ກອງພັນ 162 ກອງພົນທີ 1 ຈັດຕັ້ງເຄື່ອນທັບແບບທາງໄກ
ເວລາອອກຂ່າວ: 2026-10-16 09:11:20 | ຜູ້ຂຽນ : admin1 | ຈຳນວນຄົນເຂົ້າຊົມ: 245 | ຄວາມນິຍົມ: ![]()
ໂດຍປະຕິບັດຕາມແຜນການອົບຮົມ-ຫັດແອບຂອງກົມກອງໃນການເຄື່ອນທັບແບບທາງໄກ ປະຈຳປີ 2026 ຂອງກອງພົນທີ 1. ໃນຕົ້ນເດືອນຕຸລາ 2026 ກອງພັນ 162 ໄດ້ຈັດຕັ້ງເຄື່ອນທັບແບບທາງໄກ ໂດຍຊີ້ນຳພາກສະໜາມຂອງ ສະຫາຍ ພັນໂທ ຮີໂລ້ ພິມມະສອນ ຫົວໜ້າພະ ແນກອົບຮົມຫ້ອງເສນາທິການ ກອງພົນທີ 1, ມີ ສະຫາຍ ພັນໂທ ສອນພັນ ລໍຈິງຄູນພັນ ຮອງຫົວ ໜ້າຫ້ອງເສນາທິການ ກອງພົນທີ 1 ເປັນຜູ້ບັນຊາ-ຊີ້ນຳກຳລັງເຄື່ອນທັບໃນຄັ້ງນີ້.
ພາຍຫຼັງໄດ້ເຕົ້າໂຮມກຳລັງສຳເລັດສະຫາຍຮອງຫົວໜ້າການທະຫານກອງພັນ 162 ໄດ້ຈັດຕັ້ງເອີ້ນແຖວກວດກາຈຳນວນພົນ, ອາວຸດ, ການປະກອບຢ່າງລະອຽດຕາມລະບຽບ ແລະ ຫຼັກ ການ ແລ້ວລາຍງານການກະ ກຽມສຳເລັດຕໍ່ສະຫາຍຫົວໜ້າການທະຫານກອງພັນ. ຈາກນັ້ນ, ສະຫາຍຫົວໜ້າການທະຫານ ກອງພັນກໍໄດ້ລາຍງານຂໍອະນຸ ຍາດລົງຄຳສັ່ງເຄື່ອນທັບຕໍ່ຜູ້ບັນຊາ-ຊີ້ນຳກຳລັງເຄື່ອນທັບ ພ້ອມທັງບັນຊາກຳລັງເຄື່ອນທັບໄປສູ່ຈຸດທີ່ໝາຍ. ໄລຍະທາງການເຄື່ອນທັບ 19 ກິໂລແມັດ, ເປ້ໜັກ 20-25 ກິໂລກະຣາມ, ມີຈຳນວນພົນເຂົ້າຮ່ວມ 50 ສະຫາຍ ເສັ້ນທາງການເຄື່ອນທັບສ່ວນໃຫຍ່ເປັນເສັ້ນທາງເປີດແປນ ເຊິ່ງໄດ້ຜ່ານຄອງເໝືອງ, ຂົວ, ທົ່ງນາ, ບ້ານປະຊາຊົນ, ຜ່ານຜ່າສິ່ງກີດຂວາງຈາກພູມີປະເທດ ແລະ ສະພາບດິນ, ຟ້າອາກາດ ຕາມລະດູການໃນຂອບເຂດກົມກອງຕັ້ງທັບ.
ການອົບຮົມ-ຫັດແອບເຄື່ອນທັບທາງໄກໃນຄັ້ງນີ້ ກໍເພື່ອເປັນການເຝິກຝົນກຳລັງແຮງກາຍໃຫ້ແກ່ກຳລັງເຫຼົ່າຮົບວິຊາສະເພາະຮັບປະກັນໃຫ້ມີສຸຂະພາບເຂັ້ມ ແຂງ, ທົນທານ, ມີມານະຈິດອົດ ທົນຜ່ານຜ່າຕໍ່ອຸປະສັກນາໆປະ ການ ແລະ ມີຄວາມຊຳນານ ແລະ ຄຸ້ນເຄີຍກັບພູມີປະເທດຕົວຈິງ ເພື່ອຍົກລະດັບຄວາມຮູ້-ຄວາມສາມາດຂອງຜູ້ບັນຊາແຕ່ລະຂັ້ນໃຫ້ຮູ້ຈັດຕັ້ງຊີ້ນຳ-ບັນຊາກຳລັງຂອງຕົນເຄື່ອນທັບ, ມີພິບ ໄຫວແກ້ໄຂກໍລະນີເພື່ອໝູນໃຊ້ເຂົ້າໃນການເຮັດໜ້າທີ່ຕົວຈິງໃຫ້ ມີປະສິດທິຜົນສູງ ແລະ ເປັນ ການປັບປຸງກໍ່ສ້າງກຳລັງ ແລະ ກວດກາຄວາມພ້ອມທາງດ້ານ ສຸຂະພາບຂອງນາຍ ແລະ ພົນທະຫານ ຮັບປະກັນໃຫ້ແກ່ການກຽມພ້ອມສູ້ຮົບ ແລະ ເຄື່ອນໄຫວສູ້ຮົບມີໄຊ.
ຜ່ານການຈັດຕັ້ງປະຕິບັດເຄື່ອນທັບຕົວຈິງເຫັນໄດ້ຄວາມຮັບຜິດຊອບຂອງທຸກພາກສ່ວນພະນັກງານ-ນັກຮົບມີຈິດໃຈຟົດ ຟື້ນປະຕິວັດບຸກ, ມີມານະຈິດອົດ ທົນຜ່ານຜ່າຕໍ່ຄວາມຫຍຸ້ງຍາກ, ທົນທານແຂງແກ່ນຕໍ່ທຸກສະພາບການ, ມີລະບຽບວິໄນເຂັ້ມງວດ ແລະ ສາມາດນຳພາກຳລັງກັບຄືນສູ່ກົມກອງດ້ວຍຄວາມປອດໄພ 100%.
ໂດຍ: ໂກຮັງ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ















