ກອງທັບປະຊາຊົນລາວ

ວັນອັງຄານ, ວັນທີ 16 ສິງຫາ 2022



ກົມໃຫຍ່ເສນາທິການກອງທັບ ເປີດຂະບວນການກິລາມ່ວນຊົນ-ກິລາການທະຫານປະຈຳປີ 2019
ເວລາອອກຂ່າວ: 2019-12-06 12:31:02 | ຜູ້ຂຽນ : admin3 | ຈຳນວນຄົນເຂົ້າຊົມ: 94 | ຄວາມນິຍົມ:



ໃນວັນທີ 3 ທັນວານີ້, ກົມ ໃຫຍ່ເສນາທິການກອງທັບໄດ້ ເປີດຂະບວນການແຂ່ງກີລາມ່ວນ ຊົນ-ກີລາການທະຫານປະຈຳປີ 2019 ເພື່ອຂໍ່ານັບຮັບຕ້ອນວັນ ສຳຄັນຂອງຊາດ-ຂອງພັກ ໂດຍ ສະເພາະຂໍ່ານັບຮັບຕ້ອນວັນ ສ້າງຕັ້ງກອງທັບປະຊາຊົນ ລາວ ຄົບຮອບ 71 ປີ, ວັນຄ້າຍວັນເກີດປະທານໄກສອນ ພົມວິ ຫານຄົບຮອບ 99 ປີ ແລະ ວັນ ຊາດທີ 2 ທັນວາຄົບຮອບ 44 ປິີ ໂດຍການເຂົ້າຮ່ວມເປັນປະ ທານຂອງ ສະຫາຍ ພົນຕີ ຈັນ ທອງ ສອນຕະອາດ ກຳມະການ ຄະນະພັກກະຊວງປ້ອງກັນປະ ເທດ ຮອງຫົວໜ້າກົມໃຫຍ່ເສນາ ທິການກອງທັບ. ມີຄະນະພັກ- ຄະນະບັນຊາກົມ, ຫ້ອງການ, ກົມ ກອງຮາກຖານທົ່ວອົງການກົມ ໃຫຍ່ເສນາທິການເຂົ້າຮ່ວມ. ການຈັດຕັ້ງເປີດຂະບວນການ ແຂ່ງຂັນກີລາໃນຄັ້ງນີ້ແມ່ນຢູ່ໃນ ທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກອງທັບ ແລະ ທົ່ວ ປວງຊົນລາວບັນດາເຜົ່າພວມ ອອກແຮງແຂ່ງຂັນຈັດຕັ້ງຜັນ ຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງ ປະຊຸມໃຫຍ່ຄັ້ງທີ lV ຂອງອົງ ຄະນະພັກກະຊວງປ້ອງກັນປະ ເທດ ມະຕິກອງປະຊຸມໃຫຍ່ຄັ້ງ ທີ V ຂອງອົງຄະນະພັກກົມ ໃຫຍ່ເສນາທິການກອງທັບ. ສະ ນັ້ນ, ຈຶ່ງໄດ້ຈັດຕັ້ງສ້າງຂະບວນ ການກີລາສະໝັກຫຼິ້ນທົ່ວອົງ ການກົມໃຫຍ່ເສນາທິການຂຶ້ນ ເພື່ອເຮັດໃຫ້ພະນັກງານ-ນັກຮົບ ໄດ້ເຝິກຝົນກຳລັງແຮງກາຍໃຫ້ ມີສຸຂະພາບແຮງແຂງ, ເຕົ້າໂຮມ ຄວາມສາມັກຄີພາຍໃນເຊິ່ງກັນ ແລະ ກັນໃຫ້ແໜ້ນແຟ້ນຍິ່ງໆຂຶ້ນ ພ້ອມກັນເຮັດສຳເລັດໜ້າທີ່ການ ເມືອງຂອງຕົນທີ່ການຈັດຕັ້ງ ມອບໝາຍໃຫ້ຢ່າງໜັກແໜ້ນ. ໂອກາດນີ້, ສະຫາຍ ພົນຕີ ຈັນ ທອງ ສອນຕະອາດ ກໍໄດ້ໂອລົມ ເພື່ອເຮັດໃຫ້ການແຂ່ງຂັນກີລາ ມ່ວນຊົນ ພາຍໃນອົງການກົມ ໃຫຍ່ເສນາທິການກອງທັບໃຫ້ມີ ບັນຍາກາດຟົດຟື້ນມ່ວນຊື່ນ ຍາດໄດ້ຄວາມສາມັກຄີພາຍໃນ ເປັນປຶກແຜນຕິດພັນກັບການ ເຄື່ອນໄຫວເຮັດໜ້າທີ່ວິຊາສະ ເພາະໃນແຕ່ລະດ້ານຂອງຕົນ ແລະ ມີປະສົບຜົນສຳເລັດຕາມ ລະດັບຄາດໝາຍທີ່ຄະນະພັກ ຂັ້ນເທິງກຳນົດໄວ້ ພ້ອມທັງເນັ້ນ ໃຫ້ຄະນະພັກ-ຄະນະບັນຊາ, ແຕ່ ລະຂັ້ນຕ້ອງເອົາໃຈໃສ່ປຸກລະ ດົມ, ຊຸກຍູ້ບັນດາພະນັກງານ-ນັກຮົບທີ່ເຂົ້າຮ່ວມຂະບວນການ ແຂ່ງຂັນກີລາຕ້ອງຍົກສູງຄວາມ ສາມັກຄີໃຫ້ແໜ້ນແຟ້ນ ແລະ ປະຕິບັດຖືກຕ້ອງຕາມລະບຽບ ຫຼັກການຕາມຕາຕະລາງ ການ ແຂ່ງຂັນ ແລະ ວັນເວລາທີ່ໄດ້ ກຳນົດຢ່າງເຂັ້ມງວດ, ຄະນະ ຮັບຜິດຊອບແຕ່ລະທິມນັກກີລາ ແຕ່ລະພາກສ່ວນຕ້ອງເປັນເຈົ້າ ການນຳພານັກກີລາ ແລະ ກອງ ເຊຍຂອງຕົນເຂົ້າຮ່ວມການ ແຂ່ງຂັນ ແລະ ໃຫ້ມີບັນຍາກາດ ເບີກບານມ່ວນຊື່ນ ການແຂ່ງຂັ້ນ ໃນຄັ້ງນີ້ມີທັງໝົດ 8 ປະເພດ ກີລາ, ມີບານສົ່ງຊາຍມີ 21 ທີມ, ບານສົ່ງຍິງມີ 10 ທິມ, ກະ ຕໍ້ມີ 18 ທີມ, ເປຕັງຊາຍລຸ່ນ ໜຸ່ມມີ 53 ທີມ, ເປຕັງຍິງທົ່ວ ໄປ 39 ທີມ, ເປຕັງລຸ່ນອາວຸ ໂສມີ 52 ທີມ, ກີລາການທະ ຫານນັກຮົບແຂ່ງແຮງມີ 10 ທີມ ແລະ ກີລາການທະຫານ ແລ່ນມ້າງປະກອບ-ອາວຸດ AK ມີ 20 ທີມ. ໂດຍ: ແສງສຸລີ ພົມມະຈັກ




 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ