ກອງທັບປະຊາຊົນລາວ
 
ວັນຈັນ, ວັນທີ 16 ພະຈິກ 2026

  

ກວດກາ​ປະ​ເມີນ​ຄວາມ​ຄືບ​ໜ້າ ໂຄງການ​ກໍ່ສ້າງ​ເຮືອນນອນ, ຫ້ອງການ, ສະຖານທີ່ຄ້າຍ​ຄູ ຢູ່​ກອງພັນ​ໃຫຍ່ 302
ເວລາອອກຂ່າວ: 2026-10-16 09:17:32 | ຜູ້ຂຽນ : admin1 | ຈຳນວນຄົນເຂົ້າຊົມ: 221 | ຄວາມນິຍົມ:



ວັນ​ທີ 14 ຕຸລາ 2026 ນີ້, ກົມ​ກໍ່ສ້າງ​ຊັບ​ສິນ ກົມ​ໃຫຍ່​ພະລາທິການ​ກອງທັບ ແລະ ພະແນກການ​ທີ່​ກ່ຽວຂ້ອງ ກອງ​ພົນ​ທີ 3 ໄດ້​ເຄື່ອນ​ໄຫວ​ກວດກາ​ປະ​ເມີນ​ຄວາມ​ຄືບ​ໜ້າ ໂຄງການ​ກໍ່ສ້າງ​ເຮືອນນອນ, ຫ້ອງການ ສະຖານທີ່​ຄ້າຍ​ຄູ ຢູ່​ກອງພັນ​ໃຫຍ່ 302 ກອງ​ພົນ​ທີ 3, ນຳ​ໂດຍ ສະຫາຍ ພັນ​ເອກ ບຸນ​ມັງ ໂຄດ​ຂຸນ​ຕາ ຮອງ​ຫົວໜ້າ​ກົມ​ກໍ່ສ້າງ​ຊັບ​ສິນ ກົມ​ໃຫຍ່​ພະລາທິການ​ກອງທັບ, ສະຫາຍ ພັນ​ເອກ ຄຳ​ຕັນ ແສງ​ມະ​ລາພອນ ຫົວໜ້າ​ຫ້ອງ​ການເມືອງ ກອງ​ພົນ​ທີ 3, ສະຫາຍ ພັນ​ໂທ ວິ​ໄຊ ລວງ​ໄຊ​ສຸກ ຫົວໜ້າ​ຫ້ອງ​ພະລາທິການ ກອງ​ພົນ​ທີ 3 ພ້ອມ​ດ້ວຍ​ທີມ​ງານ​ຈາກ​ກະຊວງ​ປ້ອງ​ກັນ​ປະເທດ, ທີມ​ງານ​ກອງ​ພົນ​ທີ 3, ມີ​ສະຫາຍ ພັນ​ເອກ ຄຳ​ອ້ວນ ວຽງ​ສະຫວັນ ຫົວໜ້າ​ການເມືອງ ກອງພັນ​ໃຫຍ່ 302 ພ້ອມ​ດ້ວຍ​ຄະນະ, ມີ​ບັນດາ​ຫົວໜ້າ​ບໍລິສັດ​ຮັບ​ເໝົາ​ກໍ່ສ້າງ ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ. ສະຫາຍ ພັນ​ໂທ ບານ​ເພັດ ແພງ​ດວງ​ຈັນ ຫົວໜ້າ​ພະ​ແນກ​ກໍ່ສ້າງ ກອງ​ພົນ​ທີ 3 ໄດ້​ລາຍ​ງານ​ຄວາມ​ຄືບ​ໜ້າ ໂຄງການ​ກໍ່ສ້າງ​ກອງພັນ​ໃຫຍ່ 302 ໃຫ້​ຮູ້​ວ່າ: ໂຄງການ​ກໍ່ສ້າງ​ເຮືອນນອນ, ຫ້ອງການ, ສະຖານທີ່​ຄ້າຍ​ຄູ ຢູ່​ກອງພັນ​ໃຫຍ່ 302 ເປັນ​ໂຄງການ ຂອງ​ກະຊວງ​ປ້ອງ​ກັນ​ປະ ເທດ​ໂດຍ​ກົງ ໂດຍ​ມີ 3 ບໍລິສັດ​ເປັນ​ຜູ້​ຮັບ​ເໝົາ​ກໍ່ສ້າງ​ຄື: ບໍລິສັດ ແກ້ວ​ຈິນດາ, ບໍ​ລີ​ສັດ KS ອິນ​ເຕີ, ບໍລິສັດ PDL (ພອນ​ດາ​ລັດ) ເປັນ​ຜູ້​ຮັບ​ເໝົາ​ກໍ່ສ້າງ ໃນ​ນີ້, ບໍລິສັດ ແກ້ວ​ຈິນດາ ຮັບ​ເໝົາ​ກໍ່ສ້າງ 20 ລາຍການ ລວມ​ມູນ​ຄ່າ​ສັນຍາ​ທັງ​ໝົດ 47.999.368.474 ກີບ ໃນ​ນີ້, ຫ້ອງການ ກອງພັນ​ໃຫຍ່ 302 ສຳເລັດ 56%, ເຮືອນນອນ​ໂສດ ມີ 10 ຫຼັງ ກໍ່ສ້າງ 6 ຫຼັງ ສຳເລັດ 42%, ເຮືອນນອນ ຂອງ​ຄະນະ​ກອງຮ້ອຍ​ສຳເລັດ 10%, ບຸກເບີກ​ປັບ​ໜ້າດິນ, ຖົມ​ດິນ ແລະ ຕັດ​ແລວ​ທາງ​ສຳເລັດ 60%; ບໍລິສັດ KS ອິນ​ເຕີ ຮັບ​ເໝົາ​ກໍ່ ສ້າງ​ທັງ​ໝົດ ມີ 18 ລາຍການ ລວມ​ມູນ​ຄ່າ​ສັນຍາ​ທັງ​ໝົດ 29.122.896.494 ກີບ ສະເລ່ຍ​ການ​ກໍ່ສ້າງ​ທັງ​ໝົດ​ສຳເລັດ 42,91%, ບໍລິສັດ PDL (ພອນ​ດາ​ລັດ) ຮັບ​ເໝົາ​ກໍ່ສ້າງ​ທັງ​ໝົດ 18 ລາຍການ ລວມ​ມູນ​ຄ່າ​ສັນຍາ​ທັງ​ໝົດ 30.386.722.686 ກີບ ສະເລ່ຍ​ການ​ກໍ່ສ້າງ​ສຳເລັດ 63,14%, ສະເລ່ຍ​ລວມ​ທັງ​ໝົດ​ການ​ກໍ່ສ້າງ​ເຮືອນນອນ, ຫ້ອງ ການ, ສະຖານທີ່​ຄ້າຍ​ຄູ່ ທົ່ວ​ກອງພັນ​ໃຫຍ່ 302 ສຳເລັດ 39,82%. ໂອກາດ​ນີ້, ທັງ 3 ບໍລິສັດ ໄດ້​ລາຍ​ງານ​ໂດຍ​ຫຍໍ້​ໃນ​ການ​ກໍ່ສ້າງ​ໃນ​ໄລຍະ​ຜ່ານ​ມາ ເຊິ່ງ​ໄດ້​ຍົກ​ໃຫ້​ເຫັນ​ຂໍ້​ສະດວກ ແລະ ຂໍ້​ຫຍຸ້ງຍາກ ດ້ານ​ງົບປະມານ ແລະ ດ້ານ​ວິຊາ​ການ​ໃນ​ການ​ກໍ່ສ້າງ ພາກ​ສະໜາມ​ຕົວ​ຈິງ ລະຫວ່າງ​ເຈົ້າ​ຂອງ​ໂຄງການ ກັບ​ບໍລິສັດ ຜູ້​ຮັບ​ເໝົາ​ກໍ່ສ້າງ​ໂຄງການ​ກອງພັນ​ໃຫຍ່ 302 ໂດຍ​ສະເພາະ​ແມ່ນ​ປະຕິບັດ​ຕາມ​ແຜນການ ແລະ ທິດ​ຊີ້​ນຳ ຂອງ​ຂັ້ນ​ເທິງ​ວາງ​ອອກ ໄດ້​ບັນລຸ​ໄປ​ຕາມ​ສັນຍາ ແລະ ຮັບປະກັນ​ໄດ້​ທາງ​ດ້ານ​ຄຸນ​ນະ​ພາບ. ພ້ອມ​ນີ້, ຄະນະ​ໜ່ວຍ​ງານ​ທີ່​ກ່ຽວຂ້ອງ ຍັງ​ໄດ້​ຜັດປ່ຽນ​ກັນ​ປະກອບ​ຄຳ​ຄິດ​ເຫັນ ແລະ ປຶກສາ​ຫາລື, ຖອດ​ຖອນ​ບົດຮຽນ ກັບ​ບໍລິສັດ​ຮັບ​ເໝົາ​ກໍ່ສ້າງ ເຮັດ​ໃຫ້ການ​ກໍ່ສ້າງ​ໃນຕໍ່ໜ້າ​ໃຫ້​ດຳເນີນ​ໄປ​ຕາມ​ແຜນ ແລະ ສຳເລັດ​ຕາມ​ຄາດໝາຍ​ທີ່​ວາງ​ໄວ້. ຂ່າວ: ພອນ​ແກ້ວ ວິໄລ​ສັກ ພາບ: ໄຊ​ຄຳ ສຸ​ຍະ​ອິນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ