວຕ້ອງໄດ້ສືບຕໍ່ ສູ້ຊົນບືນຕົວກ້າວຂຶ້ນໃຫ້ສໍາເລັດ ຕາມຄາດໝາຍທີ່ວາງໄວ້ເອົາໃຈ ໃສ່ປັບປຸງກົງຈັກການຈັດຕັ້ງໃຫ້ ໄດ້ຕາມເງື່ອນໄຂມາດຖານໃໝ່ ອອກແຮງຊຸກຍູ້ຕິດຕາມກອງປະ ຊຸມໃຫຍ່ 3 ຂັ້ນຂອງພັກ ແລະ ຂອງສະຫະພັນແມ່ຍິງ ເພື່ອເຮັດ ໃຫ້ພະນັກງານນໍາພາ-ຄຸ້ມຄອງ ເພດຍິງທີ່ມີເງື່ອນໄຂໄດ້ບັນຈຸຊັບ ຊ້ອນຫຼາຍຂຶ້ນກຽມພ້ອມປະຕິ ບັດໜ້າທີ່ໆພັກ-ລັດມອບໝາຍໃຫ້ ປຸກລະດົມ ແລະ ເຂົ້າຮ່ວມຂະບວນ ການແຂ່ງຂັນຮັກຊາດ ແລະ ພັດ ທະນາເສີມຂະຫຍາຍ 5 ຄຸນລັກ ສະນະທີ່ເປັນມູນເຊື້ອຂອງແມ່ ຍິງລາວ, ການປົກປັກຮັກສາວັດ ທະນະທໍາອັນດີງາມຂອງແມ່ຍິງ ແລະ ຂອງຊາດ, ສູ້ຊົນພັດທະນາ ຕົນເອງຢ່າງຮອບດ້ານສຸມໃສ່ ສ້າງແຜນພັດທະນາແມ່ຍິງລາວ ແຜນດໍາເນີນງານແຫ່ງຊາດ ເພື່ອ ຄວາມສະເໝີພາບຍິງ-ຊາຍ,ແຜນ ດໍາເນີນງານແຫ່ງຊາດວຽກງານ ແມ່ ແລະ ເດັກໃຫ້ສອດຄ່ອງກັບ ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021- 2025), ການສະຫຼຸບການປະ ຕິບັດຄໍາຂັວນຂໍ້ແຂ່ງຂັນ 3 ດີ ກະ ກຽມສະເຫຼີມສະຫຼອງວັນສໍາຄັນ ຂອງພັກ, ຂອງຊາດ, ຂອງແນວ ລາວສ້າງຊາດ ແລະ ອົງການຈັດ ຕັ້ງມະຫາຊົນ ເວົ້າສະເພາະວັນ ສ້າງຕັ້ງສະຫະພັນແມ່ຍິງລາວຄົບ ຮອບ 65 ປີ ໃນປີ 2020 ຕິດພັນ ກັບຂະບວນການແຂ່ງຂັນຮັກ ຊາດ ແລະ ພັດທະນາໃຫ້ເປັນຂະ ບວນຟົດຟື້ນກວ້າງຂວາງເຂົ້າ ເຖິງທຸກຮາກຖານກຸ່ມຊັ້ນຄົນ ແລະ ກຸ່ມເປົ້າໝາຍເຮັດໃຫ້ຂະ ບວນການແຂ່ງຂັນນີ້ ຕິດພັນກັບ ການປັບປຸງການຈັດຕັ້ງປະຕິບັດ ໃຫ້ມີຄວາມເຂັ້ມແຂງ ແລະ ໜັກ ແໜ້ນ. ໂດຍ: ບຸນຊ້ອຍ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ