ໂຮງໝໍບໍລິເວນ 107 ກອງທັບ ສະເຫຼີມສະຫຼອງວັນຄູແຫ່ງຊາດ ຄົບຮອບ 32 ປີ
ເວລາອອກຂ່າວ: 2026-10-09 09:20:26 | ຜູ້ຂຽນ : admin1 | ຈຳນວນຄົນເຂົ້າຊົມ: 300 | ຄວາມນິຍົມ: ![]()
ເນື່ອງໃນໂອກາດວັນຄູແຫ່ງຊາດ ຄົບຮອບ 32 ປີ (7 ຕຸລາ 1994-7 ຕຸລາ 2026), ໂຮງໝໍບໍລິເວນ 107 ກອງທັບ ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ ຄົບຮອບ 32 ປີ, ໂດຍການເປັນປະທານຂອງ ສະຫາຍ ພັນເອກ ໄພວັນ ຈັນທະສຸກ ຮອງຫົວໜ້າອຳນວຍການໂຮງໝໍບໍລິເວນ 107 ກອງທັບ, ມີບັນດາຄະນະພັກ-ຄະນະບັນຊາ ພະແນກ, ຂະແໜງການ, ກອງຮ້ອຍນັກສຶກສາ, ຄູ-ອາຈານ ຕະຫຼອດຮອດ ນັກສຶກສາສ້າງແພດຊັ້ນກາງ ເຂົ້າຮ່ວມ.
ສະຫາຍ ພັນໂທ ບຸນມີ ສີຫາລາດ ຫົວໜ້າພະແນກບໍລິຫານການແພດໂຮງໝໍບໍລິເວນ 107 ກອງ ທັບ ໄດ້ເລົ່າຫວນຄືນມູນເຊື້ອປະ ຫວັດຄວາມເປັນມາຂອງວັນຄູແຫ່ງຊາດ (ນາຍຄູຄຳ), ນັບແຕ່ຊຸມ ປີ 1905 ໂດຍແມ່ນ ທ້າວ ຄຳ
ທີ່ໄດ້ເຂົ້າຮ່ວມເຝິກອົບຮົມຄູຄົນທຳອິດຂອງລາວ, ຕະຫຼອດຊີວິດຂອງນາຍຄູຄຳນອກຈາກເຮັດໜ້າທີ່ການສິດສອນ, ນາຍຄູຄຳຍັງເປັນຜູ້ທີ່ມີນ້ຳໃຈຮັກຊາດ, ດຸ ໝັ່ນຂະຫຍັນພຽນ, ອຸທິດສະຕິປັນຍາ, ເລືອດເນື້ອ, ເຫື່ອແຮງຂອງຕົນເພື່ອພາລະກິດການສຶກສາ ແລະ ໄດ້ເຂົ້າຮ່ວມຂະບວນການນຳພາປະຊາຊົນລຸກຂຶ້ນຕໍ່ສູ້ຕ້ານການຮຸກຮານຂອງພວກຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ ເປັນເວລາຍາວນານຢ່າງລະອິດລະອ້ຽວຈົນໄດ້ຮັບໄຊຊະນະໃນແຕ່ລະໄລຍະຢ່າງສະຫງ່າຜ່າເຜີຍ ເພື່ອເຮັດໃຫ້ຄວາມກະຕັນຍູຮູ້ບຸນຄຸນຕໍ່ຄູ-ອາຈານໃນສັງຄົມໄດ້ກາຍເປັນພຶດຕິກຳຕົວຈິງ, ລັດຖະບານຈຶ່ງໄດ້ກຳນົດເອົາວັນທີ 7 ຕຸລາ ຂອງທຸກໆປີ ເປັນວັນຄູແຫ່ງຊາດ, ການຈັດຕັ້ງໃຫ້ມີວັນຄູແຫ່ງຊາດ ແມ່ນເປັນການເຊີດຊູກຽດສັກສີ, ຖານະບົດບາດຂອງຄູ-ອາຈານໃນສັງຄົມ ແລະ ຄຸນງາມຄວາມດີ ຂອງຄູທີ່ມີຕໍ່ປະເທດຊາດ, ວັນຄູແຫ່ງຊາດເປັນວັນໜຶ່ງທີ່ສຳຄັນໃນປະຫວັດສາດຂອງຊາດລາວເພາະວ່າ ຄູບໍ່ພຽງແຕ່ໄດ້ປະກອບສ່ວນເຂົ້າໃນວຽກງານການ
ສຶກສາເທົ່ານັ້ນແຕ່ຍັງໄດ້ປະ ກອບສ່ວນຢ່າງຕັ້ງໜ້າເຂົ້າໃນພາລະກິດແຫ່ງການຕໍ່ສູ້ ເພື່ອຄວາມເປັນເອກະລາດຂອງຊາດ. ມາຮອດປັດຈຸບັນການສຶກສາແມ່ນໄດ້ຮັບການປັບປຸງ ແລະ ພັດທະນາຂຶ້ນເລື່ອຍໆ ເພື່ອໃຫ້ສອດຄ່ອງກັບຍຸກສະໄໝ ຕິດພັນກັບການພັດທະນາເສດຖະກິດ-ສັງຄົມຂອງຊາດໃນໄລຍະໃໝ່ພ້ອມທັງເສີມຂະຫຍາຍມູນເຊື້ອວັນຄູແຫ່ງຊາດເຂົ້າໃນການ ຈັດ ຕັ້ງປະຕິບັດວຽກງານຈຸດສຸມໂດຍສະເພາະແມ່ນວຽກງານພັດທະນາຊັບພະຍາກອນມະນຸດ ເຮັດໃຫ້ການສຶກສາໄດ້ມີການຂະຫຍາຍຕົວຢ່າງຮອບດ້ານ ແລະ ມີຄຸນນະພາບດີ. ຈາກນັ້ນ, ພະນັກງານ, ຄູ-ອາຈານ ແລະ ນັກສຶກສາ ກໍຍັງໄດ້ເຂົ້າຮ່ວມຂະບວນການແຂ່ງຂັນກິລາເຕະບານ ຢ່າງເປັນຂະບວນຟົດຟື້ນ ແລະ ມ່ວນຊື່ນ.
ໂດຍ : ນາງ ສຸລິຈັນ ພັດທະນາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ















